សិល្បករជើងចាស់ផ្នែកអាយ៉ៃ ស្មៀន ប៉ាវ ទទួលមរណៈភាពហើយ
- ភ្នំពេញ
រាជធានីភ្នំពេញ ៖ សិល្បករផ្នែកអាយ៉ៃជើងចាស់ និងជាតារាកំប្លែងលោក ប៉ែន ប៉ាវ ហៅ ស្មៀនប៉ាវ បានទទួលមរណ:ភាពក្នុងជន្មាយុ៦២ ឆ្នាំវដោយរោគាពាធ…
រាជធានីភ្នំពេញ ៖ សិល្បករផ្នែកអាយ៉ៃជើងចាស់ និងជាតារាកំប្លែងលោក ប៉ែន ប៉ាវ ហៅ ស្មៀនប៉ាវ បានទទួលមរណ:ភាពក្នុងជន្មាយុ៦២ ឆ្នាំវដោយរោគាពាធ នៅថ្ងៃទី៣ ខែមេសា ឆ្នាំ២០២១នេះ។
បើយោងតាមការបង្ហោះនៅលើកហ្វេសប៊ុក របស់ក្រុមព្រះសុរិយាបានអោយដឹងថា សូមចូលរួមសោកស្តាយយ៉ាងក្រៀមក្រំបំផុត ក្រោយពីដំណឹងមរណៈភាពរបស់អ្នកស្មៀនប៉ាវ ។
អ្នកស្មៀន ប៉ាវ មានឈ្មោះ ដើមថា ប៉ែន ប៉ាវ បានទទួលមរណភាព ដោយសារជំងឺទាចទឹក ក្នុងជន្មាយុ៦២ឆ្នាំ នាគេហដ្ឋានរបស់លោក ក្នុងឃុំរំលេច ភូមិចារ ស្រុកស៊ីធរកណ្តាល ខេត្តព្រៃវែង ។
បើតាមក្រុមព្រះសុរិយា កន្លងទៅថ្មីៗនេះ អ្នកស្មៀន ប៉ាវ បានបង្ហាញវត្ថមានជាថ្មីម្តងទៀត នៅក្នុងកញ្ចក់ទូរទស្សន៍បាយ័ន ក្នុងនាទីសំណើចចុងសប្តាហ៍ ដែលដឹកនាំសម្តែងដោយ លោក អ៊ូ ប៊ុនណារ៉ាត់ ហៅនាយ ក្រឹម ។
លោកមានទេពកោលស្យសម្តែងខ្ពស់ណាស់ ប្រកបដោយបច្ចេកទេសកំប្លែងខ្ពស់ ពាក្យសម្តែងក៏ថ្លៃថ្នូរថែមទៀត ។ ពិធីបុណ្យសពរបស់លោក និងរៀបចំតាមប្រពៃណីទំនៀមទំលាប់ខ្មែរ នៅក្នុងភូមិចា ស្រុកស៊ីធរកណ្តាល ខេត្តព្រៃវែង ។
សូមជម្រាបផងដែរថា លោកស្មៀនប៉ាវ គឺជាស្វាមីអ្នកស្រី សាត សេរីយ៉ង់ អ្នកចម្រៀងភ្លេងការដ៏ល្បីល្បាញជំនាន់ថ្មីនេះ ។
យ៉ាងណាការមរណ:ភាពរបស់លោក ប៉ែន ប៉ាវ នាពេលនេះត្រូវបានចាត់ទុកថា ជាការបាត់បង់ធនធានមនុស្ស មួយរូបដែលមានទេពកោសល្យ ផ្នែកអាយ៉ៃ ភ្លេងបុរាណ និងកំប្លែងដែលស្ថិតក្នុងសមាជិកក្រុមសំណើចចុងសប្តាហ៍ផងដែរ ។ សូមវិញ្ញាណក្ខន្ធលោកទៅកាន់ឋានសុខ ឋានស្ងប់ ផុតអស់ទុក្ខទាំងឡាយ ៕
ចែករំលែកព័តមាននេះ