ខេត្តស្វាយរៀង ទទួលវ៉ាក់សាំង ស៊ីណូវ៉ាក់ ២៩៧០០ ដូស សម្រាប់ចាក់ជូនមន្ត្រីរាជការ ក្នុងទ្រង់ទ្រាយធំ
- ស្វាយរៀង
ខេត្តស្វាយរៀង៖ នាព្រឹកថ្ងៃព្រហស្បតិ៍ ទី០១ ខែមេសា ឆ្នាំ២០២១ ឯកឧត្តម ជុំ ហាត ប្រធានក្រុមប្រឹក្សាខេត្ត និងលោកជំទាវ…
ខេត្តស្វាយរៀង៖ នាព្រឹកថ្ងៃព្រហស្បតិ៍ ទី០១ ខែមេសា ឆ្នាំ២០២១ ឯកឧត្តម ជុំ ហាត ប្រធានក្រុមប្រឹក្សាខេត្ត និងលោកជំទាវ…
ខេត្តស្វាយរៀង៖ នាព្រឹកថ្ងៃព្រហស្បតិ៍ ទី០១ ខែមេសា ឆ្នាំ២០២១ ឯកឧត្តម ជុំ ហាត ប្រធានក្រុមប្រឹក្សាខេត្ត និងលោកជំទាវ ឯកឧត្តម ម៉ែន វិបុល អភិបាលនៃគណៈអភិបាលខេត្ត និងជាប្រធានអនុគណៈកម្មការចំពោះកិច្ចចាក់វ៉ាក់សាំងកូវីដ១៩ ក្របខ័ណ្ឌទូទាំងខេត្តស្វាយរៀង បានអញ្ជើញចាក់វ៉ាក់សាំងការពារជំងឺកូវីដ-១៩ ប្រភេទ Sinovac ក្នុងគោលការណ៍ស្ម័គ្រចិត្ត។
ជាមួយគ្នានេះ ក៏មានការចាក់ជូនដល់សមាជិកក្រុមប្រឹក្សាខេត្ត មន្ត្រីរាជការ មន្ត្រីជាប់កិច្ចសន្យាសាលាខេត្តផងដែរ។ ពិធីចាក់វ៉ាក់សាំងនេះ បានធ្វើឡើង នៅសាលប្រជុំធំ អាគារ “ឃ” ក្នុងសាលាខេត្តស្វាយរៀង។
សូមជម្រាបជូនថា វ៉ាក់សាំងស៊ីណូវ៉ាក់នេះ ចាក់បានចាប់ពីអាយុ ១៨ឆ្នាំឡើងទៅ ហើយថ្ងៃនេះ ជាថ្ងៃទី១ នៃការបើកឆាកយុទ្ធនាការចាក់ថ្នាំបង្ការជំងឺកូវីដ១៩ប្រភេទ Sinovac ដែលបានប្រព្រឹត្តិ ទៅក្នុងក្របខ័ណ្ឌទូទាំងទាំងប្រទេស ក្រោមការគិតគូ និងដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន ដើម្បីសុខមាលភាពរបស់ប្រជាជនកម្ពុជា។ ក្នុងនោះ ខេត្តស្វាយរៀង ក៏បានរៀបចំចាក់ជូនដល់ថ្នាក់ដឹកនាំ មន្ត្រីរាជការ សាលាក្រុង-ស្រុក ទូទាំង ៨ ក្រុងស្រុក ក្នុងខេត្តស្វាយរៀង ទៅតាមពេលវេលា និងទីកន្លែង ដែលរដ្ឋបាលក្រុងស្រុក បានបែងចែក ក្នុងការចាក់វ៉ាក់សាំងជូន ដោយផ្អែកលើគោលការស្ម័គ្រចិត្ត។
លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាល ខេត្តស្វាយរៀង បានមានប្រសាសន៍ប្រាប់អ្នកសារព័ត៌មានថា ដំណាក់កាលទី២នេះ រដ្ឋបាលខេត្តស្វាយរៀង ទទួលបានវ៉ាក់សាំងប្រភេទស៊ីណូវ៉ាក់(Sinovac)ចំនួន២៩,៧០០ដូស សម្រាប់ចាក់ជូនមន្ត្រីរាជ្យការក្នុងខេត្តស្វាយរៀងចំនួន១៤,៨៥០នាក់។លោកវេជ្ជបណ្ឌិតបន្តទៀតថា ការចាក់វ៉ាក់សាំងការពារកូវីដ១៩នៅថ្ងៃទី១មេសានេះ គឺជាដំណាក់កាលទី២ លើកទី១ ដែលទទួលវ៉ាក់សាំងប្រភេទស៊ីណូវ៉ាក់ ចំនួន ២៩៧០០ដូស។ កាលពីដំណាក់កាលទី១ ខេត្តស្វាយរៀង ទទួលបានវ៉ាក់សាំង (ប្រភេទស៊ីណូហ្វាម) ចំនួន ៣០០០ដូស សម្រាប់ចាក់ឲ្យមន្ត្រីសុខាភិបាលនិងកងកម្លាំងនគបាល និងទាហាន។
លោកវេជ្ជបណ្ឌិត កែរ រដ្ឋា បានបញ្ជាក់ថា នៅដំណាក់កាលទី២ លើកទី១នេះ យើងមាន ៨ទីតាំង សម្រាប់ចាក់វ៉ាក់សាំងការពារជំងឺកូវីដ១៩ គឺ៖ ទី១ នៅ អគារ«ឃ» សាលាខេត្តស្វាយរៀង គឺសម្រាក់ចាក់ជូនថ្នាក់ដឹកនាំ ក្រុមប្រឹក្សាខេត្ត គណៈអភិបាលខេត្ត មន្ត្រីសាលាខេត្ត និងមន្ត្រីរាជការតាមមន្ទីរនានា ជុំវិញខេត្ត និង ៧ ទីតាំងទៀត រួមមាន មន្ទីរពេទ្យខេត្តស្វាយរៀង មន្ទីរពេទ្យបង្អែករមាសហែក មន្ទីរពេទ្យបង្អែក ជីភូ មន្ទីរពេទ្យបង្អែក ស្វាយទាប មន្ទីរពេទ្យបង្អែកស្វាយជ្រំ មណ្ឌលសុខភាពមេសរថ្ងកស្រុកចន្ទ្រា និងមណ្ឌលសុខភាពញរ ឃុំញរ ស្រុកកំពង់រោទិ៍។
ក្នុងឱកាសនោះដែរ លោកវេជ្ជបណ្ឌិត ក៏បានឲ្យដឹងដែរថា មកដល់ថ្ងៃទី១មេសា២០២១នេះ មានអ្នកវិជ្ជមានកូវីដ-១៩ សរុបចំនួន ២៨នាក់ នៅខេត្តស្វាយរៀង។ ក្នុងនោះ ព្យាបាលជាសះស្បើយ ២នាក់ និងកំពុងសម្រាកព្យាបាលចំនួន ២៦នាក់។ ម្នាក់ ត្រូវបានបញ្ជូនទៅរាជធានីភ្នំពេញ និង ២៥នាក់ កំពុងសម្រាកព្យាបាល នៅមន្ទីរពេទ្យស្វាយជ្រំ៕ ដោយ៖ វ៉ាន់ ប៊ុនធឿន
ចែករំលែកព័តមាននេះ