រាជធានីភ្នំពេញ ៖ វិសិនហ្វាន់ខេមបូឌា រៀបចំយុទ្ធនាការផ្សព្វផ្សាយជាទ្រង់ទ្រាយធំដើម្បីដាក់បង្ហាញពី អត្ថប្រយោជន៍ពិសេសទៅលើកញ្ចប់ប្រាក់បញ្ញើមានឈ្មោះថា «សុវត្ថិភាពទ្វេដង»និងការប្រគុំតន្ត្រីដោយមានការចូលរួមពីតន្ត្រីករពីលោក G-Devith និងក្រុមតន្ត្រីP-Sand រួមទាំងលោក Chen មកពីក្រុម Volcano និងតារាល្បីៗជាច្រើនរូបទៀតផ្សេងទៀត កាលពីល្ងាចថ្ងៃទី៣ កញ្ញានៅផ្សារទំនើបអ៊ីអន។
ក្រៅពីការទទួលបានភាពសប្បាយរីករាយពីការប្រគុំតន្ត្រី និងជាមួយតារាក្នុងដូងចិត្តអ្នកចូលរួមក៏ទទួលបានព័ត៌មានពីអត្ថប្រយោជន៍ពិសេស«សុវត្ថិភាពទ្វេដង»លើប្រាក់បញ្ញើថែមទាំងការប្រើប្រាស់សេវាកម្មប្រាក់កម្ចី សេវាប្រាក់បញ្ញើ សន្សំនិងសេវាហិរញ្ញវត្ថុផ្សេងៗរបស់វីសិនហ្វាន់ ។យុទ្ធនាការផ្សព្វផ្សាយផ្នែកលក់គឺជួយឲ្យអតិថិជនរបស់វីសិនហ្វាន់នៅទូទាំងខេត្ត និងរាជធានីមានឱកាសទទួលបាននូវអត្ថប្រយោជន៍ពិសេសនេះ ទៅលើប្រាក់បញ្ញើ របស់ពួកគាត់។
គូសបញ្ជាក់ថា កម្មវិធីនេះបានបើកដំណើរការតាំងពីរថ្ងៃទី២២ សីហា ឆ្នាំ២០១៥ ដែលមានក្រុមការងារផ្សព្វផ្សាយបានចេញដំណើរពីភ្នំពេញទៅខេត្តតាកែវ កំពង់ស្ពឺ ។ក្រុមការងារផ្សព្វផ្សាយផ្នែកលក់វីសិនហ្វាន់នឹងបន្តទៅខេត្តជាច្រើនផ្សេងទៀតមានដូចខេត្តបាត់ដំបងនៅថ្ងៃទី ៥-៧ ខែកញ្ញា ខេត្តសៀមរាប ពីថ្ងៃទី៩-១១ ខែកញ្ញា ខេត្តកំពង់ធំ ពីថ្ងៃទី១៣-១៤ខែកញ្ញា ខេត្តកំពង់ចាមពីថ្ងៃទី១៥-១៧ ខែកញ្ញា ។
ដោយឡែកចំពោះប័ណ្ណធានារ៉ាប់រងរបស់វីសិនហ្វាន់បានបែងចែកពីប្រភេទ៖ ប័ណ្ណធានារ៉ាប់រងប្រភេទពណ៌ប្រាក់អាចដាក់ប្រាក់បញ្ញើចាប់ពី៣.០០០ដល់១០.០០០ដុល្លារ និងប័ណ្ណធានារ៉ាប់រងប្រភេទពណ៌មាសដាក់ប្រាក់បញ្ញើលើសពី១ម៉ឺនដុល្លារ ហើយអន្ថប្រយោជន៍ ទទួលបានពីប័ណ្ណ ធានារ៉ាប់រងទាំងពីរប្រភេទនេះមានទៅលើការសម្រាកព្យាបាល សម្រាកព្យាបាលដោយមានការវៈកាត់ធំ ពិការភាពដោយគ្រោះថ្នាក់និងមរណភាពជាដើម។
វីសិនហ្វាន់ គឺជាគ្រឹះស្ថានមីក្រូហិរញ្ញវត្ថុដែលមានអាជ្ញាប័ណ្ណ និងឈានមុនគេមួយនៅកម្ពុជាដែលបានបម្រើអតិថិជនសរុបជាង២៥ម៉ឺនគ្រួសារទូទាំងប្រទេស និងផលបត្រ័ឥណទានសរុបប្រមាណជាង១១៣លានដុល្លារ ដែលផ្តល់ប៉ះពាល់ដល់កុមារជាង៨សែននាក់។ ទន្ទឹមនឹងនេះដែរ យើងបានសម្រេចជោគជ័យនូវការប្រមូលប្រាក់បញ្ញើសន្សំរបស់អតិថិជនជិត ២១លានដុល្លារពីអតិថិជនសរុបប្រមាណជាង៤៦ពាន់នាក់គិតត្រឹមខែសីហា ឆ្នាំ២០១៥ នេះ ៕
ចែករំលែកព័តមាននេះ