ខេត្តក្រចេះ ៖ ម៉ូតូកម្លាំងយក្ស១គ្រឿងត្រូវបានឃាត់ ខណៈមានដឹកជញ្ជូនឈើជាច្រើនម៉ែត្រគូប ក្នុងពេលធ្វើដំណើរចេញពីក្រុងក្រចេះ ការបង្ក្រាបធ្វើឡើងកាលពីវេលាម៉ោង០២និង៤៥នាទីទៀបភ្លឺ ថ្ងៃទី១២ មីនា ។
កម្លាំងមូលដ្ឋានកងរាជអាវុធហត្ថស្រុកឆ្លូង ដឹកនាំរួមដោយលោកអនុសេនីយ៍ឯក កង ស៊ុម មេបញ្ជាការរងស្រុក បានចុះបង្ក្រាបបទល្មើសព្រៃឈើនៅចំណុចភូមិព្រែកចំឡាក់ ឃុំកញ្ជរ ស្រុកឆ្លូង ខេត្តក្រចេះ ដោយបានឃាត់ម៉ូតូសណ្តោងរ៉ឺម៉ក និងមានឈើអារប្រភេទកកោះចំនួន១៩០សន្លឹក។
បច្ចុប្បន្ន វត្ថុតាងប្រគល់ជូនសង្កាត់រដ្ឋបាលព្រៃឈើឆ្លូង ដើម្បីចាត់ការតាមនីតិវិធី។
ប៉ុន្តែអ្វីដែលធ្វើអោយមហាជនមានការភ្ញាក់ផ្អើលនោះ គឺម៉ូតូ ឬហៅថា ម៉ូតូកម្លាំងយក្សខាងលើនេះ មានសណ្តោងរ៉ឺម៉ក ហើយដឹកជញ្ជូនឈើជាច្រើនម៉ែត្រគូប ធ្វើដំណើរចេញពីក្រុងក្រចេះ ឆ្លងកាត់គោលដៅសមត្ថកិច្ចនៅចំណុចគល់ស្ពាន់ពាមទេ រហូតមកដល់ស្រុកឆ្លូងទើបកងរាជអាវុធហត្ថស្រុកឆ្លូងបង្ក្រាបបាន ដែលជាហេតុធ្វើអោយមហាជនមិននឹកស្មានដល់តែម្តង ?
ចែករំលែកព័តមាននេះ