រាជធានីភ្នំពេញ ៖ នៅពេលបច្ចុប្បន្នការផ្តល់សេវាកម្សាន្តនៅពេលរាត្រីទទួលបានការចាប់អារម្មណ៍ពីវិនិយោគិន និងម្ចាស់ក្រុមហ៊ុនជាច្រើន ដោយពួកគាត់យល់ឃើញថា ការកម្សាន្តសប្បាយនៅពេលរាត្រីកំពុងមានការពេញនិយមពីពលរដ្ឋកម្ពុជា និងភ្ញៀវទេសចរណ៍ជាតិ-អន្តរជាតិ។ តាមអ្នកជំនាញមួយចំនួនក្នុងវិស័យនេះយល់ឃើញថា ការមានទីតាំងល្អ គឺជាចំណុចសំខាន់នៅដំណើការធ្វើអាជីវកម្ម តួយ៉ាង ដូចជាមណ្ឌលកម្សាន្ត Coloso KTV បង្កើតឡើងនៅក្នុងតំបន់សក្តានុពល (ខណ្ឌចំការមន) រាល់ការរៀបចំតុបតែង គឺមានលក្ខណៈប្លែក និងទំនើបជាងកន្លែងកម្សាន្តនានា ។ Coloso KTV ជាមណ្ឌលកម្សាន្តថ្មីមួយដែលផ្តល់បទពិសោធន៍ជូនភ្ញៀវជាតិ-អន្តរជាតិ ទទួលបានភាពសប្បាយរីកប្រកបដោយផាសុកភាព។
អ្នកមើលការខុសត្រូវនៅ Coloso KTV លោកប៉ែន រីណា បានឲ្យដឹងថា គោលសំខាន់នៃការបង្កើតនៅColoso KTV នេះឡើង គឺដើម្បីទាក់ទាញភ្ញៀវទេសចរណ៍ជាតិ -អន្តរជាតិ នៅក្រុងភ្នំពេញ ដែលនៅពេលបច្ចុប្បន្នកំពុងទទួលបានការចាប់អារម្មណ៍ខ្លាំងទៅលើទីផ្សារមួយនេះ ខណៈនៅក្រុងភ្នំពេញមិនទាន់កន្លែងកម្សាន្តនាពេលរាត្រីមានភាពទូលំទូលាយ។ Coloso KTV ជាមណ្ឌលកម្សាន្តមួយមានការរចនាប្លែក និងទំនើបជាងគេនៅក្នុងភ្នំពេញ ពិសេសនៅថ្ងៃយើងបើកទ្វារផ្តល់សេវាកម្សាន្តជូនភ្ញៀវដំបូង យើងទទួលបានការកោតសសើរនូវរចនាបទ និងរបៀបតុបតែង និងប្រព័ន្ធសម្លេងដែលយើងរៀបចំ ។
លោកបញ្ជាក់ថា មណ្ឌលកម្សាន្ត Coloso KTV មានកម្ពស់៥ជាន់ មាន៣៤បន្ទប់ ស្ថិតនៅតាមបណ្តោយផ្លូវ៣៦០ ជាប់នឹងសណ្ឋាគារស៊ីដនី ស្ថិតនៅក្នុងខណ្ឌចំការមន ដែលជាតំបន់ល្អមួយនៅក្រុងភ្នំពេញ បើធៀបនឹងតំបន់ផ្សេងៗ។ លោកថា Coloso KTV បន្ទប់ VIP ចំនួន៦ ក្នុងចំណោមបន្ទប់ធម្មតាទាំង៣៤ ប៉ុន្តែបន្ទប់ធម្មតារបស់យើងនៅទីនេះ មានទំហំធំបំពាក់ទៅដោយឧបករណ៍ និងការតុបតែងមានលក្ខណៈកម្រិតខ្ពស់ បើធៀបនឹងកន្លែងកម្សាន្តដែលបើកមុនៗ ។
លោកបន្ថែមថា Coloso KTV ក្រៅពីផ្តោតទៅលើភាពទំនើបកម្រិតខ្ពស់ ហើយនោះ Coloso KTV មានបទចម្រៀងគ្រប់ភាសាដែលក្នុងភាសាៗនីមួយៗមានបទចម្រៀងរាប់ម៉ឺនបទដែលអាចផ្តល់ជម្រើសឲ្យភ្ញៀវដែលចូលចិត្តច្រៀងជ្រើសរើសបានតាមតម្រូវការ ជាមួយនឹងបុគ្គលិកដែលមានបុគ្គលិកលក្ខណៈរុះរាយ រាក់ទាក់ និងមានចំណេះដឹងខាងភាសាថែមទៀត។ នៅពេលបច្ចុប្បន្ននេះ ទាក់ទងនឹងការផ្តល់សេវាកម្សាន្តនៅក្រុងភ្នំពេញ មានការប្រកួតប្រជែងគ្នានេះ លោកប៉ែន រីណា ថ្លែងថា «ដោយសារយើងយល់ថា ទីផ្សារមានការប្រកួតប្រជែងខ្ពស់ អ៊ីចឹងហើយក្នុងរៀបចំរបស់យើងធ្វើឡើងដោយមានការប្រុងប្រយ័ត្នខ្ពស់ ទំរាំយើងបើកដំណើរការអគារ និងខារ៉ាអូខេនេះ យើងចំណាយពេលជាងពីរឆ្នាំ»។
លោកបន្តថា បន្ទាប់ពីបើកដំណើររហូតមកដល់ពេលនេះ យើងទទួលបានភ្ញៀវខ្មែរ ជប៉ុន វៀតណាម កូរ៉េ ថៃ ចិន មានការចូលកម្សាន្តច្រើនគួរឲ្យកត់សម្គាល់ ហើយដើម្បីឲ្យភ្ញៀវបានស្គាល់កន្លែងកាន់ច្បាស់ យើងមានកម្មវិធីជូនពួកគាត់ដូចជា ភ្ញៀវចូលកម្សាន្តនៅបន្ទប់ធម្មតា ប្រសិនគាត់ចំណាយអស់៨០ដុល្លារឡើងទៅ យើង Free ថ្លៃបន្ទប់ជូនពួកគាត់ លើសពីនេះយើងនៅមានការបញ្ចុះតម្លៃ២៥% ផ្សេងទៀត ទៅលើម្ហូបអាហារ និងភេសជ្ជៈដែលគាត់ពិសារ ចំពោះបន្ទប់ VIP របៀបគិតដូចគ្នាមានលក្ខណៈដូចទៅនឹងបន្ទប់ធម្មតាដែរ តែគ្រាន់ការចំណាយត្រូវខ្ពស់ជាងនេះបន្តិច។ លោកថា កម្មវិធីនេះ ដែលបានលើកឡើងខាងលើនេះយើងនៅបន្តជូនភ្ញៀវ១ខែបន្ថែមទៀត ដើម្បីឲ្យជូនភ្ញៀវមកកម្សាន្តនៅទីកន្លែងរបស់យើងទទួលបានការបញ្ចុះតម្លៃនេះគ្រប់ៗគ្នា។
ផ្អែកលើទីតាំង សម្ភារៈ ឧកបករណ៍បំពាក់នៅតាមបន្ទប់នីមួយប្រើប្រាស់ទៅដោយបច្ចេកវិទ្យាទំនើបនៅក្នុងការផ្តល់សេវាកម្មកម្សាន្តរបស់ Coloso KTV នេះ លោកប៉ែន រីណា បានបញ្ជាក់ថា «នៅក្នុងដំណើរអាជីវកម្មនេះ ទៅថ្ងៃមុខយើងមានការរំពឹងថា ការលក់ និងការផ្តល់សេវារបស់យើងនេះ មិនឲ្យថ្លៃជាងគេនោះទេ ទោះបីកន្លែងកម្សាន្តយើងស្ថិតនៅតំបន់សក្តានុពលបែបនេះក្តី ហើយផ្អែកលើកត្តានេះ នៅថ្ងៃខាងមុខ យើងរំពឹងថា នឹងទទួលបានភ្ញៀវច្រើនជាងបណ្តាទីកន្លែងកម្សាន្តផ្សេងៗ»៕
ចែករំលែកព័តមាននេះ