រាជធានីភ្នំពេញ ៖ រហូតមកទល់ពេលនេះ តារាចម្រៀងក្នុងផលិតថោន អេនី ហ្សាម កាន់តែបង្ហាញភាពផ្អែមល្ហែម និងស្និទ្ធស្នាលកាន់តែខ្លាំងជាមួយគូស្នេហ៍ដែលភេទដូចគ្នា ដោយមិនខ្វល់ពីការរិះគន់ពីមហាជននោះឡើយ ក្នុងពេលដែលតារាចម្រៀងរូបនេះក៏ហាក់មិនមានការរុញរានៅក្នុងការទទួលស្នេហាមួយនេះផងដែរ។…
រាជធានីភ្នំពេញ ៖ រហូតមកទល់ពេលនេះ តារាចម្រៀងក្នុងផលិតថោន អេនី ហ្សាម កាន់តែបង្ហាញភាពផ្អែមល្ហែម និងស្និទ្ធស្នាលកាន់តែខ្លាំងជាមួយគូស្នេហ៍ដែលភេទដូចគ្នា ដោយមិនខ្វល់ពីការរិះគន់ពីមហាជននោះឡើយ ក្នុងពេលដែលតារាចម្រៀងរូបនេះក៏ហាក់មិនមានការរុញរានៅក្នុងការទទួលស្នេហាមួយនេះផងដែរ។
កន្លងមក មហាជនហាក់មិនទាន់ជឿជាក់នៅឡើយទេ ពីស្នេហាបញ្ច្រាសទិសរបស់ អេនីហ្សាម នាពេលនេះ ដោយគេចាត់ទុកថា នោះជាស្នេហាក្លែងក្លាយឬគ្រាន់តែជាការសម្តែងប៉ុណ្ណោះ ដ្បិតនាងគឺជាតារាមួយរូបដែលឈ្មោះបោះសម្លេងនិងមានរូបសម្រស់ស្រស់សោភាម្នាក់ផងនោះ។
តែយ៉ាងណា អេនី ហ្សាម កាន់តែធ្វើឲ្យមហាជនកាន់តែជឿជាក់ពីស្នេហាភេទដូចគ្នារបស់នាង ខណៈពេលដែលតារារូបនេះកាន់តែបង្ហាញនូវរូបភាពស្និទ្ធស្នាល និងផ្អែមល្ហែមកាន់តែខ្លាំងតាមបណ្តាញសង្គមហ្វេសប៊ុកជាបន្តបន្ទាប់ បើទោះបីជាពេលខ្លះនាងទទួលនូវការរិះគន់ក៏ដោយ។
ដោយឡែក ជាថ្មីម្តងទៀត អេនី ហ្សាម បានបង្ហោះរូបភាព២សន្លឹកជាមួយគូស្នេហ៍ជាស្រីដូចគ្នានៅលើគណនេយ្យហ្វេសប៊ុករបស់នាង ដោយភ្ជាប់ជាមួយនឹងសារយ៉ាងស៊ីជម្រៅថា «គាត់ប្រាប់ខ្ញុំថា គេគ្រប់គ្នាសួរថា គាត់ស្រលាញ់ខ្ញុំមែនឬលេង ? គ្រប់គ្នាគ្មានអ្នកណាជឿថា គាត់ស្រលាញ់ខ្ញុំទេ រួមទាំងខ្ញុំខ្លួនឯងផ្ទាល់ ព្រោះអីអ្នក crush គាត់សុទ្ធតែស្អាតៗហើយក្មេងៗទៀត ហេតុអីមកស្រលាញ់មនុស្សស្រីអាយុបងដល់ទៅ9ឆ្នាំហើយចាស់មុខអត់ស្អាតធាត់ទាប ដូចជាគ្មានកន្លែងណាទាក់ទាញអីបន្តិច តើខ្ញុំគួរជឿគាត់ឬអត់នរ តែណ្ហើយ ការពិតឬមិនពិតក៏ដោយ សំខាន់នៅពេលនេះគាត់បានធ្វើតួនាទីជាសង្សារដល់ល្អសម្រាប់ខ្ញុំ ខឹងគាត់ចេះសុំទោស ពេលទៅណាមកណាគាត់ចេះប្រាប់ លេងឆាតឬធ្វើអីក៏ប្រាប់ ពេលគេប៉ះពាល់ខ្ញុំគាត់ខឹងជំនួស គាត់ស្តាប់តាមខ្ញុំ នឹងអ្វីច្រើនទៀតខ្ចិលរៀបរ៉ាប់ហាស។
នាងបញ្ជាក់ថា ទោះបីទៅថ្ងៃមុខបែបណា ខ្ញុំមិនខ្វល់ទេ សំខាន់ពេលនេះ មានគាត់ខ្ញុំមានក្តីសុខ ខ្ញុំចង់ថែរក្សារពេលវេលាល្អៗដែលមានជាមួយគាត់អោយបានច្រើនមិនថារយះពេលខ្លីឬវែងនោះទេ សំខាន់ពេលនេះទៅបានហើយ ។
ជាការកត់សម្គាល់ តាមរយះសារខាងលើនេះ គេកាន់តែជឿជាក់ថា អេនី ហ្សាម ពិតជាមានស្នេហ៍ភេទដូចគ្នាប្រាកដមែន ដោយស្នេហានេះមិនមែនជាលេងសើច និងការសម្តែងនោះឡើយ ព្រោះកន្លងមកទាំងរូបនាង និងគូស្នេហ៍តែងតែបង្ហាញអារម្មណ៍ពីទំនាក់ទំនងស្នេហាចំពោះគ្នាទៅវិញទៅមកស្ទើរមិនដាច់សូរតាមរយះបណ្តាញសង្គមហ្វេសប៊ុក។
ទោះជាយ៉ាងណា ពាក់ព័ន្ធការបង្កើតស្នេហាភេទដូចគ្នាពីតារាចម្រៀងនាង អេនី ហ្សាម នាពេលនេះថា ជារឿងពិតឬយ៉ាងណានោះ រហូតមកដល់ពេលនេះ កោះសន្តិភាព នៅមិនទាន់អាចស្វែងរកការឆ្លើយតបណាមួយពីតារាចម្រៀងរូបនេះបាននៅឡើយ។
គួរបញ្ជាក់ថា បន្ទាប់ពីបង្ហាញអារម្មណ៍សោកសៅ ក្រោយបែកបាក់បាក់មិត្តប្រុសដែលបានទាក់ទងគ្នាអស់រយះពេលប្រមាណជា៤ឆ្នាំនោះមក អេន នីហ្សាម បានចាប់ផ្តើមបង្ហាញនូវភាពស៊ិចស៊ីជាបន្តបន្ទាប់ ដោយនៅក្នុងនោះនាងក៏បានបញ្ចេញនូវរូបភាពស្និតស្នាលជាមួយដៃគូរថ្មីដែលជាស្រីដូចគ្នាជាបន្តបន្ទាប់។
កន្លងមក អេនី ហ្សាម ក៏បានអះអាងប្រាប់បណ្តាញសារព័ត៌មាននៅក្នុងស្រុកមួយដែរថា នាងលេងមានអារម្មណ៍សោកសៅជាមួយគូស្នេហ៍ចាស់របស់នាងទៀតហើយ ប៉ុន្តែផ្ទុយទៅវិញនាងកំពុងតែមានសេចក្តីសុខជាមួយគូស្នេហ៍ថ្មីដែលជាភេទស្រីដូចគ្នានាពេលនេះ៕
ចែករំលែកព័តមាននេះ