Facebook នឹងវិនិយោគ ១ពាន់លានដុល្លារអាមេរិក ក្នុងវិស័យឧស្សហកម្មសារព័ត៌មាន !
បច្ចេកវិទ្យា ៖ នៅថ្ងៃទី ២៤ ខែកុម្ភៈ ឆ្នាំ ២០២១ យោងតាមការចេញផ្សាយរបស់សារព័ត៌មានរ៉យទ័រ (Reuters) បានឱ្យដឹងថា…
បច្ចេកវិទ្យា ៖ នៅថ្ងៃទី ២៤ ខែកុម្ភៈ ឆ្នាំ ២០២១ យោងតាមការចេញផ្សាយរបស់សារព័ត៌មានរ៉យទ័រ (Reuters) បានឱ្យដឹងថា…
បច្ចេកវិទ្យា ៖ នៅថ្ងៃទី ២៤ ខែកុម្ភៈ ឆ្នាំ ២០២១ យោងតាមការចេញផ្សាយរបស់សារព័ត៌មានរ៉យទ័រ (Reuters) បានឱ្យដឹងថា ក្រុមហ៊ុនបណ្តាញសង្គមយក្ស Facebook Inc កាលពីថ្ងៃពុធបានសន្យាថា នឹងវិនិយោគយ៉ាងហោចណាស់ ១ពាន់លានដុល្លារអាមេរិក ទៅក្នុងវិស័យឧស្សាហកម្មសារព័ត៌មាន ដែលមានរយៈពេល ៣ឆ្នាំ ការប្រកាសនេះបានធ្វើឡើងបន្ទាប់ពីមានការលេចធ្លោយព័ត៌មានមួយដែលបាននិយាយថា Facebook កំពុងធ្វើកិច្ចព្រមព្រៀងជាមួយរដ្ឋាភិបាលអូស្ត្រាលី លើការទូទាត់លើមាតិកា នៃការចែកចាយព័ត៌មាន ។
ការប្តេជ្ញាចិត្តធ្វើឱ្យប្រសើលើបណ្តាញសង្គម facebook ចំពោះឧស្សាហកម្មព័ត៌មានបែបនេះ គឺធ្វើឡើងតាមគំរូអាជីវកម្មរបស់ក្រុមហ៊ុន Google ដែលក្រុមហ៊ុនបច្ចេកវិទ្យយក្សមួយដែលបានជះលុយប្រមាណទឹកប្រាក់ ១ពាន់លានដុល្លារអាមេរិក កាលពីឆ្នាំមុន ក្នុងការអភិវឌ្ឍន៍លើវេបសាយរបស់ខ្លួន ឱ្យស្ថិតក្រោមការត្រួតពិនិត្យលើគំរូអាជីវកម្មរបស់ពួកគេ និងការគ្រប់គ្រងការរីកសាយព័ត៌មានមិនពិតនៅលើវេទិការបស់ក្រុមហ៊ុន Google ផងដែរ ។
សូមជម្រាបជូនថា កាលពីថ្ងៃអង្គារ ហ្វេសប៊ុក បានស្តារគេហទំព័រសារព័ត៌មានអូស្ត្រាលីឡើងវិញ ដោយបញ្ចប់នូវអ្វីៗដែលមិនធ្លាប់មានពីមុនដោយប្រើរយៈពេលមួយសប្តាហ៍ បន្ទាប់ពីមានការទទូចពីរដ្ឋាភិបាលអូស្ត្រាលីឱ្យមានសម្បទាន ទៅលើច្បាប់នៃការស្នើសុំ ដែលនឹងតម្រូវឱ្យក្រុមហ៊ុនបច្ចេកវិទ្យាយក្សមួយនេះ ត្រូវបង់ប្រាក់លើមាតិកានៃប្រព័ន្ធផ្សព្វផ្សាយប្រពៃណីរបស់ពួកគេ ។
ការផ្តាច់ចរន្តផ្សព្វផ្សាយរយៈពេលខ្លីរបស់បណ្តាញសង្គមនេះ បានធ្វើឱ្យមានការភ្ញាក់ផ្អើល ទៅដល់វិស័យឧស្សាហកម្មសារព័ត៌មានជាសកល ជាមួយនឹងការត្រឡប់មកវិញ ក្នុងគំរូអាជីវកម្ម ដែលបានយកលំនាំតាមក្រុមហ៊ុនបច្ចេកវិទ្យាយក្ ស។ នៅក្នុងប្លុក (Blog) បាននិយាយលម្អិតអំពីការបង្ហាញខ្លួនរបស់ហ្វេសប៊ុកលើគំរូអាជីវកម្មថ្មី ដែលនឹងទាក់ទងការហាមឃាត់ព័ត៌មានដែលមានមូលដ្ឋានគ្រឹះមិនច្បាស់លាស់ រវាងក្រុមហ៊ុន និងអ្នកបោះពុម្ពផ្សាយព័ត៌មាន ( news publishers) ។ ក្រុមហ៊ុនយក្សហ្វេសប៊ុកមួយនេះ បាននិយាយកាលពីថ្ងៃពុធថា ខ្លួនបានវិនិយោគទឹកប្រាក់ចំនួន ៦០០លានដុល្លាររួចមកហើយ នៅក្នុងវិស័យឧស្សាហកម្មព័ត៌មាននេះ គឺមានតាំងពីឆ្នាំ ២០១៨ មកម្ល៉េះ ។
គួរបញ្ជាក់ផងដែរថា ក្រុមហ៊ុនបណ្តាញសង្គម Facebook បានបន្ថែមទៀតថាខ្លួនកំពុងចរចាយ៉ាងសកម្ម ជាមួយអ្នកបោះពុម្ពផ្សាយព័ត៌មាន ( news publishers) នៅប្រទេសអាឡឺម៉ង់ និងប្រទេសបារាំង សម្រាប់កិច្ចព្រមព្រៀងចំណាយលើមាតិកា ក្នុងការផលិត ផលព័ត៌មានដែលធ្វើឱ្យអ្នកប្រើប្រាស់អាចស្វែងរកចំណងជើង និងរឿង នៅជាប់នឹងព័ត៌មានផ្ទាល់ខ្លួនរបស់គេតែម្តង (news feed) ៕
ចែករំលែកព័តមាននេះ