សេង រដ្ឋា ត្រូវបានអ្នកដឹកនាំម្នាក់សន្យារឿងមួយ ក្រោយនាងបាត់បង់តំណែង
- ភ្នំពេញ
រាជធានីភ្នំពេញ ៖ សេង រដ្ឋា ដែលបានប្រកាសលាឈប់ និងប្រគល់មកុដ Miss Grand Cambodia 2020…
រាជធានីភ្នំពេញ ៖ សេង រដ្ឋា ដែលបានប្រកាសលាឈប់ និងប្រគល់មកុដ Miss Grand Cambodia 2020…
រាជធានីភ្នំពេញ ៖ សេង រដ្ឋា ដែលបានប្រកាសលាឈប់ និងប្រគល់មកុដ Miss Grand Cambodia 2020 នោះ ត្រូវបានគេមើលឃើញថា កំពុងមានទីផ្សារខាងភាពយន្តច្រើនពេលនេះ។ នាងត្រូវបានលោករិទ្ធ អូមេហ្គា សម្រេចជ្រើសរើស បន្ថែមទៀតផ្តល់តំណែងតួឯកក្នុងការថតរឿងអប់រំខ្លីៗ ដែលមានអត្ថន័យទាក់ទាញ។
លោករិទ្ធ អូមេហ្គា បានបញ្ជាក់ថា សេង រដ្ឋា មានទឹកមុខសមនឹងអ្វីដែលលោកចង់បានក្នុងសាច់រឿងអប់រំសង្គមយើង។ មុខស្រទន់ សម្បុរស្រអែម លក្ខណៈខ្មែរនេះហើយ ទើបលោកសម្រេចចិត្តដាក់នាង។
នាងត្រូវសម្តែងជាមួយតារាប្រុសសង្ហារ តុង លី ។ ហើយការពេញចិត្តយកបវរកញ្ញា រូបនេះមកថត ដើម្បីលុបពាក្យលេចឮថា នាងមានបញ្ជីខ្មៅ ថតអ្វីមិនបានសម្រាប់បណ្តាផលិតករ។ ហើយស្នាដៃដែល រដ្ឋា សម្តែង គឺនិយាយពីភាពតស៊ូរបស់ជនពិការ ដែលមិនត្រូវអស់សង្ឃឹមអ្វីឡើយ ត្រូវដើរទៅមុខដោយមុតមាំ ប្រឆាំងនឹងឧបសគ្គ។
គួរបញ្ជាក់ថា មហាជនមានការសោកស្តាយយ៉ាងខ្លាំង ពេលដែលនាងបាត់តំណែង ក្រោយពីការតស៊ូប្រកួត ហើយក៏មិននឹកស្មានថា កើតឡើងរឿងរ៉ាវច្របូកច្របល់ដល់ម្លឹងដែរ។ យ៉ាងណាពេលនេះ សេង រដ្ឋា បានផ្តល់នូវការញញឹមមកវិញ គឺឱកាសបានចេញថតរឿងជាបន្តបន្ទាប់ក្នុងតំណែងតួលេចធ្លោពិតជាសមនឹងអ្វីដែលនាងខាតបង់។
ចែករំលែកព័តមាននេះ