ប្រទេសអ៊ីស្រាអែល ៖ ប្រទេសអ៊ីស្រាអែលចាប់ផ្ដើមកាលពីថ្ងៃទី២១ កុម្ភៈ បើកឡើងវិញសេដ្ឋកិច្ចរបស់ខ្លួន ហើយរដ្ឋាភិបាលវាយតម្លៃថា ការវិលទៅរកប្រក្រតីភាពឡើងវិញ អាចកើតមានដោយសារយុទ្ធនាការចាក់វ៉ាក់សាំង។
យោងតាមអាជ្ញាធរអ៊ីស្រាអែលថា ជិតពាក់កណ្ដាលនៃប្រជាជនរបស់ប្រទេស ពេលនេះបានចាក់វ៉ាក់សាំងរួចហើយ។ បណ្ដាហាងទំនិញបានបើកឡើងវិញ សម្រាប់មនុស្សគ្រប់គ្នា។ រាល់ច្រកចូលបណ្ដាទីតាំងកម្សាន្ត ដូចជាក្លឹបកីឡា សណ្ឋាគារ និងរោងមហោស្រព នៅកម្រិតដោយអនុញ្ញាតឲ្យចូលតែចំពោះបណ្ដាអ្នកដែល ចាក់វ៉ាក់សាំង២ដូសរួចហើយលើសពី១សប្ដាហ៍តែប៉ុណ្ណោះ ឬចំពោះះបណ្ដាអ្នកដែលកើតជំងឹហើយបានជាសះស្បើយវិញ ដោយពួកគេអាចមានប្រព័ន្ធការពារ។
ទោះបីយ៉ាងណាការពាក់ម៉ាសការពារនិងគម្លាតសង្គមនៅតែជាធរមាន។ ការរាំរែកនៅតែហាមឃាត់ ក្នុងបន្ទ្ប់ជប់លៀងហើយទីតាំងសាសនាក៏នៅកាត់បន្ថយចំនួនអ្នកចូលពាក់កណ្ដាល។
តាម TWITTER នាយករដ្ឋមន្ត្រីអ៊ីស្រាអែល លោកបេនចាមីននេតាន់យ៉ាហូ៊និយាយថា យើងជាប្រទេសដំបូងគេនៃពិភពលោក ដែលអាចដំណើរការសេដ្ឋកិច្ចឡើងវិញ ដោយសារយើងបញ្ជាទិញវ៉ាក់សាំងច្រើនលានដូស។ ចូរលោកអ្នកលើកគ្នាទៅចាក់វ៉ាក់សាំង ទទួលបានការចាក់វ៉ាក់សាំងរួច ជីវភាពលោកអ្នកអាចដំណើរការឡើងវិញ។
ប្រទេសអ៊ីស្រាអែលបានចាក់វ៉ាក់សាំង PFIZER ឲ្យដល់ប្រជាជនខ្លួនជាង៤៦%រួចហើយ ក្នុងចំណោមប្រជាជនទាំង៩លាននាក់។ ក្រសួងសុខាភិបាលអ៊ីស្រាអែលនិយាយថា គ្រោះថ្នាក់នៃការឆ្លងវីរុសCOVID-19 អាចកាត់បន្ថយបាន៩៥,៨% ចំពោះបណ្ដាមនុស្សដែលចាក់វ៉ាក់សាំង២ដូសរួច។
ម្យ៉ាងវិញទៀត អ៊ីស្រាអែលសន្យាផ្ដល់វ៉ាក់សាំង សម្រាប់ប្រទេសស៊ីរីក្នុងក្របខណ្ឌនៃការដោះដូរអ្នកទោសគ្នា។ ដើម្បីឲ្យទទួលបាននារីអ្នកទោសអ៊ីស្រាអែលម្នាក់នៅស៊ីរី អ៊ីស្រាអែលអាចឈានទៅចុះកិច្ចព្រមព្រៀងមួយ ជាមួយស៊ីរីទាក់ទិននឹងការផ្ដល់ហិរញ្ញវត្ថុ សម្រាប់ទិញវ៉ាក់សាំងប្រឆាំងCOVID-19រុស្ស៊ីឲ្យដល់ប្រទេសនោះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ