នៅក្នុងសាសនសុភាសិតព្រះមានព្រះសម្តែងថា ការសង្រួមមិនធ្វើបាបតាមកាយ វាចា ចិត្ត ប្រព្រឹត្តកុសលធម៌ឱ្យចម្រើនឡើង ហើយរៀបចំអត្តចរិតឲ្យបានល្អប្រពៃទៅតាមមាគ៌ានៃពហុស្សូតទាំងឡាយ ឈ្មោះថា រក្សាខ្លួន ។ បើតាមសាសនាសុភាសិតបានពន្យល់ទៀតថា…
នៅក្នុងសាសនសុភាសិតព្រះមានព្រះសម្តែងថា ការសង្រួមមិនធ្វើបាបតាមកាយ វាចា ចិត្ត ប្រព្រឹត្តកុសលធម៌ឱ្យចម្រើនឡើង ហើយរៀបចំអត្តចរិតឲ្យបានល្អប្រពៃទៅតាមមាគ៌ានៃពហុស្សូតទាំងឡាយ ឈ្មោះថា រក្សាខ្លួន ។
បើតាមសាសនាសុភាសិតបានពន្យល់ទៀតថា រក្សាអ្វីស្មើនឹងការរក្សាខ្លួននេះមិនមានឡើយ ចុះបើសូម្បីតែខ្លួនឯងរក្សាមិនបានផង តើគួរនឹងរក្សានរណាបានទៅ ។ តាមពិតបុគ្គលណាដែលរក្សាខ្លួនឯងឲ្យផុតចាកបាបអកុសលទាំងឡាយ ជននោះឈ្មោះថាជាអ្នកស្ងួនគ្រងបមបីរក្សាថែខ្លួនដោយពិត នេះហើយដែលលោកហៅថារក្សាខ្លួនដោយប្រពៃ ។
ការរក្សាខ្លួននេះមិនមែនទាល់តែអ្នកបួសនោះទេ អ្នកមិនបួសក៏រក្សាបានដូចគ្នា ដូចជាយើងទទួលទានអាហារអញ្ចឹងដែរ មិនមែនទាល់តែអ្នកបួសឯណា អ្នកមិនបួសក៏អាចទទួលទានអាហារបានដូចគ្នា ហេតុនេះសូមសាធុជនខំរក្សាខ្លួនឱ្យបានល្អបរិសុទ្ធចុះ សុគតិភពនឹងរង់ចាំលោកអ្នកហើយ ៕ សាន សារិន
ចែករំលែកព័តមាននេះ