កំពង់ឆ្នាំង ៖ គួរឲ្យសង្វែកណាស់ អាពាហ៍ពិពាហ៍មួយ ហៀបនឹងបញ្ចាប់ទៅហើយ បែរជារោងការក្លាយជារោងបុណ្យ ដោយសារកូនកំលោះ បានស្លា.ប់ចោលកូនក្រមុំដោយមិនបានលាមួយម៉ាត់ ព្រោះអាការមិនស្រួលខ្លួន(ខ្យល់គរ) ពេលកំពុងរៀបចំខ្លួនទទួលភ្ញៀវទាំងសង…
កំពង់ឆ្នាំង ៖ គួរឲ្យសង្វែកណាស់ អាពាហ៍ពិពាហ៍មួយ ហៀបនឹងបញ្ចាប់ទៅហើយ បែរជារោងការក្លាយជារោងបុណ្យ ដោយសារកូនកំលោះ បានស្លា.ប់ចោលកូនក្រមុំដោយមិនបានលាមួយម៉ាត់ ព្រោះអាការមិនស្រួលខ្លួន(ខ្យល់គរ) ពេលកំពុងរៀបចំខ្លួនទទួលភ្ញៀវទាំងសង ខាងចូលពិសារភោជនាហារ ។
ហេតុការណ៍គួរឲ្យរន្ធត់ និងសោកស្តាយនេះ បានកើតឡើងនារសៀលថ្ងៃទី៤ ខែកុម្ភៈ ឆ្នាំ២០២១ នៅក្នុងភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង ។
យោងតាមក្រុមគ្រួសារនៃសពបានអោយដឹងខ្លីថា បុរសដែលជាកូនកំលោះ មានឈ្មោះ ក្រុង ពុធ អាយុ៥២ ឆ្នាំទីកន្លែងកំណើត ភូមិសំរោង សង្កាត់ផ្សារឆ្នាំង ក្រុង-ខេត្តកំពង់ឆ្នាំង ។
ដោយឡែកប្រជាពលរដ្ឋនៅក្បែរកន្លែងកើតហេតុ បានប្រាប់ថា ពួកគាត់ពិតជាអាសូរកូនកំលោះមែនទែន ហើយភ្ញៀវគ្រប់គ្នា ក៏មិននឹកស្មានមិនដល់ថាអកុសលអ៊ីចឹងដែរ ព្រោះគ្រប់គ្នាឃើញកូនកំលោះ កូនក្រមុំឈរទទួលភ្ញៀវសោះ ប៉ុន្តែបែរជាកូនកំលោះស្លាប់ចោលកូនក្រមុំ ដោយមិនបានលាមួយម៉ាត់(ខ្យល់គរ) ។
ប្រភពពីប្រជាពលរដ្ឋបានបន្តថា ទំនងជាកូនកំលោះមានអការមិនស្រួលខ្លួន ហើយភ្លាមៗនោះ ក្រុមគ្រួសារបានព្យាយាមដឹកយកទៅសង្គ្រោះនៅមន្ទីរពេទ្យបង្អែកខេត្តផងដែរ ប៉ុន្តែមិនអាចសង្គ្រោះជីវិតបាន ហើយក៏បានដាច់ខ្យល់ស្លា.ប់នៅមន្ទីរពេទ្យ នាវេលាម៉ោង៥ល្ងាចថ្ងៃដដែលនេះ ទើបក្រុមគ្រួសារសម្រេចបញ្ជូនសពមកតម្កល់ធ្វើបុណ្យនៅគេហដ្ឋាននៅភូមិសំរោង សង្កាត់ផ្សារឆ្នាំង ក្រុង-ខេត្តកំពង់ឆ្នាំងវិញ ។
សូមចូលរួមរំលែកទុក្ខផង រោងការដែលនឹងត្រៀមទទួលភ្ញៀវប្រុស-ស្រីទាំងសងខាង បានក្លាយទៅជាស្ងាត់ជ្រងំ ប្រែក្លាយរោងការ ទៅជារោងបុណ្យសព គួរឲ្យសោកសៅ មិននឹកស្មានថា មច្ចុរាជមកឆក់យកជីវិតកូនកំលោះ ក្នុងថ្ងៃមង្គលការ ធ្វើអោយកូនក្រមុំ ក្លាយជាមេម៉ាយខាន់ស្លាដូច្នេះសោះ ៕
ចែករំលែកព័តមាននេះ