រថយន្ត​ដឹក​ដី​ហ្វ្រាំង​មិន​ស៊ី ម្ចាស់​បង្ខំចិត្ត​បើក​ឡើង​សួន មានអី​ក្រឡាប់​ដេក​ស្តូក​ចាក់​ដី​ចោលពេញផ្លូវ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

រថយន្ត​ដឹក​ដី​ហ្វ្រាំង​មិន​ស៊ី ម្ចាស់​បង្ខំចិត្ត​បើក​ឡើង​សួន មានអី​ក្រឡាប់​ដេក​ស្តូក​ចាក់​ដី​ចោលពេញផ្លូវ

4 ខែ មុន
  • Phnom Penh

រាជធានី​ភ្នំពេញ ៖ រថយន្ត​ដឹក​ដី​មួយ​គ្រឿង​បាន​បើក​ក្នុង​ល្បឿន​លឿន ដើម្បី​អោយ​ផុត​ស្តុ​ប ស្រាប់តែ​ជាន់​ហ្វ្រាំង​មិន​ស៊ី អ្នកបើកបរ​បាន​ទាញ​ចង្កូត​គេច​យានយន្ត ហើយ​ចូល​ចំណែក​ផ្លូវ​បញ្ច្រាស់ ហើយ​ជ្រុល​ឡើង​ចិញ្ចើម​សួន​ខណ្ឌ​ចែក​ទ្រូងផ្លូវ បណ្តាល​អោយ​ក្រឡាប់​ដេក​ស្តូក ចាក់​ដី​ចោល…

រាជធានី​ភ្នំពេញ ៖ រថយន្ត​ដឹក​ដី​មួយ​គ្រឿង​បាន​បើក​ក្នុង​ល្បឿន​លឿន ដើម្បី​អោយ​ផុត​ស្តុ​ប ស្រាប់តែ​ជាន់​ហ្វ្រាំង​មិន​ស៊ី អ្នកបើកបរ​បាន​ទាញ​ចង្កូត​គេច​យានយន្ត ហើយ​ចូល​ចំណែក​ផ្លូវ​បញ្ច្រាស់ ហើយ​ជ្រុល​ឡើង​ចិញ្ចើម​សួន​ខណ្ឌ​ចែក​ទ្រូងផ្លូវ បណ្តាល​អោយ​ក្រឡាប់​ដេក​ស្តូក ចាក់​ដី​ចោល បណ្តាល​អោយ​រថយន្ត​ដាច់​កាឡេ តែ​សំណាងល្អ​ពុំ​បណ្តាល​អោយ​មនុស្ស​រង​របួស​ឡើយ ។

Picture

គ្រោះថ្នាក់​ចរាចរណ៍​បាន​កើតឡើង កាលពី​វេលា​ម៉ោង​ប្រមាណ​១០​និង​២៥​នាទី​ព្រឹក ថ្ងៃ​ទី​០២ ខែកុម្ភៈ ឆ្នាំ​២០២១ នៅ​ចំណុច​ស្តុ​ប​មហាវិថី​ឈ្នះ​ឈ្នះ កែង​ផ្លូវ​ភ្នំពេញ​ហាណូយ ក្នុងភូមិ​ផ្សារ​លិច សង្កាត់​ព្រែក​ព្នៅ ខណ្ឌ​ព្រែក​ព្នៅ រាជធានី​ភ្នំពេញ ។ រថយន្ត​ដែល​ក្រឡាប់​នោះ​ជា​រថយន្ត​បែន​ដឹក​ដី ម៉ាក​ហ៊ី​យ៉ា​ន់​ដាយ ពណ៌​ស ពាក់​ស្លាក​លេខ ភ្នំពេញ ៣D.១២៧៣ បើកបរ​ដោយ​បុរស​ម្នាក់​ឈ្មោះ រតនា អាយុ​២៥​ឆ្នាំ ។

Picture

តាម​អ្នកបើកបរ​បានអោយ​ដឹង​ថា នៅ​មុន​ពេល​កើតហេតុ​ខ្លួន​បាន​បើករថយន្ត​ដឹក​ដី​ចេញពី​រណ្តៅ ដោយ​ធ្វើ​ដំណើរ​ក្នុង​ទិស​ដៅ​ពី​លិចទៅ​កើត នៅ​ពេល​មក​ដល់​ចំណុច​កើតហេតុ ពេល​បើក​ឆ្លង​ស្តុ​ប ស្រាប់តែ​ហ្វ្រាំង​មិន​ស៊ី ក៏​ទាញ​ចង្កូត​គេច​រថយន្ត និង​ម៉ូតូ​ដែល​បើក​ឡើង​ពី​ផ្លូវ​ភ្នំពេញ​ហាណូយ ដើម្បី​បញ្ចៀស​គ្រោះថ្នាក់​ចូល​ទៅ​ចំណែក​ផ្លូវ​បញ្ច្រាស់ ។

Picture

តាម​អ្នកបើកបរ​បានអោយ​ដឹង​ទៀត​ថា ខណៈនោះ​ស្រាប់តែ​មាន​រថយន្ត​ធ្វើ​ដំណើរ​មក​ពីមុខ​ទៀត​ក៏​បាន​បង្ខំចិត្ត​ទាញ​ចង្កូត​គេច​ឡើង​សួន​ក៏​បាន​ក្រឡាប់ចាក់​ដេក​ស្តូក​ចាក់​ដី​ចោល តែ​សំណាងល្អ​មិន​បណ្តាល​អោយ​មាន​អ្នក​រង​របួស​ឡើយ ។ បន្ទាប់​ពី​កើត​មាន​គ្រោះថ្នាក់​អ្នក​បើក​រប​បាន​ទាក់ទង​ហៅ​ថៅកែ​មក​ហើយ​ចាត់ចែង​យក​គ្រឿងចក្រ​មក​កាយ យក​ដី​សេង​ដាក់​រថយន្ត​មួយ​គ្រឿង​ទៀត និង​ហៅ​រថយន្ត​មក​ស្ទួ​ច​យក​ទៅ​ជួសជុល​ដោយ​ខ្លួនឯង ព្រោះ​ពុំ​បង្ក​អោយ​ខូចខាត​ទ្រព្យសម្បត្តិ​សាធារណៈ​នោះ​ឡើយ ៕

Picture
Picture
Picture
Picture
Picture