ខេត្តកំពង់ឆ្នាំង ៖ ស្ត្រីអនាថាម្នាក់ ត្រូវប្រជាកសិករប្រទះឃើញអង្គុយស្លា.ប់នៅលើផ្លូវរទេះកណ្តាលវាលស្រែ ដែលហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង០៥ និង៣០នាទីព្រឹកថ្ងៃទី២៤ កក្កដា ២០១៥ នេះ ស្ថិតក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ ខណៈមានកសិករនាំគ្នាទៅធ្វើស្រែរបស់ខ្លួន ។
ខេត្តកំពង់ឆ្នាំង ៖ ស្ត្រីអនាថាម្នាក់ ត្រូវប្រជាកសិករប្រទះឃើញអង្គុយស្លាប់នៅលើផ្លូវរទេះកណ្តាលវាលស្រែ ដែលហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង០៥ និង៣០នាទីព្រឹកថ្ងៃទី២៤ កក្កដា ២០១៥ នេះ ស្ថិតក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ ខណៈមានកសិករនាំគ្នាទៅធ្វើស្រែរបស់ខ្លួន ។
ប្រភពពីនគរបាលស្រុករលាប្អៀរបានឱ្យដឹងថា កាលពីវេលាម៉ោងជាង៦ល្ងាចថ្ងៃទី២៣ កក្កដា ២០១៥ ប្រជាពលរដ្ឋបានប្រទះ ឃើញស្ត្រីអនាថារូបនោះ មានបង្វេចខោអាវ និងហូបបាយម្នាក់ឯងនៅជិតកន្លែងកើតហេតុ តែគ្មានអ្នកណាបានចាប់អារម្មណ៍ និងសួរនាំអ្វីឡើយ ។
ស្រាប់តែស្អែកឡើងម៉ោងជាង៥ភ្លឺថ្ងៃទី២៤ កក្កដា នេះ មានកសិករឈ្មោះស៊ុយ ស៊ីថា ដែលដើរទៅស្រែមុនគេ បានប្រទះឃើញស្ត្រីរូបនោះស្លាប់ដោយអង្គុយផ្កាប់មុខ ក៏បានរាយការណ៍ប្រាប់សមត្ថកិច្ចនគរបាលចុះមកត្រួតពិនិត្យសពស្ត្រីនោះតែម្តង ។
ក្រោយពីធ្វើកោសល្យវិច័យហើយ សមត្ថកិច្ចបានប្រាប់ថា ស្ត្រីរូបនោះស្លាប់ដោយសារខ្យល់.គ ។ នៅក្នុងបង្វេចស្ត្រីរូបនោះ គេឃើញមានខោអាវចាន ឆ្នាំង កាំបិត សាច់ប្រឡាក់ និងស្រាកន្លះដបទឹកសុទ្ធ ។ ស្ត្រីរូបនោះមានអាយុប្រមាណជាង៥០ឆ្នាំ មាន
កម្ពស់ប្រមាណ១,៥០ម៉ែត្រ សម្បុរខ្មៅ ពាក់អាវគគីរ ពណ៌ដី ស្លៀកខោផ្កាស-ក្រហម តាមភិនភាគនេះ សមត្ថកិច្ចបានអំពាវនាវរកក្រុមគ្រួសារ ដែលមានបាត់សមាជិក សូមមកទំនាក់ទំនងសមត្ថកិច្ចមូលដ្ឋានផងដែរ ។
ចែករំលែកព័តមាននេះ