ប្រទេសឥណ្ឌូណេសីុ ៖ អាជ្ញាធរឥណ្ឌូណេសីុរាយការណ៍ថា ប្រអប់ខ្មៅទាំង២របស់យន្តហោះប៊ូអីុងដែលធ្លាក់ក្នុងសមុទ្រ នៃដែនទឹកក្រុងហ្សាការតាជាមួយមនុស្សជិះក្នុងនោះ៦២នាក់ កាលពីថ្ងៃទី១០មករាត្រូវបានកំណត់ដឹងកន្លែងហើយ។ នោះជាដំណាក់កាលសំខាន់ សម្រាប់ជួយបណ្ដាអ្នកសើុបអង្កេត កំណត់ពីមូលហេតុនៃគ្រោះថ្នាក់នោះ។ លោកSOERJANTO…
ប្រទេសឥណ្ឌូណេសីុ ៖ អាជ្ញាធរឥណ្ឌូណេសីុរាយការណ៍ថា ប្រអប់ខ្មៅទាំង២របស់យន្តហោះប៊ូអីុងដែលធ្លាក់ក្នុងសមុទ្រ នៃដែនទឹកក្រុងហ្សាការតាជាមួយមនុស្សជិះក្នុងនោះ៦២នាក់ កាលពីថ្ងៃទី១០មករាត្រូវបានកំណត់ដឹងកន្លែងហើយ។
នោះជាដំណាក់កាលសំខាន់ សម្រាប់ជួយបណ្ដាអ្នកសើុបអង្កេត កំណត់ពីមូលហេតុនៃគ្រោះថ្នាក់នោះ។ លោកSOERJANTO TJAHJANTO ប្រមុខគណៈកម្មាធិការសន្តិសុខដឹកជញ្ជូនឥណ្ឌូណេសីុគូសបញ្ជាក់ថា យើងកំណត់ដឹងប្រអប់ខ្មៅទាំង២ស្ថិតនៅត្រង់ណា។ បណ្ដាអ្នកមុជទឹកដែលស្រង់ចាប់តាំងពីព្រឹកថ្ងៃទី១០មករាមក បណ្ដាបំណែកសាកសពមនុស្ស បំណែកយន្តហោះនិងសម្លៀកបំពាក់នានា នឹងចាប់ផ្ដើមរុករកប្រអប់ខ្មៅទាំង២ ហើយខ្ញុំសង្ឃឹមថា មិនយូរទេយើងនឹងអាចស្រង់យកមកបាន។
យន្តហោះប៊ូអីុង737-500 របស់ក្រុមហ៊ុនអាកាសចរណ៍ឥណ្ដូណេសីុ SRIWIJAYA AIR បានធ្លាក់ក្នុងសមុទ្រនៃរដ្ឋធានីហ្សាការតា កាលពីថ្ងៃទី៩មករានាវេលាម៉ោង១៤និង៤០នាទីម៉ោង ក្នុងស្រុក ប៉ុន្មាននាទីក្រោយការហោះចេញពីក្រុងហ្សារតា។ មកដល់ពេលនេះនៅមិនទាន់មានការផ្ដល់ភាពលម្អិតលើមូលហេតុនៃគ្រោះថ្នាក់នោះនៅឡើយពីសំណាក់អាជ្ញាធរ។
ក្រុមអ្នកសង្គ្រោះគូសបញ្ជាក់ថា បានស្រង់ថង់៥ដែលដាក់បំណែកសាកសពមនុស្ស ហើយបំណែកជាច្រើនរបស់យន្តហោះ ក៏ត្រូវបានស្រង់មកដែរ។ ក្នុងចំណោមជនរងគ្រោះនៃការធ្លាក់យន្តហោះនេះមានអ្នកដំណើរ៥០នាក់ ក្នុងនោះ មានកុមារ១០នាក់និងសមាជិកក្រុមយានិក១២នាក់។ អ្នកទាំងអស់នោះសុទ្ធតែជាជនជាតិឥណ្ឌូណេសីុ៕
ចែករំលែកព័តមាននេះ