ខេត្តកណ្ដាល៖ បើតាមប្រភពព័ត៌មានបានឱ្យដឹងថា យ៉ាងហោចណាស់មានទណ្ឌិតចំនួន៥នាក់បានលួចរត់ចេញពីគុក កាលពីម៉ោង១០យប់ថ្ងៃទី០៩ ខែមករា ឆ្នាំ២០២១ ។ តែយ៉ាងណាមិញ សមត្ថកិច្ចបានចាប់ខ្លួនបានម្នាក់មកវិញ និងបន្តស្វែងរកអ្នកទោស…
ខេត្តកណ្ដាល៖ បើតាមប្រភពព័ត៌មានបានឱ្យដឹងថា យ៉ាងហោចណាស់មានទណ្ឌិតចំនួន៥នាក់បានលួចរត់ចេញពីគុក កាលពីម៉ោង១០យប់ថ្ងៃទី០៩ ខែមករា ឆ្នាំ២០២១ ។ តែយ៉ាងណាមិញ សមត្ថកិច្ចបានចាប់ខ្លួនបានម្នាក់មកវិញ និងបន្តស្វែងរកអ្នកទោស ៤ រូបផ្សេងទៀត ដែលការហែកគុករត់បានបែបនេះត្រូវបានមជ្ឍដ្ឋានជាច្រើនរិះគន់ថាវាជាការធ្វេសប្រហែសរបស់មន្ត្រីពន្ធនាគារ ។
ប្រភពព័ត៌មានច្បាស់ការបានអោយដឹងថា ៖ ពេលនេះសមត្ថកិច្ចកំពុងតាមចាប់ទណ្ឌិត៤នាក់ ដែលកំពុងរត់គេចខ្លួននោះ ដែលទណ្ឌិតទាំងនេះ មានម្នាក់ត្រូវបានផ្តន្ទាទោសពាក់ព័ន្ធនឹងករណីគ្រឿងញៀន និង៣នាក់ផ្សេងទៀតពាក់ព័ន្ធនឹងករណីលួច និងលួចមានស្ថានភាពទម្ងន់ទោស។
ជុំវិញករណីខាងលើនេះដែរ អ្នកសារព័ត៌មានបានទំនាក់ទំនងទៅលោក ចាត ស៊ីនាង ប្រធានពន្ធនាគារខេត្តកណ្តាល ជាច្រើនដងហើយ តែទូរស័ព្ទមិនអាចទំនាក់ទំនងបានទេ។
ចែករំលែកព័តមាននេះ