ប្រទេសថៃ ៖ ប្រទេសថៃដែលតាមធម្មតាជាប្រទេសទាក់ទាញអ្នកទេសចរបរទេសខ្លាំងបំផុត ការឆ្លងរាលដាននៃវីរុស COVID-19 បណ្ដាលឲ្យប្រទេសនោះបាត់អស់អ្នកទេសចរ ហើយផ្នែកនេះ នៅមិនទាន់ដឹងនៅឡើយថា តើពេលណាទើបអាចងើបឡើងវិញ ចេញពីវិបត្តិដ៏ធំនោះ។
ទោះបីយ៉ាងណា ថៃនៅអាចពង្រីកទេសចរណ៍ក្នុងស្រុក ចំណែកមនុស្សមួយចំនួនធំ បានអំពាវនាវឲ្យបញ្ឈប់ទេសចរណ៍ជាក្រុមមនុស្សធំៗ។
មែនហើយថៃដែលគេតែងហៅថា ជាឋានសួគ៌ទេសចរណ៍នោះ ពេលនេះហាក់ដូចជាស្ងាត់ជ្រងំ ខណៈថៃទទួលតាមធម្មតាអ្នកទេសចររហូតដល់៤០លាននាក់ក្នុង១ឆ្នាំ។ ការឆ្លងរាលដាននៃវីរុស COVID-19 និងការដាក់ការរិតត្បិត និងបង្ខាំងនានានៅជុំវិញពិភពលោក នាំឲ្យប្រទេសនេះស្ងាត់អ្នកទេសចរ។
នៅភាគខាងត្បូងប្រទេសបណ្ដាកោះដែលតាមធម្មតាមានអ្នកទេសចរពេញណែន ពេលនេះស្ងាត់ឈឹង។ សភាពការណ៍បណ្ដាលឲ្យមានការក្រឡាប់ចក្រធ្ងន់ធ្ងរផ្នែកទេសចរណ៍របស់ប្រទេស ដែលមិនដឹងថាតើពេលណា អាចស្ដារឡើងវិញបាន និងចាកផុតពីវិបត្តិនេះ។
ដោយរង់ចាំការវិលត្រឡប់របស់ពួកបរទេស ការធ្វើដំណើរកម្សាន្តក្នុងស្រុក បានរីកចម្រើនចំណែកសំឡេងកាន់តែច្រើន អំពាវនាវឲ្យប្រទេស ឆ្លៀតឱកាសនោះសម្រាប់គិតគូរថ្លឹងថ្លែងឡើងវិញពីគំរូទេសចរណ៍របស់ខ្លួន៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ