ទូកមួយគ្រឿងជួបគ្រោះត្រូវរលកបោកលិចក្នុងសមុទ្រ
- ព្រះសីហនុ
ខេត្តព្រះសីហនុ ៖ ជនរងគ្រោះចំនួន៤នាក់ ដែលជួបហេតុការណ៍លិចទូកនៅក្នុងសមុទ្រ ត្រង់ចំណុចឃ្លងកោះថាស និងកោះដែកគោល កាលពីវេលាម៉ោងប្រមាណជាង៥ព្រឹកថ្ងៃទី៣ ខែ មករា ឆ្នាំ…
ខេត្តព្រះសីហនុ ៖ ជនរងគ្រោះចំនួន៤នាក់ ដែលជួបហេតុការណ៍លិចទូកនៅក្នុងសមុទ្រ ត្រង់ចំណុចឃ្លងកោះថាស និងកោះដែកគោល កាលពីវេលាម៉ោងប្រមាណជាង៥ព្រឹកថ្ងៃទី៣ ខែ មករា ឆ្នាំ…
ខេត្តព្រះសីហនុ ៖ ជនរងគ្រោះចំនួន៤នាក់ ដែលជួបហេតុការណ៍លិចទូកនៅក្នុងសមុទ្រ ត្រង់ចំណុចឃ្លងកោះថាស និងកោះដែកគោល កាលពីវេលាម៉ោងប្រមាណជាង៥ព្រឹកថ្ងៃទី៣ ខែ មករា ឆ្នាំ ២០២១ ត្រូវបានក្រុមអូរបរ័ល្បឿនលឿនរបស់លោកឧកញ៉ា ទៀ វិចិត្រ ចេញទៅជួយសង្គ្រោះរួចផុតពីគ្រោះថ្នាក់ហើយ។
ជនរងគ្រោះទាំង៤នាក់ដែលត្រូវបានជួយសង្គ្រោះប្រកបដោយសុវត្ថិភាពខាងលើរួមមាន៖
១-ឈ្មោះ ប៊ុត ឈុន ភេទប្រុស អាយុ៤៥ឆ្នាំ មុខរបរអ្នកបើកបរទូក៥២, ២-ឈ្មោះ យ៉ុន ប៊ុនយ៉ុង ភេទប្រុស អាយុ ២២ឆ្នាំ មុខរបរកូនដៃទូក៥២, ៣-ឈ្មោះសឿន ពែក ភេទ ប្រុស អាយុ ២៨ឆ្នាំ មុខរបរ កូនដៃទូក៥២ និង៤- ឈ្មោះ សេស ផានិត ភេទប្រុស អាយុ ២០ឆ្នាំ មុខរបរ បុគ្គលិក ស៊ីហៅន៍ ។
សមត្ថកិច្ចបានឲ្យដឹងថា ទូកដែលលិចខាងលើនេះជាទូកដឹកសំរាម ចេញដំណើរពីចំណុចផែ៥២ ភូមិកោះតូច សង្កាត់កោះរ៉ុងសន្លឹម មកក្រុងព្រះសីហនុ លុះមកដល់ចំណុចឃ្លងកោះថាស និងកោះដែកគោល ក៍ខូចម៉ាស៊ីន អណ្តែតលើផ្ទៃសមុទ្រដែលមានរលកខ្លាំងៗ រួចត្រូវទឹករលកបោកទូក បណ្ដាលឲ្យលិច។
សមត្ថកិច្ចបានបន្តថា ក្រោយពីទទួលដំណឹងខាងលើនេះភ្លាម ក្រុមអូរបរ័ល្បឿនលឿនរបស់លោកឧកញ៉ា ទៀ វិចិត្រ ក៍បានចេញជួយស្វែងរក និងជួយសង្គ្រោះជនរងគ្រោះនៅលើទូកនោះប្រកបដោយសុវត្ថិភាពទាំង៤នាក់ នៅវេលាម៉ោងជាង៨ព្រឹកថ្ងៃដដែល ។
បច្ចុប្បន្ន ជនរងគ្រោះទាំង៤នាក់ខាងលើត្រូវបានដឹកមកដល់ភូមិកោះតូច សង្កាត់កោះរ៉ុងសន្លឹមវិញ ប្រកបដោយសុវត្ថិភាពហើយ៕ (កែសម្រួលដោយ ៖ ធីតា)
ចែករំលែកព័តមាននេះ