ដូចជាពាក្យមួយដែលគេបាននិយាយថា «ទឹក គឺជាប្រភពនៃជីវិត» វាជាការពិតណាស់ ដែលមនុស្សរស់មិនអាចអត់ទឹកបាននោះទេ ។ តែជារៀងរាល់ថ្ងៃយើងអាចនឹងភ្លេចផឹកទឹក ដោយសារតែការរវល់នឹងការងារប្រចាំថ្ងៃ ដែលអាចធ្វើឱ្យមានផលប៉ះពាល់ដល់សុខភាពពីកម្រិតស្រាលដល់ធ្ងន់ ។…
ដូចជាពាក្យមួយដែលគេបាននិយាយថា «ទឹក គឺជាប្រភពនៃជីវិត» វាជាការពិតណាស់ ដែលមនុស្សរស់មិនអាចអត់ទឹកបាននោះទេ ។ តែជារៀងរាល់ថ្ងៃយើងអាចនឹងភ្លេចផឹកទឹក ដោយសារតែការរវល់នឹងការងារប្រចាំថ្ងៃ ដែលអាចធ្វើឱ្យមានផលប៉ះពាល់ដល់សុខភាពពីកម្រិតស្រាលដល់ធ្ងន់ ។ តើធ្វើយ៉ាងណា ដើម្បីដឹងថា អ្នកផឹកទឹកគ្រប់ ឬមិនគ្រប់ ? ខាងក្រោមនេះ គឺជាសញ្ញាបង្ហាញថា អ្នកផឹកទឹកមិនគ្រប់សម្រាប់តម្រូវការរបស់រាងកាយ ៖
-មានអារម្មណ៍ថា ឃ្លាន ៖ សញ្ញាស្រេកឃ្លាន និងស្រេកទឹក ចេញមកពីផ្នែកតែមួយនៃខួរក្បាល ។ ដូច្នេះគ្មានអ្វីចម្លែកទេដែលសញ្ញាទាំងពីរនេះចេញមកដំណាលគ្នា ។ អ្នកនៅតែអាចមានអារម្មណ៍ថាឃ្លាន សូម្បីតែអ្នកទទួលទានអាហារហើយក៏ដោយ ដោយសារតែអ្នកមិនទាន់ទទួលទានទឹកបានគ្រប់ ។
-ឡើងស្ងួត ៖ ការខ្សោះជាតិទឹកត្រូវបានឆ្លុះបញ្ចាំងនៅក្នុងសញ្ញាទូទៅនៃភាពស្ងួត រួមមានស្បែកស្ងួត រមាស់ មាត់ស្ងួត បបូរមាត់ស្ងួតជាដើម ។
-ឈឺក្បាល ៖ កង្វះទឹកធ្វើឱ្យមានការថយចុះការដឹកជញ្ជូនអុកស៊ីសែនឱ្យខួរក្បាល ដែលជាមូលហេតុបណ្តាលឱ្យការឈឺក្បាល ។
-អស់កម្លាំង ៖ ភាពខ្សោយនៃសាច់ដុំ ការកន្ត្រាក់ និង រមួលក្រពើ ជាដើម គឺជាសញ្ញាទូទៅនៃការខ្សោះជាតិទឹក ។ -ក្លិនមាត់មិនល្អ ៖ ក្លិនមាត់មិនល្អ ជាធម្មតាមានន័យថាអ្នកត្រូវការទឹកខ្លះ ដើម្បីធ្វើឱ្យមាត់មិនស្ងួត ហើយមិនមានក្លិនអាក្រក់ ។ ការខ្សោះជាតិទឹកបណ្តាលឱ្យស្ងួតមាត់ ដែលមានន័យថា អ្នកមិនផលិតទឹកមាត់គ្រប់គ្រាន់ ដើម្បីជួយឱ្យមាត់អ្នកប្រយុទ្ធប្រឆាំងនឹងបាក់តេរីដែលបង្កទៅជាក្លិននោះទេ ។
-ចង្វាក់បេះដូងលោតញាប់ ដកដង្ហើមរាក់ៗ ៖ ទាំងនេះអាចជាសញ្ញានៃការខ្សោះជាតិទឹកធ្ងន់ធ្ងរ ហើយអ្នកប្រហែលជាត្រូវស្វែងរកការពិគ្រោះជាមួយនឹងវេជ្ជបណ្ឌិត ៕ ប្រភព ៖ solaramentalhealth
ចែករំលែកព័តមាននេះ