តារាស្រីមួយចំនួនស្អាតប្លែក ស្ទើរតែមើលមិនចង់ស្គាល់
- ភ្នំពេញ
រាជធានីភ្នំពេញ ៖ មានតារាស្រីមួយចំនួនមិនស្កប់ចិត្តនឹងសម្រស់ធម្មជាតិរបស់ខ្លួន ក៏ចំណាយប្រាក់កែកុន ដូចជាទម្រង់មុខ ច្រមុះ ចង្កា ជាដើម ។ អ្នកខ្លះកែបន្តិចបន្តួច…
រាជធានីភ្នំពេញ ៖ មានតារាស្រីមួយចំនួនមិនស្កប់ចិត្តនឹងសម្រស់ធម្មជាតិរបស់ខ្លួន ក៏ចំណាយប្រាក់កែកុន ដូចជាទម្រង់មុខ ច្រមុះ ចង្កា ជាដើម ។ អ្នកខ្លះកែបន្តិចបន្តួច ខ្លះកែច្រើន ស្ទើរតែបាត់ទម្រង់ដើមទាំងស្រុង មើលស្ទើរលែងស្គាល់ ។ តើតារាណាខ្លះកែសម្រស់ ? សូមលើកបង្ហាញ តារាមួយចំនួន ។
កញ្ញាសុវត្ថិឌី ធារិកា បានប្រែប្រួលមុខមាត់ ខ្លាំង គឺពីមុន និងបច្ចុប្បន្ននេះប្រែប្រួលស្ទើរតែមើលមិនស្គាល់ ។ នាងបានពុត និងកៀបធ្មេញកុំឱ្យពយលៀនចេញ ដោយទ្រាំការខាំឧបករណ៍ធ្មេញជាប់មាត់រយៈពេលច្រើនខែ ។
ក្រោយពេលដោះឧបករណ៍កៀបធ្មេញចេញ សុវត្ថិឌី ធារិកា មានសម្រស់លេចឡើងប្លែកពីពេលមុន ។ គួបផ្សំជាមួយការប្រើផលិតផលថែរក្សាសម្រស់ឲ្យមើលទៅផូរផង់ផងនោះ រឹតតែជួយរុញឲ្យនាងស្អាតខុសឆ្ងាយពីពេលចូលរួមប្រឡងចម្រៀង ដំបូងៗ ។
ចំណែកកញ្ញាតន់ ច័ន្ទសីម៉ា ដែលកំពុងអណ្ដែតឡើងខ្លាំងក្នុងពិភពសិល្បៈ ក៏ឆ្លងកាត់ការកែសម្រស់ដែរ ។ នាងកែត្ររង់ផ្នែកច្រមុះ និងចង្កា ហើយក៏លេចឡើងសម្រស់ថ្មី ស្អាតខុសឆ្ងាយពីសម្រស់ធម្មជាតិ ។ មានអ្នកគាំទ្រជាច្រើនថា បច្ចុប្បន្នសីម៉ា ស្អាតខ្លាំង ស្ទើរតែមើលមិនស្គាល់ ។ តារាស្រីវ័យក្មេងរូបនេះរីករាយនៅពេលដែលការកែខ្ទង់ច្រមុះបានស្អាតមិនខកចិត្ត ។
ចំពោះចៅស្រីអតីតតារាភាពយន្តជើងចាស់ និងជាម្ចាស់បទ«ខ្យល់កំពូលភ្នំ» កែវ មន្ថា គឺកញ្ញាស៊ូ ស៊ីរីកា វិញ ក៏បានកែ ខ្លះៗដែរ ដូចជាចាក់ច្រមុះ និងចង្កាជាដើម ។ សម្រស់ របស់ស៊ីរីកា ប្រែប្រួលខុសពីទើបចូលសិល្បៈដំបូង ។តាំងពីព្យាយាមហាត់ប្រាណមក រាងរបស់នាងប្រែស្វែលស្រឡូន ឯមុខមាត់វិញស្អាតជាងមុនសមតាមបំណង ។
ដោយឡែកតារាសម្តែងបេនី យ៉ាំង វិញបាត់មុខពីអាជីពសម្តែង ក្រោយកែសម្រស់ខ្ទង់ច្រមុះមិនបានសមបំណង ។ ក្រោយកែរួចមកច្រមុះរបស់នាងស្ថិតក្រោមការបិទបាំងរយៈពេលជាយូរ មិនឲ្យមហាជនឃើញទេ ជាមួយការលេចឮថាវាមានបញ្ហា ។
បេ នីយ៉ាំង បានចាប់យកការងារលក់ផលិតផលលើអនឡាញ ហើយនៅឆ្ងាយពីអាជីពសិល្បៈ ។
គ្រប់រូបថតដែលបេនី យ៉ាំង បង្ហោះលើហ្វេប៊ុក គឺបិទបាំងផ្នែកច្រមុះ ។
ក្រៅពីនេះនៅមានតារាជាច្រើនទៀតក៏កែសម្រស់ដែរ ដូចជា សុភក្រ័ កុសុម៉ាបានវះកាត់ត្របកភ្នែក និងថន លក្ខិណា ជាដើម ៕
ចែករំលែកព័តមាននេះ