ខេត្តតាកែវ ៖ ជនសង្ស័យជាបុគ្គលិករបស់អង្គការអភិវឌ្ឍន៍អាស៊ីអាគ្នេយ៍ចំនួន៦នាក់ក្នុងចំណោមបក្សពួក៧នាក់ត្រូវបានចៅក្រមស៊ើបសួរសាលាដំបូងខេត្តតាកែវសម្រេចចេញដីកាឃុំខ្លួនបណ្តោះអាសន្ន ដោយចោទប្រកាន់ពីបទប៉ុនប៉ងឆបោក កាលពីវេលាម៉ោង១១ព្រឹក ថ្ងៃទី១៨ មិថុនា ២០១៥ បន្ទាប់ពីពួកគេត្រូវបានឃាត់ខ្លួន និងស៊ើបសួរជាច្រើនថ្ងៃឃើញថា បានចុះទៅឃោសនាប្រជាពលរដ្ឋឱ្យយកលុយមកផ្ញើនៅក្រុមហ៊ុនរបស់ខ្លួនដើម្បីទទួលបានការប្រាក់ខ្ពស់ គឺ១០%។
គួររំលឹកផងដែរថា កាលពីថ្ងៃទី១២ មិថុនា ២០១៥ វេលាម៉ោង២រសៀល លោកមេឃុំគិរីចុងកោះ ស្រុកគិរីចង់បានប្តឹងប៉ូលិសឱ្យឃាត់ខ្លួនជនសង្ស័យចំនួន៧នាក់ និងរថយន្ត៣គ្រឿង ខណៈពេលជនសង្ស័យកំពុងតែដើរឃោសនាដល់ប្រជាពលរដ្ឋនៅក្នុងឃុំឱ្យយកលុយមកផ្ញើក្នុងអង្គការរបស់ពួកគេ នឹងទទួលបានការប្រាក់ខ្ពស់គឺ១០%៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ