ប្រទេសថៃ ៖ បាតុករស្និទ្ធប្រជាធិបតេយ្យច្រើនរយនាក់ កាលពីថ្ងៃទី២៩ វិច្ឆិកា បានលើកគ្នាទៅកាន់មុខបន្ទាយនៃកងឯកភាពរក្សាព្រះអង្គ ដោយលើកទាកៅស៊ូពណ៌លឿងធំៗ អាចបញ្ចូលខ្យល់ជានិមិត្តរូបនៃចលនារបស់ពួកគេ ដែលស្វែងរកកម្រិតអំណាចព្រះមហាក្សត្រ។ ទាពណ៌លឿងអាចបូមបញ្ចូលខ្យល់បាន…
ប្រទេសថៃ ៖ បាតុករស្និទ្ធប្រជាធិបតេយ្យច្រើនរយនាក់ កាលពីថ្ងៃទី២៩ វិច្ឆិកា បានលើកគ្នាទៅកាន់មុខបន្ទាយនៃកងឯកភាពរក្សាព្រះអង្គ ដោយលើកទាកៅស៊ូពណ៌លឿងធំៗ អាចបញ្ចូលខ្យល់ជានិមិត្តរូបនៃចលនារបស់ពួកគេ ដែលស្វែងរកកម្រិត
អំណាចព្រះមហាក្សត្រ។
ទាពណ៌លឿងអាចបូមបញ្ចូលខ្យល់បាន ដែលតាមធម្មតាសម្រាប់ប្រើក្នុងការលេងទឹកនៅតាមអាងហែលទឹកនោះ សម្រាប់ពួកបាតុករគឺតំណាងឲ្យពួកយោធាដែលពួកគេថា ជាអ្នកស្ថិតនៅពីលើប្រជាជន ដើម្បីគ្រប់គ្រងជីវភាពនយោបាយនៅថៃ។ បណ្ដាមេដឹកនាំបាតុកម្មបានអំពាវនាវឲ្យធ្វើសកម្មភាពដោយសន្តិវិធី ចាប់តាំងពីមានការប្រើនាពេលថ្មីៗនេះ នូវឧស្ម័នបង្ហូរទឹកភ្នែកនិងកាណុងបាញ់ទឹក ពីសំណាក់កងកម្លាំងសន្តិសុខ។
បាតុកម្មនាថ្ងៃទី២៩ វិច្ឆិកា ជាបាតុកម្មចុងក្រោយមួយ ខណៈបាតុកម្មកើតមានស្ទើររាល់ថៃ្ងនៅក្រុងបាងកក ដោយបាតុកម្មថ្មីនោះ ធ្វើនៅមុខបន្ទាយនៃកងវរសេនាធំជើងគោកលេខ១១។ កងឯកភាពនោះ ជាមួយកងវរសេនាធំកងកម្លាំងជើងគោកលេខមួយ ដែលស្ថិតក្រោមការត្រួតត្រាដោយផ្ទាល់របស់ព្រះមហាក្សត្រមហាវ៉ាជីរ៉ាឡុងកន កាលពីឆ្នាំទៅមិញជាសេចក្ដីសម្រេចមួយដែលគេចាត់ទុកថា ជាវិធីដែលព្រះមហាក្សត្រពង្រឹងថែមទៀតនូវអំណាចរបស់ទ្រង់។
មេដឹកនាំសំខាន់ម្នាក់នៃចលនាតវ៉ា លោកPARIT PENGUIN CHIWARAKនិយាយថា កងវរសេធំទាំង២កងនោះ ធ្លាប់ចូលរួមក្នុងការបង្រ្កាបប្រជាជនកាលពីគ្រាកន្លងទៅ។ កងកម្លាំងទាំងនេះក៏ដើរតួនាទីសំខាន់ក្នុងរដ្ឋប្រហារ។ ច្រកចូលបន្ទាយនិងជញ្ជាំងបន្ទាយ ត្រូវបានរាយលួសបន្លា ហើយប៉ូលិសបានយាមពីខាងក្រៅ។ បាតុករម្នាក់ស្រែកថាកងទ័ពត្រូវបម្រើយើង ហើយមិនមែនបម្រើតែព្រះមហាក្សត្រឡើយ។ តួនាទីពួកគេគឹការពារប្រជាជន។
កងទ័ពចាប់តាំងពីយូរមកហើយត្រូវបានចាត់ទុកថា ជាអ្នកការពារគ្រួសាររាជវង្សដែលមានទ្រព្យសម្បត្តិយ៉ាងមហាសាល ដោយតាមការវាយតម្លៃមានភាគហ៊ុន ប្រមាណពី៣០ទៅ៦០ពាន់លានដុល្លារ ។ ក្នុងនាមនៃការការពារព្រះមហាក្សត្រ កងទ័ពថៃបានរៀបចំធ្វើរដ្ឋប្រហារជាច្រើន ចាប់តាំងពីការបញ្ចប់របបរាជានិយមផ្ដាច់ការពីឆ្នាំ១៩៣២មក ហើយរដ្ឋប្រហារ្មចុងក្រោយគឹកាលពីឆ្នាំ២០១៤។ ពួកអ្នកតវ៉ាទាមទារឲ្យនាយករដ្ឋមន្រ្តីលោកប្រាយុទ្ធចាន់អូចា លាលែងចេញពីតំណែង កែប្រែរដ្ឋធម្មនុញ្ញដែលយល់ថា លំអៀងខ្លាំងបំផុតដល់កងយោធា ព្រមទាំងឲ្យកែទម្រង់របបរាជានិយម៕
ចែករំលែកព័តមាននេះ