ខេត្តកំពង់ឆ្នាំង ៖ ស្ត្រីជាម្តាយក្មេកស្លាប់ និងម្នាក់ទៀតជាប្រពន្ធរងរបួសប្រអប់ដៃខាងឆ្វេង បន្ទាប់ពីករណីហិង្សាក្នុងគ្រួសារមួយ បង្កដោយបុរសប្តី និងជាកូនប្រសា ក្នុងស្ថានភាពស្រវឹងនោះ ។
ហេតុការណ៍នេះ កើតឡើងកាលពីវេលាម៉ោង៨ និង៣០នាទីយប់ថ្ងៃទី១១ មិថុនា ២០១៥ ស្ថិតនៅភូមិតាកែវ ឃុំពាម ស្រុកសាមគ្គីមានជ័យ ។ ទោះយ៉ាងណាក្រោយពេលកើតហេតុ ជនបង្កបានព្យាយាមរត់គេចខ្លួន តែត្រូវសមត្ថកិច្ចមូលដ្ឋានធ្វើការចាប់ឃាត់ខ្លួនបានកាលពីវេលាព្រឹកថ្ងៃទី១២ មិថុនា ២០១៥ ។
ប្រភពបានឱ្យដឹងថា ជនដៃដល់ឈ្មោះភួង សុង ហៅឡុង អាយុ៣០ឆ្នាំ ។ ចំណែកម្តាយក្មេកដែលស្លាប់ឈ្មោះប៉ាន់ ធីម អាយុ៦០ឆ្នាំ និងស្ត្រីជាប្រពន្ធរងរបួសធ្ងន់ឈ្មោះង៉ូវ សុវណ្ណ អាយុ៣២ឆ្នាំ គ្រួសារនេះរស់នៅក្នុងភូមិ-ឃុំកើតហេតុខាងលើ ។
ប្រភពបន្តទៀតថា គ្រួសារខាងលើតែងតែទាស់គ្នាជាញឹកញាប់ណាស់ មិនសូវលោះថ្ងៃទេ ហើយម្តាយក្មេកបង្គាប់ឱ្យប្រពន្ធលែងលះជាមួយប្តី ទើបគ្រួសារនេះមិនសូវបានសុខនិងគ្នា ។ ស្រង់សម្តីជនសង្ស័យថា នៅមុនពេលកើត ប្តី-ប្រពន្ធខាងលើបានឈ្លោះទាស់សម្តីគ្នាយ៉ាងខ្លាំងជាថ្មីម្តងទៀត ពេលនោះស្ត្រីជាម្តាយក្មេកមិនបានឃាត់ទេ បែរជាឱ្យប្រពន្ធយកកាំបិតកាប់ប្តី ចំណែកម្តាយក្មេក ក៏មានកាំបិតនៅដៃមួយដែរ ខណៈនោះជនបង្កមានអាការៈស្រវឹងស្រាលខ្លះផង ណាខឹងម្តាយក្មេកកន្លងមក តែងបញ្ឆេះឱ្យ
ប្រពន្ធលែងខ្លួនទៀត ទើបទ្រាំលែងបាន ក៏កាប់ស្ត្រីជាម្តាយក្មេកបណ្តាលឱ្យស្លាប់នៅនឹងកន្លែង ចំណែកប្រពន្ធបានរងរបូសដាច់ប្រអប់ដៃឆ្វេង ហើយត្រូវបានដឹកមកសង្គ្រោះនៅមន្ទីរពេទ្យខេត្ត តែដោយរបួសធ្ងន់ក៏បន្តដឹកទៅសង្គ្រោះនោះមន្ទីរពេទ្យនៅរាជភ្នំពេញជាបន្តទៀត ។
ដោយឡែកបុរសជាប្តី និងជាជនដៃដល់បានព្យាយមរត់គេចខ្លួន តែត្រូវសមត្ថកិច្ចធ្វើការចាប់ឃាត់បាននៅព្រឹកថ្ងៃទី១២ មិថុនា ២០១៥ នេះ ។
ចែករំលែកព័តមាននេះ