សហរដ្ឋអាមេរិក ៖ រដ្ឋមន្ត្រីសុខាភិបាលអាមេរិកអាមេរិក លោកALEX AZARថ្លែងកាលពីថ្ងៃទី១០វិច្ឆិកាថា សហរដ្ឋអាមេរិកនឹងអាចជម្រុញយុទ្ធនាការចាក់វ៉ាក់សាំង ប្រឆាំងវីរុសCOVID-19 ចាប់ពីខែធ្នូខាងមុខនេះទៅ ប្រសិនបើក្រុមហ៊ុនឱសថយក្សអាមេរិកPLIZERនិងដៃគូក្រុមហ៊ុនឱសថអាល្លឹម៉ង់BIONTECH យល់ព្រមដោយឆាប់រហ័សជាងការគ្រោងទុក…
សហរដ្ឋអាមេរិក ៖ រដ្ឋមន្ត្រីសុខាភិបាលអាមេរិកអាមេរិក លោកALEX AZARថ្លែងកាលពីថ្ងៃទី១០វិច្ឆិកាថា សហរដ្ឋអាមេរិកនឹងអាចជម្រុញយុទ្ធនាការចាក់វ៉ាក់សាំង ប្រឆាំងវីរុសCOVID-19 ចាប់ពីខែធ្នូខាងមុខនេះទៅ ប្រសិនបើក្រុមហ៊ុនឱសថយក្សអាមេរិកPLIZERនិងដៃគូក្រុមហ៊ុនឱសថអាល្លឹម៉ង់BIONTECH យល់ព្រមដោយឆាប់រហ័សជាងការគ្រោងទុក លើសំណើផ្ដល់វ៉ាក់សាំងរបស់ពួកគេដែលធ្វើតេស្តដល់ដំណាក់ទី៣ ជាដំណាក់កាលចុងក្រោយដោយបង្ហាញលទ្ធផលមានប្រសិទ្ធភាពជាង៩០%។
ក្រោយបញ្ចប់ការសាកល្បងគ្លីនិកក្នុងទ្រង់ទ្រាយធំនូវវ៉ាក់សាំងពួកគេ ក្រុមហ៊ុនឱសថទាំង២ គ្រោងដាក់សំណើទៅអាជ្ជាធរសុខាភិបាលអាមេរិកFOOD AND DRUG ADMINISTRATION ប្រើប្រាស់ជាបន្ទាន់វ៉ាក់សាំងនោះនាសប្ដាហ៍ខាងមុខ។
ក្នុងបទសម្ភាសន៍មួយជាមួយសារព័ត៌មានជាច្រើន ក្នុងនោះមានទូរទស្សន៍CNBCលោកALEX AZARថ្លែងថា រដ្ឋាភិបាលអាមេរិកនឹងទទួលវ៉ាក់សាំង២០លានដូសក្នុង១ខែ ចាប់ពីខែធ្នូទៅ។ សហរដ្ឋអាមេរិកបានឈានទៅបញ្ជាទិញ ពីក្រុមហ៊ុនPLIZERនូវវ៉ាក់សាំងនេះ១០០លានដូសក្នុងទឹកប្រាក់២ពាន់លានដុល្លារ។
លោកបន្តថាទោះបីយ៉ាងណាការសម្រេចចុងក្រោយ នឹងពឹងផ្អែកលើការពិនិត្យដោយស៊ីជម្រៅ លើបណ្ដាទិន្នន័យស្ដីពីប្រសិទ្ធភាពរបស់វ៉ាក់សាំង។ លោកថាតាមសំណើដល់រដ្ឋាភិបាល យុទ្ធនាការចាក់វ៉ាក់សាំងនឹងចាប់ផ្ដើមតាមរយៈការចាក់ឲ្យមនុស្សចាស់និងបុគ្គលិកសុខាភិបាលមុនគេ ដោយយុទ្ធការនោះនឹងបញ្ចប់នាដំណាច់ខែមករា។
រដ្ឋមន្ត្រីសុខាភិបាលអាមេរិកក៏រង់ចាំដែរ ដែលមន្ទីរពិសោធន៍ដទៃៗទៀត ដូចជាក្រុមហ៊ុនMODERNA ជាដើម ប្រកាសមុនដំណាច់ខែនេះ ពីលទ្ធផលនៃការសាកល្បងគ្លីនិកវ៉ាក់សាំងរបស់ពួកគេ។ រហូតដល់ដំណាច់ខែមីនា២០២១ឬដល់ដើមខែមេសា យើងគ្រោងឲ្យទទួលបានវ៉ាក់សាំងគ្រប់គ្រាន់ សម្រាប់ពលរដ្ឋអាមេរិកទាំងមូល ដែលចង់ចាក់វ៉ាក់សាំង។
ចំណែកគណៈកម្មាធិការអឹរ៉ុបត្រូវផ្ដល់ភ្លើងខៀវ នាថ្ងៃទី១១វិច្ឆិកាដល់ការចុះហត្ថលេខា លើកុងត្រាមួយជាមួយក្រុមហ៊ុនPLIZERនិងក្រុមហ៊ុនដៃគូBIONTECH លើកុងត្រាទិញវ៉ាក់សាំងរបស់ពួកគេ ជាច្រើនរយលានដូស ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ