សហរដ្ឋអាមេរិក ៖ មុនពេលហក់ចូលក្នុងនយោបាយ លោកដូណាល់ ត្រាំ តែងលើកពីការរស់នៅរបស់លោក។ លោកថាលោកមានជីវភាពរស់នៅដ៏ត្រចះត្រចង់បំផុត តែលោកមិនសូវនិយាយពីជិវិតលោក ក្រោយចាកចេញពីសេតវិមានឡើយ។ តើលោកនឹងចេញទៅធ្វើអ្វី ក្រោយថ្ងៃទី២០ មករា ឆ្នាំ២០២១ ពេលដែលលោកចូបៃដេន មកកាន់កាប់សេតវិមាន?
តើលោកនឹងវិលទៅចាត់ចែងទូរទស្សន៍LANCER របស់លោកវិញឬ? ទោះបីឈ្មោះរបស់លោកល្បីជាអ្នករកស៊ីខាងអចលនទ្រព្យ កាលពីទសវត្សឆ្នាំ៨០ និងឆ្នាំ៩០ តែលោកជាសហផលិតករសម្រាប់ការផ្សាយរបស់ទូរទស្សន៍នោះ ដែលលោកបង្ហាញរវាងពីឆ្នាំ២០០៤មក២០១៥។ ក៏ទោះជាលោកផ្ដោតលើការរកស៊ីខាងអចលនទ្រព្យ តែលោកបង្ហាញរូបភាពជាអ្នកជំនួញធំដុំមួយ។
ម្យ៉ាងទៀតក្រោយពេលចាកចេញពីសេតវិមាន លោកត្រូវប្រឈមមុខនឹងរឿងចោទប្រកាន់នានានៅតុលាការ។ នៅក្រុងញូវយ៉កលោកត្រូវប្រឈមមុខ នឹងការស៊ើបអង្កេត២របស់តុលាការ។ បទចោទប្រកាន់ពីបទព្រហ្មទណ្ឌមួយ ផ្ដួចផ្ដើមឡើងដោយរដ្ឋអាជ្ញាម៉ាន់ហាតាន់ លោកCYRUS VANCEពីបទក្លែងបន្លំពន្ធ និងពីបទបោកក្រុមហ៊ុនធានានារ៉ាប់រងនិងពីបទក្លែងបន្លំគណនេយ្យ។
បចោទប្រកាន់ទី២ ជាបទចោទប្រកាន់រដ្ឋប្រវេណី ត្រូវបានលើកដោយរដ្ឋអាជ្ញា រដ្ឋញូវយ៉កដែលស្វែងរកកំណត់ថា តើអង្គការមូលនិធិរបស់លោកត្រាំមានកុហក លើទំហំនៃភាគហ៊ុនរបស់ខ្លួនដើម្បីឲ្យទទួលបានប្រាក់កម្ចីនានា និងផលប្រយោជន៍ខាងពន្ធដារដែរឬយ៉ាងណា។
តើលោកត្រាំនៅបន្តធ្វើនយោបាយឬ? ផ្ទុយពីបណ្ដាអ្នកកាន់អំណាចមុនលោក ដូចជាលោកប៉ារា៉ក់អូបាម៉ា លោកចចដាប់ប៊លយូប៊ូស និងលោកប៊ីលគ្លីនតុន ដែលសុទ្ធតែកាន់អំណាច២អាណត្តិ លោកត្រាំអាចនៅក្រាញធ្វើនយោបាយ ព្រោះលោកមិនបានបន្តអាណត្តិទី២ ហើយតាមលទ្ធផលក្នុងការបោះឆ្នោតដែលមានអ្នកចូលរួមច្រើនបំផុត លោកនៅទទួលបានសំឡេងដ៏ច្រើនដល់ជាង៧០លានទល់នឹងលោកបៃដេន៧៤លានសំឡេង ហើយលោកអាចនៅបន្តនយោបាយ។
តាមទ្រឹស្ដីចែងក្នុងរដ្ឋធម្មនុញ្ញ លោកត្រាំមិនត្រូវបានរារាំង មិនឲ្យប្រជែងយកការកាន់អំណាចអាណត្តិទី២ឡើយ ហាមតែការកាន់អំណាចលើស២អាណត្តិជាប់គ្នា។ មានមនុស្សតែម្នាក់ប៉ុណ្ណោះ ដែលអាចសម្រេចបានជោគជ័យបែបនោះ គឺលោកGROVER CLEVELAND កាលពីដំណាច់សតវត្សទី១៩។
លោកជាប់ឆ្នោតប្រធានាធិបតីក្នុងឆ្នាំ១៨៨៤តែចាញ់ឆ្នោតក្នុងឆ្នាំ១៨៨៨ បន្ទាប់មកជាប់ឆ្នោតវិញក្នុងឆ្នាំ១៨៩២។ លោកជាប់ឈ្មោះជាប្រធានាធិបតីអាមេរិកទី២២និងទី២៤។ តែបែបនេះមើលទៅលោកត្រាំពិបាកទៅរួចពិសេស លោកមានវ័យកាន់តែចាស់។ រួចកាលពីខែមិថុនា លោកធ្លាប់លើកក្នុងសេតវិមានពីលទ្ធភាពដើរត្រាច់ចរណ៍ជាមួយភរិយា។
លោកថាខ្ញុំអាចទៅកាន់ក្រុងញូវយ៉ក ជាមួយភរិយា។លោកគិតថាលោកនឹងទិញរថយន្តបែបជាផ្ទះមួយ រួចធ្វើដំណើរត្រាច់ចរណ៍ជាមួយភរិយា៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ