ខេត្តស្ទឹងត្រែង ៖ ប្រជាពលរដ្ឋមានលំនៅឋានជិតខ្សែបន្ទាត់ព្រំដែនក្នុងស្រុកសៀមប៉ាង បានឱ្យកោះសន្តិភាពដឹងកាលពីល្ងាចថ្ងៃទី១៩ ឧសភា ២០១៥ ថា សកម្មភាពកា.ប់បំផ្លាញព្រៃឈើនៅក្នុងដែនឧទ្យានជាតិវរៈជ័យ ព្រៃការពាររបស់រដ្ឋ និងព្រៃសហគមន៍នៅ
ខេត្តស្ទឹងត្រែង ៖ ប្រជាពលរដ្ឋមានលំនៅឋានជិតខ្សែបន្ទាត់ព្រំដែនក្នុងស្រុកសៀមប៉ាង បានឱ្យកោះសន្តិភាពដឹងកាលពីល្ងាចថ្ងៃទី១៩ ឧសភា ២០១៥ ថា សកម្មភាពកាប់បំផ្លាញព្រៃឈើនៅក្នុងដែនឧទ្យានជាតិវរៈជ័យ ព្រៃការពាររបស់រដ្ឋ និងព្រៃសហគមន៍នៅជាប់ព្រំប្រទល់ខេត្ត២ គឺខេត្តស្ទឹងត្រែង និងខេត្តរតនគីរី ភាគឦសានប្រទេស កំពុងកើតមានជារៀងរាល់ថ្ងៃ ដោយពួកគាត់មិនបានឃើញខាងអាជ្ញាធរដែនដីណា មកចាត់វិធានការទប់ស្កាត់នោះឡើយ ។
សកម្មភាពកាប់ និងដឹកជញ្ជូនឈើប្រណីតធ្វើជំនួញនេះ ត្រូវគេកត់សំគាល់ឃើញថា បាននិងកំពុងកើតមានជារៀងរាល់ថ្ងៃ ដោយគ្មានការថមថយនោះទេ ។ អ្នកដែលប្រព្រឹត្តអំពើខុសច្បាប់នេះ គឺជាក្រុមអ្នកប្រមូលទិញឈើពីសំណាក់ប្រជាពលរដ្ឋ ឱ្យក្រុមហ៊ុនស្របច្បាប់ មានអាជ្ញាប័ណ្ណមួយ ដែលមានលោកឧកញ៉ា អ៊ុក គឹមសាន្ត ជាអ្នកគ្រប់គ្រងលើការប្រមូលទិញ និងដឹកជញ្ជូនឈើទាំងនោះ ។
សេចក្តីរាយការណ៍បានឱ្យដឹងទៀតថា ឈើប្រណីតដែលគេអារកាប់ពុះ និងច្រៀកនាំយកធ្វើជំនួញឆ្លងដែន និងយកទៅលក់ឱ្យក្រុមហ៊ុនស្របច្បាប់នោះ គឺពួកគេបានបោះលុយទៅឱ្យប្រជាពលរដ្ឋនៅក្នុងខេត្តពីភាគឦសាននោះ ចូលព្រៃកាប់ និងដឹកជញ្ជូនយកមកលក់ឱ្យក្រុមខ្លួនក្នុងតម្លៃទាប ដែលឈើទាំងនោះ ភាគច្រើនពួកគេបានកាប់ និងដឹកចេញពីដែនព្រៃឧទ្យានជាតិវរៈជ័យ ព្រៃការពាររបស់រដ្ឋ និងដែនព្រៃសហគមន៍នោះជាដើម។
ប្រភពបន្តទៀតថា ក្រោយការកាប់អារ ពុះ និងច្រៀក ក្លាយជាចំណិតរួចហើយ ក្រុមមេការឈ្មោះស្រេង ម៉េង ជាមន្ត្រីយោធា ឈ្មោះហាក់ សុខគា ជាមន្ត្រីនគរបាល ឈ្មោះណាង ឈ្មូញរកស៊ីជើងខ្លាំងប្រចាំដែនដីខេត្តស្ទឹងត្រែង ជាអ្នកប្រមូលទិញឈើនោះ មួយភាគបានដឹកចូលឃ្លាំងចំនួន២នៅចំណុចវាយថ្ម និងជិតព្រលានយន្តហោះក្នុងស្រុកសៀមប៉ាង មួយភាគពួកគេបានលួចដឹកឆ្លងដែនយកទៅលក់ឱ្យឈ្មួញនៅក្នុងប្រទេសឡាវ និងមួយភាគទៀតដឹកចូលទៅស្រុកវ៉ឺនសៃ ខេត្តរតនគីរី ហើយឈើទាំងនោះ ទំនងអាចនាំចូលទៅកាន់ប្រទេសវៀតណាម តាមច្រកអូរយ៉ាដាវក៏មាន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ