រាជធានីភ្នំពេញ ៖ តារាស្រីពហុជំនាញសិល្បៈអ្នកនាង ខាត់ សុឃីម បានធ្វើអោយមហាជនផ្ទុះការចាប់អារម្មណ៍យ៉ាងខ្លាំង ក្រោយពីរូបនាងបង្ហើបអោយដឹងថា ហាក់មានអ្នកកាច់កុង ទៅដល់រូបនាងនៅក្នុងការរកស៊ីជំនួញថ្មីទើបតែចាប់ផ្តើមមួយនេះ។
ដោយឡែក តារាស្រីអ្នកនាងខាត់ សុឃីម បានបង្ហោះសារមួយតាមរយៈបណ្តាញសង្គមហ្វេសប៊ុក ហាក់ថា អោយអ្នកដែលមានបំណងកាច់កុងចំពោះរូបនាង ដោយបានជួលមនុស្សអោយមក ខមមិនពាក្យពេច៍ឌីដង ទៅលើរូបនាងជាប្រចាំហាក់មិនមានបំណងអោយអាជីវកម្មថ្មីរបស់អ្នកនាងបានសុខនោះទេ។
អ្នកនាងខាត់សុឃឹម បានលើកឡើងនៅក្នុងនោះថា « ហ៊ី អាណិតអ្នក ស៊ីឈ្នួលខមមិននិយាយពីថាសុទ្ធ អត់ដាក់រូបពិត ចៅៗ បងៗអូនហា ឈប់ចាក់ឆ្កឹះទៀតទៅខ្ញុំមិនលោតតាមទេ ប្រយ័ត្នតែកម្មតាមស្នងទៅ ។ ខ្ញុំរស់ជារបៀបខ្ញុំ យើងនៅកន្លែងខុសគ្នា (សុំទោសខ្ញុំអត់ទំនេរ តបតទេ) អាណិតតែអ្នកជួលមួយខែៗ ដឹងអស់ប៉ុន្មាន» ។
បន្ទាប់ពីពោកពាក្យបែបនេះរួចមក មហាជនសង្កេតឃើញថា តារាស្រីរូបនេះហាក់មិនខ្វល់ពីសម្តីរបស់អ្នកខមមិននោះទេ ប៉ុន្តែរូបនាងបែរជាបង្ហាញអារម្មណ៍នៅតែរឹងមាំដដែល ពីព្រោះតែនេះមិនមែនជាលើកទី១នោះទេ ដែលអ្នកនាងខាត់ សុឃីម បានជួបរឿងបែបនេះ ពីព្រោះកន្លងមកនេះក៏ធ្លាប់បរាជ័យលើមុខជំនួញ ក្បែរលានដុល្លារឯណ្ណោះ។
យ៉ាងណាមិញ អ្នកនាងខាត់ សុឃីម មិនបានបញ្ជាក់ អោយមហាជនបានដឹងថា អ្នកណាដែលកំពុងតែឌឺដងទៅដល់រូបនាងនោះទេ ប៉ុន្តែអ្នកនាងបែរជាទទួលបានការលើកទឹកចិត្តជាច្រើន ពីអ្នកគាំទ្រទៅលើមុខជំនួញថ្មីនេះ៕
ចែករំលែកព័តមាននេះ