ខេត្តក្រចេះ ៖ លោក វ៉ា ថន អភិបាលខេត្តក្រចេះ បានប្រកាសឱ្យបងប្អូនប្រជាពលរដ្ឋ មានការប្រុងប្រយ័ត្នខ្ពស់ ដោយសារនៅទូទាំងប្រទេលកម្ពុជាទទួលរងនូវឥទ្ធិពលប្រព័ន្ធសម្ពាធទាប (…
ខេត្តក្រចេះ ៖ លោក វ៉ា ថន អភិបាលខេត្តក្រចេះ បានប្រកាសឱ្យបងប្អូនប្រជាពលរដ្ឋ មានការប្រុងប្រយ័ត្នខ្ពស់ ដោយសារនៅទូទាំងប្រទេលកម្ពុជាទទួលរងនូវឥទ្ធិពលប្រព័ន្ធសម្ពាធទាប ( ITCZ ) ភ្ជាប់នឹងវិសម្ពាធ ដែលបាននិងកំពុងបន្តអូសបន្លាយពីលើកម្ពុជា បានធ្វើឲ្យមានភ្លៀងធ្លាក់ច្រើននៅអាងទន្លេមេគង្គក្នុងប្រទេសឡាវ និងតំបន់ភាគឦសានប្រទេសកម្ពុជា ។
ស្ថានភាពបែបនេះ នឹងធ្វើឲ្យទឹកទន្លេមេគង្គនៅភាគខាងលើបន្តឡើងជាលំដាប់ ក្នុងរយៈពេលពី៤ ទៅ៦ ថ្ងៃខាងមុខក្នុងនោះ៖នៅថ្ងៃទី ២៤ តុលា នាំ២០២០ ស្ថានីយ៍ជលសាស្ត្រ មេគង្គស្ទឹងត្រែង ទឹកអាចហក់ឡើងដល់កម្រិតកម្ពស់ ៩,៥០ម៉ែត្រ។
នៅថ្ងៃទី ២៥ តុលា នាំ២០២០ ស្ថានីយ៍ជលសាស្ត្រ មេគង្គក្រចេះ ទឹកអាចហក់ឡើងដល់កម្រិតកម្ពស់២០,០០ម៉ែត្រ។ នៅថ្ងៃទី២៦ តុលា ឆ្នាំ២០២០ ស្ថានីយជលសាស្ត្រ មេគង្គកំពង់ចាម ទឹកអាចហក់ឡើងដល់កម្រិតកម្ពស់១៤,១០ម៉ែត្រ។ ការហក់ឡើងនៃទឹកទន្លេមេគង្គភាពខាងលើនេះ នៅមានសភាពទាបជាងម្រិតកម្ពស់ប្រកាសឲ្យប្រុងប្រយ័ត្ននៅឡើយ ។
ជាក់ស្ដែង គិតត្រឹមថ្ងៃទី២០ តុលា នេះ ស្ថានភាពកម្រិតកម្ពស់ទឹកទន្លេមេគង្គក្រចេះ ហក់ឡើងដល់១៨,៥៩ម៉ែត្រ ខណៈដែលខេត្តក្រចេះ ប្រកាសឲ្យមានការប្រុងប្រយ័ត្ននៅកម្រិតកម្ពស់ទឹក ២២ ,០០ ម៉ែត្រដោយកាលព្រឹកថ្ងៃទី១៩ ខែតុលា ត្រឹមតែ ១៧,៩២ ម៉ែត្រប៉ុណ្ណោះ ។
ដោយឡែក អាកាសធាតុនៅក្រចេះវីញ សម្រាប់ថ្ងៃទី២០ តុលានេះ ផ្ទៃមេឃស្រឡះ មានពពកតិច គ្មានភ្លៀង។ បច្ចុប្បន្ននេះ ស្ថានភាពទឹកទន្លេមេគង្គក្រចេះនៅទាប ហើយនៅតាមស្រុក ក្រុងទាំង៦ ក្នុងខេត្តក្រចេះ ពុំទាន់មានស្រុកក្រុងណាមួយទទួលរងគ្រោះដោយជំនន់ទឹកភ្លៀងនៅឡើយទេ។
ចែករំលែកព័តមាននេះ