ខេត្តបន្ទាយមានជ័យ ៖ បន្ទាប់ពីភ្លៀងបានធ្លាក់ជាបន្តបន្ទាប់នាប៉ុន្មានថ្ងៃចុងក្រោយហើយបន្តដល់ល្ងាចថ្ងៃទី១៦ តុលា រហូតដល់ព្រឹកថ្ងៃទី១៧តុលា នេះ ក៏បានធ្វើឲ្យទឹកអូរព្រំដែនហក់ឡើងគួរឲ្យព្រួយបារម្ភ ។ ដោយសារថា ភូមិមួយចំនួនខាងត្បូងផ្លូវជាតិលេខ៥…
ខេត្តបន្ទាយមានជ័យ ៖ បន្ទាប់ពីភ្លៀងបានធ្លាក់ជាបន្តបន្ទាប់នាប៉ុន្មានថ្ងៃចុងក្រោយហើយបន្តដល់ល្ងាចថ្ងៃទី១៦ តុលា រហូតដល់ព្រឹកថ្ងៃទី១៧តុលា នេះ ក៏បានធ្វើឲ្យទឹក
អូរព្រំដែនហក់ឡើងគួរឲ្យព្រួយបារម្ភ ។
ដោយសារថា ភូមិមួយចំនួនខាងត្បូងផ្លូវជាតិលេខ៥ នៅក្រុងប៉ោយប៉ែត ពិសេសភូមិៗជាប់អូរព្រំដែនទឹក ចាប់ផ្តើមហូរចូលលំនៅឋានពលរដ្ឋហើយ នាព្រឹកថ្ងៃទី១៧ តុលានេះ ហើយអាជ្ញាធរខេត្តនិងក្រុងប៉ោយប៉ែតបានដឹកនាំកម្លាំងសមត្ថកិច្ចចម្រុះទាំងនគរបាលរដ្ឋបាល,នគរបាលព្រំដែននិងយោធារួមគ្នាចុះពិនិត្យនិងធ្វើការជម្លៀសពលរដ្ខរកទីទួលសុវត្ថិភាព។
លោកគាត ហ៊ុល អភិបាលនៃគណៈអភិបាលក្រុងប៉ោយប៉ែតបានឱ្យដឹងថា នៅព្រឹកនេះទឹកអូរព្រំដែនបានហក់ឡើងចូលភូមិពលរដ្ឋមួយចំនួននៅជាប់អូរព្រំដែន។
លោកបន្តថា ពេលនេះអាជ្ញាធរបានដឹកនាំសមត្ថកិច្ចចម្រុះចុះតាមគោលដៅដើម្បីជម្លៀសពលរដ្ឋទៅដាក់នៅទីទួលសុវត្ថិភាព៣កន្លែង ក្នុងក្រុងដោយ២កន្លែងនៅភូមិនិងសង្កាត់ប៉ោយប៉ែត គឺចំណុចប៉ុស្តិ៍អូរជ្រៅនៃនគរបាលការពារព្រំដែនគោកលេខ៨៩១មួយកន្លែងនៅចំណុចស្ថានីយ៍រថភ្លើងក្រុងប៉ោយប៉ែត និងមួយកន្លែងទៀតស្ថិតនៅចំណុចបូរីKNក្នុងភូមិគីឡូម៉ែត្រលេខ៤ សង្កាត់ផ្សារកណ្តាល។
ទោះជាយ៉ាងណា លោកបញ្ជាក់ថា ពុំមានកាបើកទឹកពីថៃទេគ្រាន់តែជាជំនន់ទឹកភ្លៀងតែប៉ុណ្ណោះ ។
ចែករំលែកព័តមាននេះ