រាជធានីភ្នំពេញ ៖ ក្នុងពេលដឹកនាំមន្ដ្រីជំនាញពាក់ព័ន្ធ និងអាជ្ញាធរមូលដ្ឋាន ចុះពិនិត្យស្ថានភាពតាមភូមិដ្ឋានរបស់ប្រជាពលរដ្ឋដែលត្រូវជំនន់ទឹកស្ទឹងព្រែកត្នោត វាយប្រហារកាលពីរសៀលថ្ងៃទី១៣ ខែតុលា លោក ឃួង ស្រេងអភិបាលរាជធានីភ្នំពេញ…
រាជធានីភ្នំពេញ ៖ ក្នុងពេលដឹកនាំមន្ដ្រីជំនាញពាក់ព័ន្ធ និងអាជ្ញាធរមូលដ្ឋាន ចុះពិនិត្យស្ថានភាពតាមភូមិដ្ឋានរបស់ប្រជាពលរដ្ឋដែលត្រូវជំនន់ទឹកស្ទឹងព្រែកត្នោត វាយប្រហារកាលពីរសៀលថ្ងៃទី១៣ ខែតុលា លោក ឃួង ស្រេងអភិបាលរាជធានីភ្នំពេញ បានអំពាវនាវដល់ប្រជាពលរដ្ឋដែលរស់នៅតាមសណ្ដរស្ទឹងព្រែកត្នោត ក្នុងមូលដ្ឋានខណ្ឌដង្កោ ឱ្យ ង្កើនការប្រុងប្រយ័ត្នខ្ពស់ ខណៈទឹកស្ទឹងព្រែកត្នោតកាន់តែហក់ឡើងខ្លាំង ងាយប្រឈមនឹងគ្រោះថ្នាក់កើតឡើងជាយថាហេតុ។
លោក ឃួង ស្រេង ក៏បានណែនាំឱ្យអភិបាលខណ្ឌដង្កោ ចុះចលនាប្រជាជនតាមភូមិ ចូលរួមលើកដីធ្វើជាទំនប់ទប់ទឹក នៅតាមសណ្ដរ ស្ទឹងព្រែកត្នោតនេះផងដែរ។ ជាពិសេសអ្នកមានដីតាមដងស្ទឹង ចូលរួមចែករំលែកជួយជាគ្រឿងចក្រ កាយដី ដើម្បីលើកជាទំនប់ ការពារទឹកហូរកុំឱ្យដល់ភូមិដ្ឋានផ្សេងទៀត ដូចជានៅខណ្ឌដង្កោ និងមួយផ្នែកទៀតនៅស្រុកកណ្តាលស្ទឹង ខេត្តកណ្តាល ។
សូមបញ្ជាក់ថា កាលពីថ្ងៃទី១៣ ខែតុលា ឆ្នាំ២០២០នេះ ប្រជាពលរដ្ឋចំនួន៧៧១គ្រួសារហើយ នៅខណ្ឌដង្កោ ដែលត្រូវទឹកជំនន់វាយប្រហារ។ ស្ថានភាពទឹកនៅទ្វារ ទំនប់អាងទឹក៧មករាព្រឹកនេះទឹក មានកម្ពស់៨,៨០ម៉ែត្រ ធៀបនឹងថ្ងៃម្សិលមិញមានការកើនឡើង ០,៤៥ម៉ែត្របន្ថែម លើសកម្ពស់ទឹកដែលឱ្យមានការប្រុងប្រយ័ត្ន ៧ម៉ែត្រ ធ្វើឲ្យកម្ពស់ទឹកក្នុងស្ទឹងឡើងជិតស្មើនឹងខ្នងទំនប់នៅតាមទីទំនាបមួយចំនួន៕
ចែករំលែកព័តមាននេះ