រាជធានីភ្នំពេញ ៖ ក្រសួងសុខាភិបាលបានប្រកាសបដិសេធ និងច្រានចោលទាំងស្រុងនូវព័ត៌មានមិនត្រឹមត្រូវរបស់គ្រូខ្មែរដែលបានបង្ហោះវីដេអូតាមហ្វេសប៊ុកឈ្មោះ Moha Share ពីការព្យាបាលជំងឺឈាមសស៊ីឈាមក្រហមជា100 %ដោយប្រើម្ជុលចាក់ម្រាមបាតដៃច្របាច់យកឈាមចេញ ។ ក្រសួងបានបញ្ជាក់ល្ងាចថ្ងៃទី០៩…
រាជធានីភ្នំពេញ ៖ ក្រសួងសុខាភិបាលបានប្រកាសបដិសេធ និងច្រានចោលទាំងស្រុងនូវព័ត៌មានមិនត្រឹមត្រូវរបស់គ្រូខ្មែរដែលបានបង្ហោះវីដេអូតាមហ្វេសប៊ុកឈ្មោះ Moha Share ពីការព្យាបាលជំងឺឈាមសស៊ីឈាមក្រហមជា100 %ដោយប្រើម្ជុលចាក់ម្រាមបាតដៃច្របាច់យកឈាមចេញ ។
ក្រសួងបានបញ្ជាក់ល្ងាចថ្ងៃទី០៩ ខែតុលា ឆ្នាំ២០២០នេះថា សុំបងប្អូនកុំជឿតាមគ្រូបែបនេះ ដែលអួតអាងថា ព្យាបាលជំងឺគ្រាប់ឈាមសស៊ីឈាមក្រហម នេះឲ្យសោះ ។ គណនេយ្យហ្វេសប៊ុកឈ្មោះ Moha Share រស់នៅភូមិព្រៃបន្ទាយ ឃុំស្វាយយា ស្រុកស្វាយជ្រំ ខេត្តស្វាយរៀង ដែលបានផ្សាយពីការព្យាបាលជំងឺឈាមសស៊ីឈាមក្រហមជា100 % ដោយប្រើម្ជុលចាក់ម្រាមបាតដៃច្របាច់យកឈាមចេញ ។
ក្រសួងសុខាភិបាល សូមឲ្យអាជ្ញាធរមានសមត្ថកិច្ចខេត្តស្វាយរៀងចាត់វិធានការយ៉ាងតឹងរឹង និងម៉ឺងម៉ាត់បំផុតចំពោះគ្រូបុរាណដែលមានគណនេយ្យហ្វេសប៊ុកឈ្មោះ Moha Share ទៅតាមផ្លូវច្បាប់ជាធរមាន ៕
ចែករំលែកព័តមាននេះ