អ្នកជិតខាងរាយការណ៍ នគរបាលប៉ុស្តិ៍រដ្ឋបាលតាខ្មៅ ចុះទៅឃើញកំពុងលេងល្បែង(បៀរ)
ខេត្តកណ្តាល ៖ នៅថ្ងៃទី០៨ តុលា ២០២០ ម្សិលមិញនេះ ប្រជាពលរដ្ឋ បានរាយការណ៍ករណីល្បែងស៊ីសង(បៀរ) ក្នុងហ្វេសប៊ុកផេក របស់ស្នងការដ្ឋាននគរបាលខេត្តកណ្ដាល…
ខេត្តកណ្តាល ៖ នៅថ្ងៃទី០៨ តុលា ២០២០ ម្សិលមិញនេះ ប្រជាពលរដ្ឋ បានរាយការណ៍ករណីល្បែងស៊ីសង(បៀរ) ក្នុងហ្វេសប៊ុកផេក របស់ស្នងការដ្ឋាននគរបាលខេត្តកណ្ដាល…
ខេត្តកណ្តាល ៖ នៅថ្ងៃទី០៨ តុលា ២០២០ ម្សិលមិញនេះ ប្រជាពលរដ្ឋ បានរាយការណ៍ករណីល្បែងស៊ីសង(បៀរ) ក្នុងហ្វេសប៊ុកផេក របស់ស្នងការដ្ឋាននគរបាលខេត្តកណ្ដាល ថា «មានការជុំគ្នាលេងល្បែងស៊ីសងជាយូរណាស់មកហើយ គេលេងរៀងរាល់ថ្ងៃ ប្រពន្ធឈ្មោះខេង ប្តីឈ្មោះខុម ទីតាំងស្ថិតនៅក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល (ផ្លូវចូលទល់មុខរោងចក្រឆេកូហៅរោងចក្រកង់ឡាន) ខ្ញុំសង្ឃឹមថា លោកស្នងការនឹងចុះមកបង្ក្រាប» ។
ក្រោយពីទទួលបានព័ត៌មានខាងលើនេះ ដោយមានការយកចិត្តទុកដាក់ពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្ត និងមានការចង្អុលបង្ហាញពីក្រុមការងារប្រតិកម្មរហ័ស នៃស្នងការដ្ឋាននគរបាលខេត្តកណ្តាល លោកអធិការនគរបាលក្រុងតាខ្មៅ បានចាត់ឲ្យកម្លាំងប៉ុស្តិ៍នគរបាលរដ្ឋបាលតាខ្មៅ ចុះស្រាវជ្រាវទៅដល់ទីតាំង ដូចដែលបានរាយការណ៍ បានជួបជាមួយម្ចាស់ផ្ទះឈ្មោះ ស៊ីវ ខេង ភេទស្រី អាយុ៤៨ឆ្នាំ ហើយពិនិត្យឃើញថាពិតជាមានការលួចលាក់ ផ្តល់ទីតាំងលេងល្បែងស៊ីសង(បៀរ) ពិតប្រាកដមែន ។
ខណៈពេលកម្លាំងប៉ុស្តិ៍នគរបាលរដ្ឋបាលតាខ្មៅ ចុះទៅជាក់ស្តែង ឃើញមានស្រីចំនួន៤នាក់ ដែលជាអ្នកស្នាក់នៅបន្ទប់ជួលជិតនោះ រួមទាំងម្ចាស់ផ្ទះឈ្មោះ ស៊ីវ ខេង កំពុងលេង(បៀរ)ផងដែរ ។ បន្ទាប់មកកម្លាំងប៉ុស្តិ៍ បាននាំឈ្មោះ ស៊ីវ ខេង មកធ្វើកិច្ចសន្យាបញ្ឈប់សកម្មភាពលួចលាក់ផ្តល់ទីតាំង និងប្រព្រឹត្តល្បែងស៊ីសងគ្រប់ប្រភេទ ចាប់ពីថ្ងៃធ្វើកិច្ចសន្យានេះតទៅ ។ ប្រសិនថ្ងៃក្រោយ នៅតែប្រព្រឹត្តទៀត នឹងមានវិធានការទៅតាមនីតិវិធី ៕
ចែករំលែកព័តមាននេះ