គូឡាឡាំពួរ ៖ មន្ត្រីព្រះបរមរាជវាំងមួយរូប បាននិយាយនៅថ្ងៃសុក្រ ទី២៥ ខែកញ្ញានេះថា ព្រះមហាក្សត្រម៉ាឡេស៊ី ព្រះចៅ ស៊ុលតង់ អាប់ឌុលឡាហ៍…
គូឡាឡាំពួរ ៖ មន្ត្រីព្រះបរមរាជវាំងមួយរូប បាននិយាយនៅថ្ងៃសុក្រ ទី២៥ ខែកញ្ញានេះថា ព្រះមហាក្សត្រម៉ាឡេស៊ី ព្រះចៅ ស៊ុលតង់ អាប់ឌុលឡាហ៍ (Sultan Abdullah) ទ្រង់មិនរាជានុញ្ញាតឲ្យនរណាម្នាក់ចូលគាល់ទេ ក្នុងរយៈពេលមួយសប្តាហ៍ ពិសេសអ្នកនយោបាយ ខណៈដែលទ្រង់កំពុងស្ថិតនៅក្រោមការត្រួតពិនិត្យសុខភាពនៅមន្ទីរពេទ្យ នេះបើតាមការចុះផ្សាយរបស់សារព័ត៌មាន Channel News Asia ។
លោក អាន់វ៉ា អ៊ីប្រាហ៊ីម (Anwar Ibrahim) បាននិយាយនៅសប្តាហ៍នេះថា លោកបានទទួលសំឡេងភាគច្រើនពីសមាជិកនៅក្នុងរដ្ឋសភា ដើម្បីទម្លាក់នាយករដ្ឋមន្ត្រី មូហ៊ីឌីន យ៉ាស៊ីន (Muhyiddin Yassin) ដែលកំពុងកាន់អំណាចបច្ចុប្បន្ននេះ។ ប៉ុន្តែលោក អាន់វ៉ា អ៊ីប្រាហ៊ីម ត្រូវតែទូលព្រះមហាក្សត្រជាមុនសិន ប្រសិនបើពិតជាបានទទួលបានសំឡេងគ្រប់គ្រាន់មែន ទើបលោកអាចបង្កើតរដ្ឋាភិបាលថ្មីបាន ។
ភាពវឹកវរនយោបាយនៅម៉ាឡេស៊ី បានកើតឡើងជាថ្មី បន្ទាប់ពីលោក មូហ៊ីឌីន យ៉ាស៊ីន ឡើងកាន់តំណែងជានាយករដ្ឋមន្ត្រី អស់រយៈពេល ៧ខែ មកហើយ ដើម្បីធ្វើឲ្យស្ថិរភាពសេដ្ឋកិច្ចដែលកំពុងរងផលប៉ះពាល់ ដោយសារជំងឺឆ្លងរាតត្បាត អោយងើបឡើងវិញ ។
លោកនាយករដ្ឋមន្ត្រីកំពុងកាន់អំណាចបច្ចុប្បន្ននេះ ដែលមានសំឡេងគាំទ្រភាគតិច នៅក្នុងរដ្ឋសភា បានច្រានចោលការអះអាងរបស់លោក អាន់វ៉ា អ៊ីប្រាហ៊ីម ដែលមានសំឡេងគាំទ្រភាគច្រើន ដោយលោក មូហ៊ីឌីន យ៉ាស៊ីន បានជំទាស់ និងទាមទារអោយបង្ហាញភស្តុតាង តាមរយៈដំណើរការ នៃរដ្ឋធម្មនុញ្ញ របស់ប្រទេសម៉ាឡេស៊ី ៕
ចែករំលែកព័តមាននេះ