ភ្ញៀវទេសចរកើនឡើងច្រើន តែ​ហាក់ដូចភ្លេចពីសុវត្ថិភាព​ខ្លួន


ខេត្តកំពង់ឆ្នាំង ៖ ​រយៈពេល​ឈប់​សម្រាក៣ថ្ងៃ​ គឺ​ចាប់ពី​ថ្ងៃ​១៦​កញ្ញា ដល់​ថ្ងៃ​ទី​១៨ ខែ​កញ្ញា ឆ្នាំ​២០២០ ​ក្នុង​ឱកាស​បុណ្យកាន់បិណ្ឌភ្ជុំបិណ្ឌ​ប្រពៃណី​ជាតិ​នេះ ខេត្តកំពង់ឆ្នាំង​ទទួលបាន​​ភ្ញៀវ​ទេសចរ​ទៅ​លេង​កម្សាន្ត​នៅ​រមណីយដ្ឋាន​នានា​ មាន​ចំនួន​ជាង​៨​ម៉ឺន​នាក់ ដែលចំនួននេះ គឺបាន​កើនឡើង​ប្រមាណ៣១,១៧% ។ នេះ​បើ​តាម​របាយការណ៍​របស់​មន្ទីរ​ទេ​ចរណ៍​ខេត្ត ដែល​បាន​ស្រង់​ទិន្នន័យ​ពី​តាម​បណ្តា​តំបន់​ទេសចរណ៍ ទាំង​១៨​កន្លែង ក្នុង​ខេត្តកំពង់ឆ្នាំង ។

លោក សេង សាលី ប្រធាន​មន្ទីរ​ទេសចរណ៍​ខេត្តកំពង់ឆ្នាំងបាន​បញ្ជាក់​ថា​៖ ក្នុង​រយៈ​ពេល​​៣​ថ្ងៃ ក្នុង​ថ្ងៃ​ឈប់​សម្រាក​បុណ្យ​ភ្ជុំបិណ្ឌ​ ពី​ថ្ងៃ​ទី​១៦​ដល់​១៨ ខែកញ្ញា ភ្ញៀវ​ទេ​ចរ​បាន​​ទៅ​កំសាន្ត​នៅរ​ម្មណី​ដ្ឋា​ន នានា​មាន​ចំនួន៨៥.៥៩៧​នាក់ ក្នុង​នោះ ​ជនបរទេស​មាន​ចំនួន​១១​នាក់ គឺ​បាន​កើនឡើង​៩.៣៨៦​នាក់ ស្មើនឹង​៣១,១៧% ។

សម្រាប់​ខេត្តកំពង់​ឆ្នាំង​​មានរ​មណីយដ្ឋា​ន​សរុប​១៨​កន្លែង ក្នុង​នោះ ​ភ្ញៀវ​ដែល​ចូល​ចិត្ត​ទៅ​លេង​កំសាន្ត​ច្រើន​ជាងគេ​ គឺ​មាន​រមណីយដ្ឋាន​ដែល​មាន​ទឹកធ្លាក់​ធម្មជាតិ ដូច​ជា
រមណីយ​ដ្ឋា​ន​ទឹកធ្លាក់​ស្រែ​អំពិល រ​មណីយ​ដ្ឋា​ន​ទឹកធ្លាក់​ថ្ម​ក្រាល និងរ​មណីយ​​ដ្ឋា​ន​ទឹក​អន្លុង​ស្វាយ ។ រមណីយ​ដ្ឋា​ន​ធម្មជាតិ​ទាំង​៣​កន្លែង​នេះ ​ស្ថិត​ក្នុងស្រុក​ទឹកផុស ។ បន្ទាប់​មក​ ។

មានរ​មណីយ​​ដ្ឋា​ន​កែ​ច្នៃ គឺជា​ធារាសាស្ត្រ​ស្ទាក់​យក​ទឹក សម្រាប់​បង្ក​​បង្កើន​ផល​ជា​ដើម មាន​ដូច​ជារ​ម្មណី​យ៍​ដ្ឋា​ន ទំនប់​គង្គារ ,​ទំនប់​២០​ឧសភា​, និង​ធា​រា​សាស្ត្រា​អា​ចាង​ជាដើម , ចំណែករ​ម្មណី​យ​ដ្ឋា​ន​ប្រវត្តិសាស្ត្រ​មាន​ដូច​ជា ភ្នំ​ព្រះ​ធាតុ​, វត្ត​ត្រឡែងកែង​(​លង្វែក​), វត្ត​ពោធិ​រុក្ខ​រាម​, និង​ភ្នំ​ក​ង្រី​ជាដើម ។

លោក សេង សាលី ក៍បាន​សំណូមពរ​ដល់​បងប្អូន​ប្រជាពលរដ្ឋ ភ្ញៀវ​ទេសចរទាំងអស់ ដែល​ទៅ​លេង​កម្សាន្ត​នៅ​តាម​បណ្ដា​រមណីយដ្ឋាន​នានា សូម​ចូលរួម​អនុវត្ត​តាម​ការ​ណែនាំ​របស់​ក្រសួងសុខាភិបាល ដើម្បី​ការពារ ជំងឺ​កូ​វីដ​-១៩ ដោយ​ត្រូវ​នៅ​គម្លាត​​ឆ្ងាយ​ពី​គ្នា ត្រូវ​លាងដៃ​នឹង​សាប៊ូ អាកុល​ ឬ​ជែ​ល និង​ត្រូវ​ពាក់​ម៉ាស់​ទាំងអស់​គ្នា​។ សូម​ចូលរួម​ថែរក្សារ​អនាម័យ បរិស្ថាន​អោយ​បាន​ល្អ ក្នុង​នោះ​ការ​ហូប​ចុក ត្រូវ​វេច​ខ្ចប់​សំរាម ដាក់​តាម​ធុងសម្រាម ឫ​វេច​ខ្ចប់​ដាក់​ឱ្យ​បាន​ត្រឹមត្រូវ ងាយ​ក្រុមការងារ ប្រមូល​សម្រាម យក​ទៅ​ដាក់​តាម​ធុងសម្រាម ។

អ្វី​ជា​ការ​កត់សម្គាល់​ គឺ​ភ្ញៀវ​ទេសចរ ពិតជា​មានការ​កើនឡើង​ពិតមែន ទោះ​ស្ថិត​ក្នុង​សម័យកូ​វីត​១៩​យ៉ាងណា​ក្តី ប៉ុន្តែ​ពួក​គាត់​ហាក់​សន្តិភាព​និយម​ខ្លាំង រហូត​ភ្លេច​ពី​សុវត្ថិ
ភាព​របស់​ខ្លួន ។​ ជាក់ស្តែង ស្ទើ​រគ្រប់រមណីយ​ដ្ឋា​ន ​ដែល​ពួក​គាត់​បាន​ទៅ​លេង​កំសាន្ត​ទាំងអស់ ពុំ​សូវ​ឃើញ​មាន​អ្នក​ពាក់​ម៉ាស់​ការពារ​នោះ​ឡើយ លើស​ពី​នេះ​ទៀត ពួក​គាត់​បាន​ប្រមូលផ្តុំ​នៅ​កៀក​គ្នា ហើយ​កន្លែង​ខ្លះ​មាន​ដល់​ប្រជ្រៀត​គ្នា​ទៀត​ផង ។

​ទាំង​អស់នេះ​ ជា​ការ​ខុស​ទៅ​នឹង​សេចក្តីណែនាំ​របស់​ក្រសួងសុខាភិបាល និង​សេចក្តី​ជូន​ដំណឹង​របស់រាជរដ្ឋាភិបាលដែល​ត្រូវ​មាន​គម្លាត​ពី​គ្នា សូ​ម្បី​តែ​សិស្ស​ចូល​រៀន ក៏​​ត្រូវ​ចែកពេល​គ្នា​រៀន​ដែរ​៕​

Facebook Google Twitter Email

Live

Sponsored News

១១:២៩ | ក្នុងស្រុក

ក្រុមហ៊ុន KB Kookmin Card និង ធនាគារឯកទេស ខេប៊ី ដេហាន ម.ក ឧបត្ថម្ភថវិកាចំនួន ១០ម៉ឺនដុល្លារ ដើម្បីផ្ដល់អាហារូបករណ៍ និងគាំទ្រគម្រោងកែលម្អហេដ្ឋារចនាសម្ព័ន្ធក្នុងខេត្តកំពង់ធំ

ការស្ទង់មតិគេហទំព័រថ្មី




សូម​អរគុណ