ហ្គ្រេន ភ្នំពេញ ស៊ីធី នឹងប្តូរអាងស្តុកទឹកសម្រាប់ស្រោចស្រពទីលានវាយកូនហ្គោល ទៅជាឧទ្យាន Central Park បៃតងដ៏ធំជាងគេ !
4 ឆ្នាំ មុន
ភ្នំពេញ
រាជធានីភ្នំពេញ ៖ ហ្គ្រេន ភ្នំពេញ ស៊ីធី នឹងផ្លាស់ប្តូរមុខមាត់អាងស្តុកទឹកបណ្តោះអាសន្នដែលធ្លាប់ត្រូវបានប្រើប្រាស់សម្រាប់ស្រោចស្រពទីលានវាយកូនហ្គោល ឱ្យប្រែក្លាយមុខមាត់ទៅជាឧទ្យានធម្មជាតិ Central Park ពណ៌បៃតងធំជាងគេនៅក្នុងរាជធានីភ្នំពេញ…
រាជធានីភ្នំពេញ ៖ ហ្គ្រេន ភ្នំពេញ ស៊ីធី នឹងផ្លាស់ប្តូរមុខមាត់អាងស្តុកទឹកបណ្តោះអាសន្នដែលធ្លាប់ត្រូវបានប្រើប្រាស់សម្រាប់ស្រោចស្រពទីលានវាយកូនហ្គោល ឱ្យប្រែក្លាយមុខមាត់ទៅជាឧទ្យានធម្មជាតិ Central Park ពណ៌បៃតងធំជាងគេនៅក្នុងរាជធានីភ្នំពេញ ដែលនឹងផ្តល់នូវខ្យល់អាកាសបរិសុទ្ធ ព្រមទាំងមានដើមឈើធំៗ ភាពបៃតង និងភាពស្រស់ស្រាយនៃធម្មជាតិពេញ ៣៦៥ថ្ងៃ ។
ឧទ្យាន Central Park នៃគម្រោង Chip Mong Grand Phnom Penh ជាលំហបៃតងដែលនឹងនៅស្ថិតស្ថេរជាដ៏រាបដើម្បីបម្រើប្រយោជន៍រួមនៃសហគមន៍អ្នកដែលរស់នៅក្នុង និងនៅជុំវិញគម្រោង ហ្រ្គេន ភ្នំពេញ ស៊ីធី ។ ឧទ្យាននេះនឹងមានផ្តល់ដល់សហគមន៍នូវទីកន្លែងដ៏ប្រពៃ សម្រាប់ការលំហែកម្សាន្តលក្ខណៈគ្រួសារ ទីធ្លារត់លេងសម្រាប់កុមារ ហើយ ក៏ជាកន្លែងហាត់ប្រាណដ៏សម្បួរបែប និងលេងកីឡាសម្រាប់មនុស្សប្រុសស្រី ចាស់ក្មេង ប្រកបដោយសុវត្ថិភាព និងផាសុកភាព ជាលក្ខណៈបុគ្គល និងជាលក្ខណៈក្រុម ។
ជាងនេះទៅទៀត ឧទ្យាន Central Park មានវាលស្មៅពណ៌បៃតងដែលគ្រប់ដណ្តប់លើផ្ទៃដីដ៏ធំ រួមជាមួយដើមឈើធំៗ ដែលជាម្លប់ដ៏ត្រឈឹង ត្រឈៃដែលអាចអនុញ្ញាតឲ្យអ្នករស់នៅក្នុង សហគមន៍ អាចសម្រាកលំហែកាយ រំសាយអារម្មណ៍ និងអាចកំសាន្តបែប ពិកនិចបាន ប្រកបដោយភាពស្ងប់ស្ងាត់ ស្រស់ស្រាយ និងឯកជន ។
ចែករំលែកព័តមាននេះ