ខេត្តកំពង់ធំ ៖ ក្រោយពីក្រសួងអប់រំបានអនុញ្ញតិឲ្យសិស្សានុសិស្សបានចូលរៀនឡើងវិញបន្ទាប់ពីអាក់ខានមួយរយៈ ដោយសារការរីករាលដាលជំងឺកូវីដ១៩នោះ នារសៀលថ្ងៃទី១១ ខែកញ្ញា ឆ្នាំ២០២០ ដែលជាថ្ងៃចុងសប្ដាហ៍នោះ លោក ជា…
ខេត្តកំពង់ធំ ៖ ក្រោយពីក្រសួងអប់រំបានអនុញ្ញតិឲ្យសិស្សានុសិស្សបានចូលរៀនឡើងវិញបន្ទាប់ពីអាក់ខានមួយរយៈ ដោយសារការរីករាលដាលជំងឺកូវីដ១៩នោះ នារសៀលថ្ងៃទី១១ ខែកញ្ញា ឆ្នាំ២០២០ ដែលជាថ្ងៃចុងសប្ដាហ៍នោះ លោក ជា ចាន់តូ សមាជិកអចិន្ត្រៃយ៍គណៈកម្មាធិការកណ្ដាល គណបក្សប្រជាជនកម្ពុជា និងប្រធានក្រុមការងារថ្នាក់ជាតិចុះជួយស្រុកសន្ទុក បានចុះពិនិត្យមើលការធ្វើអនាម័យតាមថ្នាក់រៀនរបស់សិស្សានុសិស្សនៅវិទ្យាល័យតាំងក្រសាំង ស្រុកសន្ទុក ខេត្តកំពង់ធំ។
នៅក្នុងឱកាសនោះ លោក ជា ចាន់តូ បានក្រើនរំលឹកលោកគ្រូ អ្នកគ្រូឲ្យបង្កើនការប្រុងប្រយ័ត្នខ្ពស់ថែមទៀត ក្នុងការការពារជំងឺកូវីដ១៩ ទោះបីជាកម្ពុជាគ្មានអ្នកឆ្លងថ្មី និងអ្នកដែលសម្រាកព្យាបាលបានជាសះស្បោយអស់ក៏ដោយ។
លោកបន្តទៀតថា នៅក្នុងឱកាសនៃការបើកឲ្យសិស្សានុសិស្សចូលរៀនជាថ្មីវិញនេះបញ្ហាចំពោះ មុខលោកគ្រូ អ្នកគ្រូទាំងអស់ត្រូវយកចិត្តទុកដាក់មុនបង្អស់ គឺធ្វើអនាម័យតាមថ្នាក់រៀននីមួយៗឲ្យបានល្អ និងត្រូវរៀបចំតុសម្រាប់សិស្សរៀនឲ្យបានត្រឹមត្រូវស្របតាមការណែនាំរបស់ក្រសួងសុខាភិបាល និងការណែនាំក្រសួងអប់រំដែលជាអាណាព្យាបាល ពិសេសគឺការរក្សាគម្លាតសង្គម ទើបការសិក្សាមានសុវត្ថិភាព និងរួចផុតពីការឆ្លងជំងឺកូវីដ១៩។
ទន្ទឹមនឹងនេះ ក៏គប្បីត្រូវយកចិត្តទុកដាក់បង្ហាត់បង្រៀនបំប៉នដល់សិស្សថ្នាក់ទី៩ និងថ្នាក់ទី១២ ដែលត្រូវប្រឡងនៅពេលខាងមុខ ដើម្បីឲ្យការប្រឡងរបស់ពួកគេទទួលបានលទ្ធផលល្អគ្រប់ៗគ្នា។
នៅក្នុងខណៈនោះដែរ លោក ជា ចាន់តូ បានជម្រុញដល់សិស្សនារីដែលជាក្រុមកីឡាបាល់ទាត់នារីអាយុក្រោម១៩ឆ្នាំ U19 កំពុងហ្វឹកហាត់នោះឲ្យយកចិត្តទុកដាក់ខិតខំប្រឹងប្រែងរៀនសូត្រ ព្រោះកីឡាគ្រាន់ជាផ្នែកមួយនៃការអប់រំ និងដើម្បីកាយសម្បទារឲ្យមាំមួនមានសុខភាពល្អតែប៉ុណ្ណោះ។
សូមបញ្ជាក់ថា ក្រុមកីឡាបាល់ទាត់នារីអាយុក្រោម១៩ឆ្នាំ (U19) របស់វិទ្យាល័យតាំងក្រសាំងនេះ កន្លងមក ធ្លាប់បានទទួលបានចំណាត់ថ្នាក់ល្អជាបន្តបន្ទាប់ និងចំណាត់លេខ១ នាពេលថ្មីៗនេះកម្រិតថ្នាក់ខេត្តទៀតផង៕ ដោយសហការ
ចែករំលែកព័តមាននេះ