តាមកត់សម្គាល់…តាំងតែពីរដ្ឋចាប់ផ្តើមបិទមុខរបរសេវាកម្មកំសាន្តទាំងឡាយ…ដែលមានក្នុងម៉ាស៊ីនត្រជាក់ដល់សរសៃ…មានខារ៉ាអូខេ…មានក្លិបរាត្រីឌីស្កូតែកជាដើម ។ល។
…៤-៥ខែកន្លងមក…អាណិតណាស់ជាងគេគឺនារីៗបំរើសេវាកម្ម…ដែលត្រូវការចំណាយលើឈ្នួលផ្ទះ…ចំណាយការហូបចុកប្រចាំថ្ងៃ…ចំណាយការជួយដល់ក្រុមគ្រួសារសាច់
ញាតិ…តាំងពីបិទជិតមក…ទឹកភ្នែកអត់ល្ហែឡើយ ។
ប៉ុន្តែក្រោយពីយល់ព្រមឱ្យបើកវិញ…ដោយឱ្យកែពីក្លិបកៀកកើយស្អំ…មកភោជនីយដ្ឋានវិញ…ដែលហាងខ្លះបន្លំបើក «មិនកែ»…ឃើញមាននារីៗអ្នកបំរើសេវាកម្មរាត្រី…មួយក្លិបៗរាប់រយនាក់…ពេញទៅដោយសម្រស់ឆើតឆាយ…លើកគ្នាចូលមកធ្វើការ…តាមជំនាញរៀងៗខ្លួន…នឹកថានឹងបានរស់ឡើងវិញ ។
តាមពិតទៅ…មិនមែនថៅកែជួលនាងៗមកធ្វើការទេ…ថៅកែគ្មានប្រាក់ឈ្នួលជូននាងៗទេ…គឺនាងៗស្ម័គ្រចិត្តយកពេលវេលា…យកសម្រស់…យកកម្លាំងពលកម្មមកជួយបំរើភ្ញៀវដោយគ្មានលក្ខ័ណ…គឺពួកនាងៗមកជួយបំរើ…ជួយនែបនិត្យអូសទាញភ្ញៀវ…ស្ទាវក៏មាន តាតាក៏មាន…ដើម្បីគ្រាន់បានប្រាក់ «ធីប» តែប៉ុណ្ណោះ ។
ប្រាក់ធីបនេះហើយ…មានតម្លៃណាស់សម្រាប់នាងៗ…នាងមិនដែលប្រកែកទេ…ក្នុងក្លិបរាត្រីដ៏សែនមនោរម្យដោយភ្លើងពណ៌ដ៏ស្រទន់…ទុកឱកាសឱ្យបុរសចាស់ស្ទាវ…តាតាដាច់យ៉ៃទាំងឡាយ…បញ្ចេញមនោសញ្ចេតនាតាមបំណង ឬតាមចង់…ដើម្បីបានប្រាក់ «ធីប» ទប់ជាមួយចំហាយអាកូវីដតែប៉ុណ្ណោះ…បើចិត្តល្អម្លឹងៗ តើឱ្យខានអាណិតម៉េចកើតទៅ ? តើឱ្យខានជួយឧបត្ថម្ភម៉េចបានទៅ ?…អាណិតជាងគេគឺនាងៗដែលចិត្តល្អ ។
ទោះជាត្រូវតែ «ជួយអាណីត» ជួយចូលរួមភាពខ្លោចផ្សារ យ៉ាងណាក៏ដោយ…គួរតែគិតទៅដល់ការភ័យខ្លាចនៃការរីករាលដាលមេរោគកូវីដ…ព្រោះការប្រមូលផ្តុំ…ការនែបនិត្យ ឱបរិតយ៉ាងពពាក់ពពូន…ផ្ទុយពីចូលរួមការពារសុខភាពរួម…ជាបទល្មើសធំណាស់សម្រាប់សង្គម ។ គួរនាំគ្នារង់ចាំអស់កូវីដសិន…យ៉ាងយូរមួយឆ្នាំទៀត…ចាំនាំគ្នាស្តារដើមឱ្យណាណីទាំងអស់គ្នា សម្រាប់អ្នកសប្បាយ…ក៏មិនយូរប៉ុន្មានដែរ…ទ្រាំអត់សិនទៅ ។
មានមតិខ្លះថា…គួរកុំខានជួយដល់នាងៗផង…កុំជួយក្នុងឱកាសពពាក់ពពូន…គួរជួយស្ងាត់ៗតែគ្នា២នាក់ទៅបានហើយ…ស្ងាត់ៗកាន់តែប្រសើរ…នោះហើយហៅថាជួយគ្នាក្នុងគ្រាកូវីដ…ដែលយើងគិតថា នាងៗជាដៃគូមិនប្រកែកឡើយ…ហេ !ហេ!
ចែករំលែកព័តមាននេះ