ខេត្តបន្ទាយមានជ័យ ៖ កម្លាំងមូលដ្ឋានកងរាជអាវុធហត្ថក្រុងប៉ោយប៉ែតបានចាប់ឃាត់ខ្លួននារីម្នាក់បញ្ជូនទៅសាលាដំបូងខេត្ត កាលពីថ្ងៃទី៣ ខែកញ្ញា ឆ្នាំ២០២០ ពីបទហិង្សាដោយប្រើកូនកាំបិតចាក់ឪពុកមាសាច់ថ្លៃបណ្តាលឲ្យរងរបួសធ្ងន់ និងបានស្លាប់ពេលបញ្ជូនទៅកាន់មន្ទីរពេទ្យ ។ លោកវរសេនីយ៍ត្រី…
ខេត្តបន្ទាយមានជ័យ ៖ កម្លាំងមូលដ្ឋានកងរាជអាវុធហត្ថក្រុងប៉ោយប៉ែតបានចាប់ឃាត់
ខ្លួននារីម្នាក់បញ្ជូនទៅសាលាដំបូងខេត្ត កាលពីថ្ងៃទី៣ ខែកញ្ញា ឆ្នាំ២០២០ ពីបទហិង្សាដោយប្រើកូនកាំបិតចាក់ឪពុកមាសាច់ថ្លៃបណ្តាលឲ្យរងរបួសធ្ងន់ និងបានស្លាប់ពេលបញ្ជូនទៅកាន់មន្ទីរពេទ្យ ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត
បានឲ្យដឹងថា ករណីហិង្សានេះបានកើតឡើងកាលពីវេលាម៉ោងប្រមាណ៨និង៣០នាទីយប់ ថ្ងៃទី៣១ ខែសីហា ឆ្នាំ២០២០ នៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ។
លោកឲ្យដឹងទៀតថា មុនពេលកើតហេតុបុរសឈ្មោះ កិះ អាយុ៥៣ឆ្នាំ នៅភូមិក្បាល
ស្ពាន២ សង្កាត់ប៉ោយប៉ែត ក្រុងប៉ោយប៉ែតខណៈមកពីផឹកស្រាស្រវឹង បានជេរប្រមាថ និងវាយទៅលើប្រពន្ធរបស់ខ្លួនឈ្មោះ ពេជ្រ សុភាព អាយុ៤៩ឆ្នាំ ។
ពេលឃើញដូច្នេះ ក្មួយស្រីឈ្មោះជិន ណារី អាយុ២២ឆ្នាំ ទើបមកពីធ្វើការដល់ផ្ទះ ក៏ចូលទៅឃាត់និងក្លាយទៅជាការឈ្លោះប្រវាយប្រតប់គ្នាជាមួយឈ្មោះ កិះ ដែលជាឪពុកមាសាច់ថ្លៃនេះ ។ ពេលនោះ នាង ជិន ណារី បានយកកាំបិតចិតបន្លែចាក់ទៅលើឈ្មោះកិះ បណ្ដាលឱ្យរងរបួសជាទម្ងន់ និងបានស្លាប់ពេលបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ជប៉ុន មង្គលបុរី ។
លុះមកដល់ថ្ងៃទី២ ខែកញ្ញា ឆ្នាំ២០២០ ស្ត្រីឈ្មោះ ពេជ្រ សុភាព ជាម្តាយមីង និងជាប្រពន្ធអ្នកស្លាប់ បានដាក់ប្តឹងក្មួយស្រីឈ្មោះ ជិន ណារី នៅមូលដ្ឋានកងរាជអាវុធហត្ថក្រុងប៉ោយប៉ែត ពីបទហិង្សា ហើយសមត្ថកិច្ចក៏បានចាប់ឃាត់ខ្លួន។
លោកមេបញ្ជាការបានបញ្ជាក់ថា ក្រោយពីត្រូវចាប់ឃាត់ខ្លួន នាង ជិន ណារី បានសារភាពថា នាងពិតជាបានយកកូនកាំបិតចិតបន្លែ ចាក់ឪពុកមាសាច់ថ្លៃបណ្ដាលឱ្យរងរបួសធ្ងន់រហូតដល់ស្លាប់ប្រាកដមែន ដោយសារឃើញឪពុកមារូបនេះ តែងតែប្រើហិង្សាមកលើម្តាយមីងរបស់នាងស្ទើររាល់ថ្ងៃ ។ ដោយផ្អែកលើចម្លើយសារភាព និងបណ្ដឹងរបស់ស្ត្រីប្រពន្ធជនរងគ្រោះ រួមទាំងមានវត្ថុតាងជាក់លាក់ ស្ត្រីឈ្មោះជិន ណារី ត្រូវបានកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ