រាជធានីភ្នំពេញ ៖ ទឹកក្រូចអាយស៍ IZE ដែលជាដៃគូសហការឧបត្ថម្ភដល់កម្មវិធី «សិល្បៈស្រុកយើង» បានត្រៀមរង្វាន់ជាច្រើនសម្រាប់អ្នកទស្សនា ដូចជាការលេងហ្គេមបាញ់ព្រួញមួយបានសត្វពីរជាដើម ដើម្បីបង្កើតឱកាសឈ្នះវត្ថុអនុស្សាវរីយ៍ ពេលអញ្ជើញមកទស្សនាការសម្តែងសិល្បៈខ្មែរ នៅថ្ងៃអាទិត្យ ទី ៣០ខែសីហា ឆ្នាំ ២០២០ ពីវេលាម៉ោង ៥ ដល់ម៉ោង ៧:៣០ល្ងាច ក្នុងមណ្ឌលផ្សារទំនើប ជីប ម៉ុង ណូរ៉ូ ម៉ល ។
ទស្សនីយភាពនៃ «សិល្បៈស្រុកយើង» សម្រាប់ចុងខែសីហានេះ នឹងបង្ហាញជូនដោយក្រុមសិល្បករ Epic Arts និងតារាចម្រៀងប្រពៃណីដែលនឹងផ្តល់បរិយាកាសដ៏រំភើបរីករាយជាក់ជាមិនខាន ។ កម្មវិធី «សិល្បៈស្រុកយើង» នឹងបើកឲ្យចូលទស្សនាដោយសេរី ព្រមទាំងមានលេងហ្គេមដើម្បីឈ្នះរង្វាន់ពីទឹកក្រូចអាយស៍ ចាប់ពីវេលាម៉ោង ១ថ្ងៃត្រង់តទៅ ។ រង្វាន់ដែលនឹងត្រៀមផ្តល់ជូនរួមមាន ៖ ទឹកក្រូចអាយស៍ IZE រាប់រយដប កាតាបអាយស៍ IZE ដ៏ស្រស់ស្អាត កែវទឹក និងអាវយឺតជាច្រើនរង្វាន់ ។
គួរបញ្ជាក់ថា កម្មវិធី «សិល្បៈស្រុកយើង» ធ្វើឡើងដើម្បីលើកស្ទួយសិល្បៈខ្មែរ ដោយមានការសម្ដែងរៀងរាល់ថ្ងៃអាទិត្យចុងខែ នៅមណ្ឌលផ្សារទំនើប ជីប ម៉ុង ណូរ៉ូ ម៉ល ពីម៉ោង ៥ ដល់ម៉ោង ៧:៣០ល្ងាច ៕ អត្ថបទសហការ
ចែករំលែកព័តមាននេះ