នូវែលហ្សេឡង់ ៖ ក្រុមមន្ត្រីសុខាភិបាលប្រទេសនូវែលហ្សេឡង់ បាននិយាយកាលពីថ្ងៃពុធថា ការផ្ទុះចង្កោមវីរុសកូវីដ១៩ នៅទីក្រុង Auckland បានកើនឡើងដល់ ១៧ករណី។
ប្រធានសុខាភិបាលជាតិលោក Ashley Bloomfield បាននិយាយថា មានអ្នកឆ្លងថ្មីចំនួន ១៣នាក់ ដែលទាំងអស់ត្រូវបានផ្សារភ្ជាប់ទៅនឹងសមាជិកគ្រួសារបួននាក់ ដែលត្រូវបានរកឃើញកាលពីថ្ងៃអង្គារ៍។
ប៉ូលីសបានជួយអនុវត្តការចាក់សោររយៈពេល៣ថ្ងៃនៅក្នុងទីក្រុង Auckland ចាប់តាំងពីពេលថ្ងៃត្រង់ថ្ងៃពុធ នៅពេលដែលក្រុមបុគ្គលិកសុខាភិបាលបាននាំគ្នារត់ទៅរកប្រភពដើមនៃចង្កោម និងបង្កើនការធ្វើតេស្តនៅក្នុងទីក្រុង។
Bloomfield បាននិយាយថា ក្នុងចំណោមករណីថ្មីៗ នេះគឺជាសិស្សនៅវិទ្យាល័យធំបំផុតមួយនៃប្រទេសនូវែលហ្សេឡង់ ដែលចូលរួមដោយសិស្សជាង ៣,០០០នាក់។
លោកស្រីនាយករដ្ឋមន្ត្រី Jacinda Ardern បាននិយាយថា មានករណីជាច្រើនទៀតដែលជាប់ទាក់ទងនឹងការកើនឡើងថ្មីៗនេះ។ លោកស្រីបាននិយាយនៅក្នុងសុន្ទរកថាតាមទូរទស្សន៍ថា៖ «ដូចដែលយើងទាំងអស់គ្នាបានរៀនជាមួយនឹងបទពិសោធន៍ដំបូងរបស់យើងជាមួយកូវីដ១៩ នៅពេលណាដែលយើងខំកំណត់ប្រភពឆ្លង ករណីនឹងមានការកើនឡើងមុននឹងពេលវាចុះ»។
ទោះបីជាប្រទេសនូវែលហ្សេឡង់ ទទួលបានជោគជ័យក្នុងការផ្ទុកវីរុសនេះដោយមានមនុស្សតែ ២២នាក់បានបាត់បង់ជីវិត ក្នុងចំនួនប្រជាជន ៥លាននាក់ក៏ដោយ ក៏លោក Bloomfield បាននិយាយថា អាជ្ញាធរសុខាភិបាលតែងតែរំពឹងថា នឹងមានការវិលត្រឡប់បែបនេះ សូម្បីតែវាបានធ្វើឱ្យមនុស្សមួយចំនួនភ្ញាក់ផ្អើលក៏ដោយ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ