ខេត្ដព្រះសីហនុ ៖ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ដ បានជ្រើសរើសយកទីតាំងវត្ដអូរត្រេះ ស្ថិត នៅក្នុងភូមិអូរត្រេះចាស់ សង្កាត់លេខ៤ ក្រុង ព្រះសីហនុ ធ្វើជាកន្លែងប្រកាសបិទផ្សាយទិន្ន ន័យវិនិច្ឆ័យជាសាធារណៈដីធ្លីលក្ខណៈជា ប្រព័ន្ធសំរាប់ភូមិ៦ សង្កាត់លេខ៤ ក្រុងព្រះ សីហនុ រយៈពេល១ខែ ចាប់ពីថ្ងៃទី១០ មិថុនា រហូតដល់ថ្ងៃទី១០ កក្កដា ដើម្បីឱ្យ ម្ចាស់កម្មសិទ្ធិដី ទាំងដីរដ្ឋ និងដីឯកជនមក ពិនិត្យបំពេញបែបបទ ឬតវ៉ាជំទាស់ មុន ពេលដែលអាជ្ញាធរសំរេចចេញប័ណ្ណកម្មសិទ្ធិ ស្របច្បាប់ជូនម្ចាស់កម្មសិទ្ធិដី ។
នៅក្នុងកិច្ចប្រជុំជាមួយតំណាងម្ចាស់ ក្បាលដីនៅកន្លែងបិទផ្សាយ លោកសូ សុខ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ដ និងលោកមាស វុឌ្ឍី អភិបាលរងខេត្ដ បានធ្វើការអំពាវនាវ ឱ្យអ្នកពាក់ព័ន្ធធ្លាប់គ្រប់គ្រងក្បាលដីនៅក្នុង តំបន់វិនិច្ឆ័យ រួសរាន់មកពិនិត្យនិងបំពេញ ឯកសារជាមួយមន្ដ្រីគណៈកម្មការរដ្ឋបាល ដែលប្រចាំការធ្វើការងារជាមួយម្ចាស់ក្បាល ដីរយៈពេលពេញមួយខែ ដោយពុំគិតថ្ងៃឈប់ សំរាក ពិសេសអ្នករស់នៅបណ្ដាខេត្ដផ្សេងៗ ក្រៅពីខេត្ដព្រះសីហនុ ។
ភូមិ៦ គឺជាភូមិចុង ក្រោយគេក្នុងសង្កាត់លេខ៤ ក្រុងព្រះសីហនុ ដែលនឹងប្រកាសចេញប័ណ្ណកម្មសិទ្ធិលក្ខណៈ ជាប្រព័ន្ធ ដោយគណៈកម្មការរដ្ឋបាល ក្រោយពីភូមិចំនួន៥ទៀតបានធ្វើបញ្ចប់រួចរាល់ហើយ ។ ក្បាលដីសរុបក្នុងភូមិ៦ សង្កាត់ លេខ៤ មានចំនួន៥២១ក្បាលដី ក្នុងនោះមាន ទិន្នន័យចំនួន៤៨២ក្បាលដី និងគ្មានទិន្នន័យ ចំនួន៣៩ក្បាលដី ៕
ចែករំលែកព័តមាននេះ