កម្ពុជា​នឹង​បន្ត​ភ្លៀង​ព្រមទាំង​មាន​ផ្គរ រន្ទះ និង​ខ្យល់​កន្ត្រាក់​ចាប់ពី​ថ្ងៃ​១៥ ដល់​២១ ខែកក្កដា


រាជធានី​ភ្នំពេញ ៖ កម្ពុជា​នឹង​បន្ត​មាន​ភ្លៀង​ធ្លាក់​ពី​តិច​ទៅ​ច្រើន នៅ​តាម​តំបន់​មួយ​ចំនួន ព្រមទាំង​មាន​ខ្យល់​បក់​ក្នុង​ល្បឿន​បង្គួរ ចាប់ពី​ថ្ងៃ​ទី​១៥ ដល់​២១ ខែកក្កដា​ឆ្នាំ​២០២០​។ នេះ​បើ​តាម​ក្រសួង​ធនធានទឹក និង​ឧតុនិយម ។

យោង​តាម​សេចក្តីជូនដំណឹង​របស់​ក្រសួង​ធនធានទឹក និង​ឧតុនិយម​ស្ដី​ពី​ស្ថានភាព​អាកាសធាតុ ថ្ងៃ​ទី​14 ខែកក្កដា ឆ្នាំ 2020 បាន​ឲ្យ​ដឹង​ថា តាម​រយៈ​នៃ​ការ​ប្រែប្រួល​ជា​បន្តបន្ទាប់​នៃ​ស្ថានភាព​អាកាសធាតុ​សង្កេត​ឃើញ​ថា នៅ​ថ្ងៃ​ទី​១៥ ដល់​១៧ ខែកក្កដា ខ្យល់មូសុង​និរតី​នឹង​បក់​ក្នុង​ល្បឿន​បង្គួរ​មក​លើ​កម្ពុជា បន្ទាប់​មក​នៅ​ថ្ងៃ​ទី​១៨ ដល់​២១ ខែកក្កដា ខ្យល់មូសុង​និរតី​នឹង​ចុះ​ខ្សោយ ។

ក្រសួង​បាន​បន្ត​ថា ស្ថានភាព​បែប​នេះ​នឹង​ធ្វើ​ឲ្យ​បណ្ដា​ខេត្ត​នៅ​តំបន់​វាលទំនាប​កណ្ដាល​នៅ​ថ្ងៃ​ទី 15- 17 ខែកក្កដា និង​អាច​មាន​ភ្លៀង​ធ្លាក់​ក្នុង​កម្រិត​រាយ​ប៉ាយ​ក្នុង​កម្រិត​ពី​មធ្យម​ទៅ​បង្គួរ​ក្នុង​នោះ​មាន​ផ្នែក​ខ្លះ​នៃ​បណ្តា​ខេត្ត​នៅ​ភាគ​កណ្តាល​នឹង​ភាគ​ខាងលើ​អាច​មា​នៅ​ភ្លៀង​ច្រើន ។ បន្ទាប់​ពី​នោះ​ភ្លៀង​នឹង​អាច​ធ្លាក់​ថប​ថយ​មក​ក្នុង​កម្រិត​ខ្សោយ​ទៅ​មធ្យម ។

ចំណែកឯ​ខេត្ត​នៅ​តំបន់​ជួរ​ភ្នំ​ដងរែក និង​ខ្ពង់រាប​ឦសាន​នឹង​អាច​មាន​ភ្លៀង​ធ្លាក់​រាយ​ប៉ាយ​ក្នុង​កម្រិត​ខ្សោយ​ទៅ​បង្គួរ ។ ដោយឡែក​បណ្ដា​ខេត្ត​នៅ​តំបន់​មាត់សមុទ្រ​នឹង​អាច​មាន​ភ្លៀង​ធ្លាក់​រាយ​ប៉ាយ​នៅ​ក្នុង​កម្រិត​ពី​ខ្សោយ​ទៅ​មធ្យម ។

ស្ថានភាព​បែប​នេះ​ក្រសួង​ក៏​បាន​អំពាវនាវ​ឲ្យ​សាធារណៈជន និង​សូម​បង្កើន​ការ​ប្រុង​ប្រយ័ត្ន​ចំពោះ​បាតុភូត​ធម្មជាតិ​ដូច​ជា ផ្គរ រន្ទះ និង​ខ្យល់​កន្ត្រាក់​ជាដើម ដែល​នឹង​អាច​កើត​មាន​ជាយថាហេតុ​នៅ​ពេល​ណាមួយ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ