រាជធានីភ្នំពេញ ៖ ក្រោយពីតំណាងអយ្យការបើកការស៊ើបសួរអស់រយៈពេល២ថ្ងៃ លើស្ត្រីម្នាក់ជាថៅកែទូកដឹកភ្ញៀវទេសចរកម្សាន្តលើផ្ទៃចតុមុខ នាររសៀលថ្ងៃទី២២ មិថុនា ឆ្នាំ២០២០ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួននោះដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទ.ហិង្សាដោយចេតនាមានស្ថានទម្ងន់ទោស.ដែលធ្វើឲ្យខូចខាតទ្រព្យសម្បត្តិអ្នកដទៃ ។
ជនត្រូវចោទឈ្មោះ ហ៊ុន ចាន់លក្ខ ភេទស្រី អាយុ៥១ ឆ្នាំ មុខរបរ ថៅកែទូកទេសចរណ៍ ស្នាក់នៅផ្ទះលេខ៥ ផ្លូវលេខ១៧ ភូមិ៨ សង្កាត់ផ្សារចាស់ ខណ្ឌដូនពេញ រាជធានីភ្នំពេញ ។ ចំណែកបុរសដែលជាប្តីជាជើងខ្លាំង ចាប់បំផ្លិចបំផ្លាញទូកភាគីម្ខាងទៀត តាមក្នុងរូបភាពវីដេអូត្រូវបានសង្គមហ្វេសប៊ុកបង្ហោះព្រោងព្រាត មានសកម្មភាពយ៉ាងសាហាវបំផុត បានរត់គេចខ្លួនបាត់ក្រោយកើតហេតុ ។
តែទោះជាយ៉ាងណា បុរសរូបនោះត្រូវបានតុលាការចេញដីកាទៅសមត្តកិច្ចឲ្យតាមចាប់ខ្លួន ដើម្បីនាំមកផ្តន្ទាទោសទៅតាមបទល្មើសដែលគេបានប្រព្រឹត្តផងដែរ ។ សូមរំលឹកថា៖ ទូកទេសចរណ៍២គ្រឿងបើកបុកគ្នា ភ្ញៀវស្លន់ស្លោគ្រប់គ្នា
ចែករំលែកព័តមាននេះ