ខេត្តឧត្តរមានជ័យ៖ បុរសម្នាក់ដើចេញពីផ្ទះអស់រយៈពេល២ថ្ងៃមកហើយ ខណៈប្រពន្ធកូនដើររុករកទើបបានប្រទះឃើញដេកដួលស្លាប់នៅក្បែរមាត់ត្រពាំងទឹករហូតធុំក្លិន ទើបបង្ករការភ្ញាក់ផ្អើលកាលពីវេលាម៉ោង៧ និង៣០នាទីព្រឹកថ្ងៃទី២២ មិថុនា ស្ថិតក្នុងភូមិរនាមធំ ឃុំគោកមន ស្រុក បន្ទាយអម្ពឹល ខេត្តឧត្តរមានជ័យ។
ស្ត្រីឈ្មោះជា តូអាយុៈ៥៣ឆ្នាំ ត្រូវជាប្រពន្ធ បានរៀបរាប់ថា មុនពេលកើតហេតុប្តីគាត់ឈ្មោះខ្លូត គឿន
អាយុ៥១ឆ្នាំរូបនេះ តែងតែផឹកស៊ីស្រវឹងជារៀងរាល់ថ្ងៃ និងតែងរករឿងប្រពន្ធកូនរួចដើរចេញពីផ្ទះដាច់បាយដាច់ទឹកទាល់តែពេលល្ងាចទើបចូលផ្ទះវិញ។
ស្ត្រីជាប្រពន្ធបន្តថា នៅក្នុងថ្ងៃកើតហេតុនោះ ប្តីបានរករឿងប្រពន្ធកូនហើយរួចហើយក៏ដើរចេញបាត់ពីផ្ទះដោយមិនឃើញត្រឡប់មកផ្ទះវិញទេ ។ ហើយគាត់និងកូនប្រសារ បានចេញទៅតាមរកនៅឯចំការ ក៏ប្រទះឃើញដេកដួលស្លាប់នៅនឹងមាត់ត្រពាំងបែបនេះ ។ ភ្លាមៗ កូនបានរាយការណ៍ទៅសមត្ថកិច្ចចុះមកពិនិត្យ។
កម្លាំងអធិការស្រុកបន្ទាយអម្ពឹលបានឱ្យដឹងថា ក្រោយពីបានទទួលព័ត៌មាន សមត្តកិច្ចបានធ្វើការសហការជាមួយគ្រូពេទ្យ និងក្រុមអាជ្ញាធរភូមិឃុំចុះទៅធ្វើការពិនិត្យនៅជុំវិញ និងពិនិត្យលើសាកសព គឺពុំមានស្នាមកត់សម្គាល់នោះទេ ។
ចែករំលែកព័តមាននេះ