ប្រទេសអាល្លឺម៉ង់ ៖ ឆាកនៃសង្ក្រាមស៊ីវិលមួយ និងអំពើហិង្សាព្រមទាំងការបំផ្លាញ និងការប្លន់ កើតមានកាលពីយប់ថ្ងៃទី២០ រហូតមកដល់ថ្ងៃទី២១ ខែមិថុនា ឆ្នាំ២០២០ នៅទីក្រុង…
ប្រទេសអាល្លឺម៉ង់ ៖ ឆាកនៃសង្ក្រាមស៊ីវិលមួយ និងអំពើហិង្សាព្រមទាំងការបំផ្លាញ និងការប្លន់ កើតមានកាលពីយប់ថ្ងៃទី២០ រហូតមកដល់ថ្ងៃទី២១ ខែមិថុនា ឆ្នាំ២០២០ នៅទីក្រុង STUTGART ប្រទេសអាល្លឺម៉ង់ បណ្ដាលឲ្យមានការថ្កោលទោសខាងនយោបាយនៅអាល្លឹម៉ង់ ក្រោយអំពើប្លន់តាមហាងនានា និងការប៉ះទង្គិចគ្នា រវាងយុវជនច្រើនរយនាក់ និងប៉ូលិសក្នុងទីក្រុងនោះ។
ប៉ូលិសជាង១០នាក់រងរបួសស្រាល ហើយមនុស្សជាង២០នាក់ត្រូវចាប់ខ្លួន ក្នុងពេលមានអំពើហិង្សាក្នុងទីក្រុង ដែលផ្ទុះឡើងបើតាមអាជ្ញាធរមូលដ្ឋានថា បន្ទាប់ពីការត្រួតពិនិត្យរបស់ប៉ូលិស រឿងគ្រឿងញៀនមួយដែលប្រែក្លាយទៅជាការប៉ះទង្គិចគ្នា។
យុវជនជាច្រើនរយនាក់ ពោលគឺរហូតដល់៥០០នាក់ បានលើកគ្នាជាក្រុមតូចៗឆ្ពោះមកកណ្ដាលក្រុង ហើយបង្កចលាចលរយៈពេលជាច្រើនម៉ោង។ ដោយបិទមុខ ដើម្បីចៀសវាងកុំឲ្យគេកំណត់ដឹងអត្តសញ្ញាណ ពួកគេបានវាយបំផ្លាញបណ្ដារថយន្តរបស់ប៉ូលិស ដែលចតនៅតាមដងវិថី ដោយវាយបំបែកកញ្ចក់នឹងដំបងដែក។
ពួកគេគប់ដុំថ្ម និងរបស់របរនានាដែលទាញយកបានតាមផ្លូវ ឬតាមការដ្ឋានសាងសង់ លើរថយន្តឯទៀតៗរបស់កងកម្លាំងប៉ូលិស ដែលកំពុងបើកបរ ហើយវាយប្រហារលើប៉ូលិស។ សរុបប៉ូលិសជាង១០នាក់រងរបួសស្រាល។
តាមផ្លូវពួកបះបោរបានកម្ទេចកញ្ចក់ហាងជាច្រើន រួចហាងមួយចំនួនរងការប្លន់យកឥវ៉ាន់ ជាពិសេសតាមមហាវិថីពាណិជ្ជកម្មមួយ ដូចការបង្ហាញតាមវីដេអូនានាដែលផ្សាយតាមបណ្ដាញសង្គម។ ទូរទស្សន៍ក្នុងស្រុកមួយនិយាយជាពិសេស ពីការប្លន់ក្នុងហាងលក់គ្រឿងអលង្ការមួយ និងគ្រឹះស្ថានភោជនីយដ្ឋានមួយព្រមទាំងហាងទូរស័ព្ទដៃមួយ។
ភាពស្ងប់ស្ងាត់ត្រូវបានស្ដារឡើងវិញ នាវេលាម៉ោង៣ទៀបភ្លឺម៉ោងក្នុងស្រុក ក្រោយការលើកមកដល់នៃកម្លាំងបន្ថែមរបស់ប៉ូលិស។
ខុសពីប្រទេសអឺរ៉ុបឯទៀតៗ ឬសហរដ្ឋអាមេរិក អំពើហិង្សាបែបនោះកម្រមានណាស់នៅអាល្លឺម៉ង់ ៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ