ខេត្តស្វាយរៀង ៖ អាជ្ញាធរខេត្តបានបញ្ជាក់ថា ការធ្វើទំនប់សណ្តរទន្លេវ៉ៃគោ ដើម្បីទប់ទឹកមិនឲ្យជន់លិចផ្ទះរបស់ប្រជាពលរដ្ឋ មិនមែនយកដីមាត់ទន្លេពុះឡូត៍លក់ទេ ហើយក៏គ្មានគម្រោងធ្វើជាតំបន់ទេសចរណ៍នោះដែរ។ អាជ្ញាធរខេត្តស្វាយរៀងបានបញ្ជាក់បែបនេះ ដោយមានលិចឮពាក្យចចាមអារ៉ាមថា អាជ្ញាធរខេត្តលើកទំនប់អមតាមបណ្តោយមាត់ទន្លេវ៉ៃគោ…
ខេត្តស្វាយរៀង ៖ អាជ្ញាធរខេត្តបានបញ្ជាក់ថា ការធ្វើទំនប់សណ្តរទន្លេវ៉ៃគោ ដើម្បីទប់ទឹកមិនឲ្យជន់លិចផ្ទះរបស់ប្រជាពលរដ្ឋ មិនមែនយកដីមាត់ទន្លេពុះឡូត៍លក់ទេ ហើយក៏គ្មានគម្រោងធ្វើជាតំបន់ទេសចរណ៍នោះដែរ។
អាជ្ញាធរខេត្តស្វាយរៀងបានបញ្ជាក់បែបនេះ ដោយមានលិចឮពាក្យចចាមអារ៉ាមថា អាជ្ញាធរខេត្តលើកទំនប់អមតាមបណ្តោយមាត់ទន្លេវ៉ៃគោ ដើម្បីយកដីជាប់មាត់ទន្លេវ៉ៃគោពុះឡូត៌លក់។ អាជ្ញាធរបញ្ជាក់ថា មិនមែនជាការពិតទេ សូមកុំយល់ច្រឡំ ការធ្វើទំនប់សណ្តរទន្លេវ៉ៃគោមិនមែន ដើម្បីយកដីមាត់ទន្លេពុះ
ឡូត៍លក់ឬធ្វើជាតំបន់ទេសចរណ៍នោះទេ នេះជាការស្នើសុំរបស់អាជ្ញាធរខេត្តតាំងពីជំនាន់ឯកឧត្តមជៀង អំនៅជាអភិបាលខេត្តស្វាយរៀងម្លេះ លោកបានដាក់សំណើរទៅក្រសួងធនធានទឹកនិងឧត្តុនិយមធ្វើសណ្តរទន្លេដើម្បីទប់កុំឲ្យទឹកជំនន់ជន់លិចលំនៅឋាន របស់ប្រជាពលរដ្ឋ នេះជាការបញ្ជាក់របស់លោកហែម ពិសិដ្ឋ អភិបាលរងខេត្តស្វាយរៀង ប្រាប់អ្នកសារព័ត៌មាននៅរសៀលថ្ងៃទី២១មិថុនា២០២០នេះ។
លោកហែមពិសិដ្ឋបន្តថា គម្រោងនេះបានទន្លាក់កញ្ចប់ថវិកា តាំងពីមុនសម័យកូវីដ១៩ ហើយអ្នកទទួលគម្រោងគឺក្រសួងធនធានទឹក មានបណ្តោយប្រវែង២,៣០០ម៉ែត្រ ចេញពីផ្លូវជាតិលេខ១ស្ថិតក្នុងភូមិសាលាស្រុកចាស់សង្កាត់ព្រៃឆ្លាក់ក្រុងស្វាយរៀងទៅទឹសខាងជើង អមតាមបណ្តោយមាត់ទន្លេវ៉ៃគោ ទៅដល់ភូមិមេលោងហើយគម្រោងលើកទំនប់សណ្តរនេះនៅធ្វើច្រើនកន្លែងទៀត តាមប្លង់ ពីព្រោះ យើងត្រូវលើកទំនប់ឲ្យខ្ពស់ជាងនេះទៀត ហើយបើមិនធ្វើទំនប់ទប់ទឹកទេ ទឹក នឹងជន់លិចលំនៅឋានរបស់ប្រជាពលរដ្ឋ០៤ភូមិគឺភូមិសាលាស្រុកចាស់ ភូមិព្រៃឆ្លាក់ ភូមិអណ្តូងតាសី ភូមិមេលោង សង្កាត់ព្រៃឆ្លាក់ក្រុងស្វាយរៀង។
លោកបន្ថែមទៀតថា ការធ្វើសណ្តរទន្លេនេះ ក្រៅពីទប់កុំឲ្យទឹកជន់លិចលំនៅឋានរបស់ប្រជាពលរដ្ឋ គឺទុកទឹកធ្វើស្រែប្រាំងនិងប្រយោជន៍មួយទៀតគឺ ជាប្រភពទឹកផលិតទឹកស្អាត នាពេលខាងមុខឲ្យមានបរិមាណច្រើនតាមតម្រូវការ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ