រាជធានីភ្នំពេញ ៖ ប្រជាពលរដ្ឋម្នាក់ឃើញជនសង្ស័យគាស់បង្អូចផ្ទះអ្នកជិតខាងចូលលួចទ្រព្យសម្បត្តិ ប្តឹងសមត្ថកិច្ចចុះទៅព័ទ្ធទីតាំងខាងលើអស់ជាង២ម៉ោង ចុងក្រោយពេលសមត្ថកិច្ចទំលាយចូលទៅបានត្រឹមតែចាប់ខ្យល់។
រាជធានីភ្នំពេញ ៖ ប្រជាពលរដ្ឋម្នាក់ឃើញជនសង្ស័យគាស់បង្អូចផ្ទះអ្នកជិតខាងចូលលួចទ្រព្យសម្បត្តិ ប្តឹងសមត្ថកិច្ចចុះទៅព័ទ្ធទីតាំងខាងលើអស់ជាង២ម៉ោង ចុងក្រោយពេលសមត្ថកិច្ចទំលាយចូលទៅបានត្រឹមតែចាប់ខ្យល់។ ហេតុការណ៍ខាងលើបង្កឱ្យភ្ញាក់ផ្អើដល់កំលាំងសមត្ថកិច្ច និងប្រជាពលរដ្ឋជិតខាងនាំគ្នាចេញមកមើលកាលពីម៉ោង១០ និង៣០នាទីយប់ ថ្ងៃទី០៦ ធ្នូ២០១៤ នៅប្លុកផ្ទះល្វែងផ្លូវលំក្រុម៦ ភូមិត្រពាំងល្វាសង្កាត់កាកាប ខណ្ឌពោធិ៍សែនជ័យ។
ផ្ទះនៅទីតាំងខាងលើមិនត្រូវបានស្គាល់ឈ្មោះម្ចាស់ទេ ដោយចាក់សោពីខាងក្រៅ ហើយត្រូវក្រុមជនសង្ស័យធ្វើសកម្មភាពគាស់បង្អូចខាងក្រោយផ្ទះចូលលួចយកទ្រព្យសម្បត្តិ។ តាមប្រភពព័ត៌មានពីប្រជាពលរដ្ឋដែលរស់នៅជិតផ្ទះកើតហេតុបានប្រាប់សមត្ថកិច្ចថា មុនកើតហេតុ ខណៈដែលគាត់ចូលបន្ទប់ទឹកស្រាប់តែឃើញ(តាមកាមេរ៉ាសុវត្ថិភាព)មានជនសង្ស័យមិនដឹងមានគ្នាប៉ុន្មាននាក់ទេ បានគាស់បង្អូចផ្ទះអ្នកជិតខាងនៅខាងក្រោយផ្ទះគាត់ចូលលួចទ្រព្យ ដោយឃើញជនសង្ស័យម្នាក់បានលូនចូលផ្ទះខាងលើតាមបង្អូចខាងក្រោយ។
ប្រភពប្រាប់ទៀតថា ក្រោយមកគាត់បានទូរស័ព្ទទៅសមត្ថកិច្ចដើម្បីឱ្យចុះទៅអត្តរាគមន៍ ហើយត្រូវបានសមត្ថកិច្ចនាំកំលាំងចុះទៅព័ទ្ធទីតាំងខាងលើអស់រយៈពេលពីរម៉ោងក្រោយទើបសំរេចចិត្តគាស់បង្អូចបន្ថែមឱ្យធំ និងនាំកំលាំងចូលផ្ទះខាងលើដើម្បីរកជនសង្ស័យ តែពេលសមត្ថកិច្ចចូលដល់ក្នុងផ្ទះមិនឃើញជនសង្ស័យទេ គឺឃើញទ្រព្យសម្បត្តិក្នុងផ្ទះត្រូវជនសង្ស័យរុះរើរប៉ាត់រប៉ាយពេញក្នុងបន្ទប់(មិនដឹងបាត់អ្វីខ្លះ)។ ចុងក្រោយសមត្ថកិច្ចបានត្រឹមតែហួសចិត្ត និងដកកំលាំងចេញទៅល្បាតរៀងៗខ្លួនវិញ ៕
ចែករំលែកព័តមាននេះ