ខេត្តកំពត ៖ ទីតាំងទាហានការពារព្រំដែនគោករស់នៅក្នុងទឹក-នៅតែថ្ងៃវិចបង្វិចចេញទេព្រោះគេដោះដូរទីតាំងកងអនុសេនាតូចទី2របស់ទាហានការពារព្រំដែនគោកព្រែកចាក ស្ថិតនៅជាប់ផ្លូវជាតិនិងនៅជិតស្ពានដែកក្នុងឃុំស្វាយទងខាងត្បូងស្រុកកំពង់ត្រាច ។ ទីតាំងកងអនុសេនាតូចទី2នេះ នៅចំពីមុខដីរបស់ថៅកែវុធជាអ្នកដឹកជញ្ជូនទំនិញពីវៀតណាមទៅភ្នំពេញ។
ទោះជាបែបណា ទីតាំងកងអនុសេនាតូចទី2នៅស្ពានដែកនេះ ខាងទាហានបានបោះទីតាំងជាប់40ឆាំ្នមកហើយ បច្ចុប្បន្នត្រូវបានថៅកែវុធចាក់ដីលប់ក្រឡឹងជុំវិញស្ទើរតែទាំងស្រុងទៅហើយ ធ្វើអោយទាហានម្នាក់រស់នៅក្នុងទឹកដែលមន្ត្រីទាហានរូបនោះបាននិយាយថា នៅតែថ្ហ្ងៃវិចបង្វិចដើរចេញតែប៉ុណ្ណោះ ព្រោះគេដោះដូរតែមិនទាន់ដល់ថ្ងៃរុះរើ។
គ្មានមន្ត្រីណាហ៊ាននិយាយរឿងលក់បន្ទាយទាហានទេ តែត្រូវបានគេនិយាយប្រាប់ថា ដោះដូរទើបធូរស្រាលបន្តិច ។ ដោយឡែក ការដោះដូបន្ទាយទាហានវរសេនាតូចលេខ2ការពារព្រំដែនគោកបានចប់សព្វគ្រប់រួចរាល់អស់ទៅហើយ។
ប៉ុន្តែការសែតក្នុងស្រុកបានផ្សាយដំណឹងលក់បន្ទាយទាហាននេះស្រាប់តែមានមន្ត្រីទាហានម្នាក់មានប្រតិកម្មរឿងការចុះផ្សាយ។ មន្ត្រីទាហានរូបនោះ បាននិយាយប្រាប់តាមទូរសព្ទ័ថា ការលក់ដូរបន្ទាយទាហានសុទ្ធតែថ្នាក់លើជាអ្នកសម្រេចមិនមានត្រឹមតែថ្នាក់ស្រុកឬខេត្តទេ។
តាំងពីពេលនោះ ការដូរហាក់ដូចជាស្ងាត់តែឥឡូវចាប់កម្រើករឿងដោះដូរកងអនុសេនាតូចទី2មួយទៀត។បើតាមប្រភពមួយបាននិយាយថាកងអនុសេនាតូចទី2នៅជាប់ស្ពានដែកនេះគេលក់ដូរយូរហើយព្រោះម្ចាស់ដីគេនៅខាងក្រោយគេទិញទីតាំងកងអនុសេនាតូចនេះចេញពីមុខដីគេ កុំឱ្យទើសមុខពេក ទិញគ្រវែងចោលតែម្រ៉ងទាន់គេចង់បានដុល្លារ ។
ចែករំលែកព័តមាននេះ