ខេត្តបាត់ដំបង ៖ សមត្ថកិច្ចបានរាយការណ៍ថា អ្នកភូមិម្នាក់បានរងគ្រោះដាច់ជើងខាងស្ដាំម្ខាង ដោយសារដើរជាន់គ្រាប់មីន ពេលកំពុងដើររកចាប់ត្រីនៅអូរមួយកន្លែង ត្រង់ចំណុចស្ទឹងត្រជាក់ចិត្ត កាលពីវេលាម៉ោង៧ និង៣០នាទីយប់ថ្ងៃទី២១ ឧសភា…
ខេត្តបាត់ដំបង ៖ សមត្ថកិច្ចបានរាយការណ៍ថា អ្នកភូមិម្នាក់បានរងគ្រោះដាច់ជើងខាងស្ដាំម្ខាង ដោយសារដើរជាន់គ្រាប់មីន ពេលកំពុងដើររកចាប់ត្រីនៅអូរមួយកន្លែង ត្រង់ចំណុចស្ទឹងត្រជាក់ចិត្ត កាលពីវេលាម៉ោង៧ និង៣០នាទីយប់ថ្ងៃទី២១ ឧសភា ដែលស្ថិតក្នុងភូមិពាមតា ឃុំតាតោក ស្រុកសំឡូត ។
ជនរងគ្រោះឈ្មោះ ពុត វ៉ាន់ ប្រុសអាយុ៥៣ឆ្នាំ រស់នៅភូមិ-ឃុំ កើតហេតុខាងលើ។ សមត្ថកិច្ចបានប្រាប់ថា ជនរងគ្រោះទំនងដើរជាន់គ្រាប់មីនប្រភេទមីនស្មាច់ ដែលកប់ក្នុងដីតាមមាត់អូរសេសសល់ការពីសម័យសង្គ្រាម ។ ជនរងគ្រោះបានរងរបួសដាច់ជើងខាងស្ដាំ ហើយត្រូវបានអាជ្ញាធរ និងសមត្ថកិច្ចមូលដ្ឋានជួយដឹកភ្លាមៗ ទៅសង្គ្រោះបឋមនៅមន្ឌលសុខភាព មុនពេលបញ្ជូនបន្តទៅកាន់មន្ទីរពេទ្យបង្អែកខេត្ត ។
គេមិនទាន់ដឹងឲ្យប្រាកដថា តើពលរដ្ឋឈ្មោះពុត វ៉ាន់ ដើរជាន់មីនផ្ទុះដាច់ជើងម្ខាងនោះ ដោយសារដើរទៅណាមកណា ឬ ចូលព្រៃរកអ្វីទេ បានជាគ្រោះថ្នាក់ទាំងយប់បែបនេះ ? ប៉ុន្តែបើតាមប្រភពព័ត៌មានមួយចំនួនបាននិយាយថា ឈ្មោះពុត វ៉ាន់ បានដើរជាន់មីន នៅពេលគាត់កំពុងដើររកត្រីនៅក្នុងអូរ តែគេមិនបាននិយាយអំពីវិធីដើររកចាប់ត្រីនៅក្នុងអូរនោះទេ ។
ទោះបីយ៉ាងណា ក្រោយកើតហេតុ បុគ្គលិកមណ្ឌលសុខភាព បានបញ្ជូនជនរងគ្រោះរូបនេះ បន្តទៅកាន់មន្ទីរពេទ្យខេត្តហើយ៕
ចែករំលែកព័តមាននេះ