រាជធានីភ្នំពេញ ៖ បើតាមប្រភពឆ្លើយឆ្លងព័ត៌មានកោះសន្តិភាពបានឱ្យដឹងថា ព្រះសង្ឃ២អង្គដែលបានឃាត់ខ្លួនបញ្ជូនទៅស្នងការនគរបាលរាជធានីភ្នំពេញ បានត្រៀមបញ្ជូនបន្តទៅសាលាដំបូងរាជធានីភ្នំពេញហើយ នាវេលាព្រឹកថ្ងៃទី១២ វិច្ឆិកា ២០១៤ នេះ ដើម្បីធ្វើការសាកសួរ ។
គួរបញ្ជាក់ថា ព្រះសង្ឃ២អង្គដែលគង់នៅកុដិលេខ៤៤ ក្នុងវត្តស្ទឹងមានជ័យ ត្រូវបានឃាត់ខ្លួនបញ្ជូនទៅស្នងការនគរបាលរាជធានីភ្នំពេញ កាលពីវេលាព្រឹកថ្ងៃទី១២ វិច្ឆិកា ២០១៤ នេះ បន្ទាប់ពីបានដឹកជញ្ជូនទង់ជាតិ និងទង់សាសនាចំនួន១២៤ដើម ទៅវត្តសាមគ្គីរង្សី ។
ប្រភពបានឱ្យដឹងទៀតថា យោងតាមមន្ទីរធម្មការ និងសាសនាព្រះសង្ឃ២អង្គ ដែលឃាត់ខ្លួន គឺមាន១-ព្រះនាមថិត សាត និង២-ព្រះនាមឃិត វណ្ណៈ ។
ទោះបីជាយ៉ាងណា គេនៅមិនទាន់ដឹងពីគោលបំណងនៃការធ្វើបែបនេះនៅឡើយទេ ដោយព្រះសង្ឃ២អង្គនេះបានឆ្លើយប្រាប់សមត្ថកិច្ចថា លោកនៅវត្តសាមគ្គីរង្សី បានទូរស័ព្ទឱ្យដឹកយកទៅ ខណៈរបស់ទាំងនេះត្រូវបានដឹងថា គឺអន្ទិតសង្ឃ ទឺង ហាយ ជាអ្នករៀបចំទុកជាយូរមកហើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ