ប្រទេសចិន-អុីស្រាអែល ៖ អ្នកនាំពាក្យប៉ូលិសអុីស្រាអែល លោកMICKY ROSENFELDបញ្ជាក់ថា មានអាយុ៥៧ឆ្នាំហើយទើបចូលកាន់តំណែងកាលពីខែកុម្ភៈ ឯកអគ្គរដ្ឋទូតចិនប្រចាំអុីស្រាអែល លោកឌូវ៉ី ត្រូវបានប្រទះឃើញទទួលមរណភាពកាលពីថ្ងៃទី១៧ឧសភា ក្នុងនិវេសនដ្ឋានរបស់លោក ក្នុងទីក្រុងHERZLIYAជិតទីក្រុងតែលអាវីវ។
ក្រសួងការបរទេសចិនគូសបញ្ជាក់ថា ឯកអគ្គរដ្ឋទូតរូបនោះ ទទួលមរណភាពប្រហែលដោយសារមូលហេតុធម្មជាតិ នៃសុខភាពរបស់លោក។ ក្រុមប៉ូលិសក្នុងនោះមានសមាជិកក្រុមគ្រួពេទ្យ កោសល្យវិច្ឆ័យមួយរូបផង បានទៅកាន់ភូមិគ្រឹះនោះ។ ក្រសួងនេះក្នុងសេចក្ដីប្រកាសមួយគូសបញ្ជាក់ថា តាមការត្រួតពិនិត្យបឋម ឯកអគ្គរដ្ឋទូតរូបនេះបានទទួលមរណភាព ដោយសារមូលហេតុសុខភាព តែអះអាងថាគេត្រូវរង់ចាំការបញ្ជាក់សិន។
លោកMICKY ROSENFELDបញ្ជាក់ថា ពុំមានការស៊ើបអង្កេតលើមរណភាពនេះឡើយ ហើយប៉ូលិសបដិសេធមូលហេតុឧក្រិដ្ឋកម្ម។ ប្រភពពេទ្យអុីស្រាអែលមួយ លើកឡើងពីលទ្ធភាពនៃមរណភាពនោះថា អាចមកពីការគាំងបេះដូង។ រដ្ឋមន្រី្តការបរទេសអុីស្រាអែលលោក KATZថ្លែងថា ឯកអគ្គរដ្ឋទូតរូបនោះ ជាអ្នកមានវិជ្ជាជីវៈការទូត ហើយលោកបានរួមចំណែក ក្នុងកែលម្អទំនាក់ទំនងរវាងប្រទេសទាំង២ក៏ទោះបីលោក ទើបមកកាន់អុីស្រាអែលក្ដី។
លោកឌូវ៉ីធ្លាប់ជាឯកអគ្គរដ្ឋទូតចិន ប្រចាំប្រទេសអ៊ុយក្រែន មុនពេលមកកាន់តំណែងនៅអុីស្រាអែល។ ពេលមកដល់អុីស្រាអែលកាលពីខែកុម្ភៈលោកត្រូវនៅដាច់ពីគេ ក្នុងនិវេសនដ្ឋាន ជាកិច្ចការពារប្រឆាំងវីរុសCOVID-19 ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ